PizzaExpress (荃灣廣場) (Closed)

真係好鍾意食pizza, 行行下街突然想食, 又醒起仲有優惠券未用哂, 就衝左入去PizzaExpress! 蕃茄海鮮意粉🍝 $148首先上菜嘅係呢碟意粉, 份量都夠二人食, 海鮮有蝦肉, 蜆肉, 八爪魚同小元貝, 都幾足料! 意粉轉左做蝴蝶粉, 好有口感, 亦都好掛汁, 連埋蕃茄汁食好好味, 酸酸地好開胃! 北京烤鴨薄餅🍕 $158一食第一啖覺得好驚喜, 味道好似真係食緊北京填鴨咁, pizza上面有滿滿甜醬, 仲有烤鴨、青瓜粒、芝士同埋葱, 感覺好特別! 但當我食到第三塊時就開始覺得有啲膩, 因為個醬汁實在太甜, 有點頂唔順! 此外, 仲覺得配料太少, 每塊pizza只有一件勁細嘅肉.. 真係唔多夠喉甜品拼盤🍰🧁 $123共有三款甜品朱古力心太軟新鮮焗起, 但切開冇流心, 朱古力味道唔錯, 唔會係好死甜意式忌廉撻撻皮鬆脆, 忌廉唔會好漏, 面頭仲有幾粒藍莓🫐是日甜品: 蘋果批中規中矩, 蘋果都幾甜下, 批底我覺得腍得滯

今日姐姐生日，因疫情關係，我地都係叫外賣返屋企開餐興祝，叫慣P記的pizza, 今次試試pizza express。見到Menu好多都想試，我們選擇了蒜蓉包$40+$18加配芝士。蒜蓉味濃，配上至愛的芝士，麵包烤得甘香， 煙煙靭靭👍在pizza express, 薄餅一定要叫啦，唔係點叫食過呢😆。我們點了煙三魚他他薄餅($148), 雖然由餐廳到屋企，都差不多10分鐘路程，但薄餅依然夠熱，還夠煙xx，pizza舖滿了芝士，加上煙三文魚，還額外用另一個盒裝起舖面的火箭菜，認真細心。👍Calabrese Pizza($188), 店員介紹這是招牌方型pizza。Pizza size很大，配上辣肉腸，青红椒，味道帶點辣，十分野味，姐姐食到舐舐脷 ，不過不適合小朋友食。🤣蕃茄海鮮意粉($148), 蝦夠新鮮，肉質實淨，配上番茄仔，元貝勁多，魷魚，食材豐富， 意粉煙韌，配上番茄醬，味道不錯😋細烤雞配蝴蝶粉($158), 細烤雞有半隻，雞用香草烤焗，味道香濃，雞皮仲有少少脆口，蝴蝶粉用白汁煮，很匹配。這餐外賣包裝很精細，食物超出我所想的水準，疫情底下，也是不錯的選擇👍