Via Tokyo (Closed)

-不用多作介紹，今次又食 Via Tokyo 嘅焙茶和抹茶雪糕🤩-白玉焙茶雪糕🥰（$49）抹茶雪糕可以免費轉焙茶雪糕😎，焙茶雪糕真係好好味，焙茶味十分濃郁，味道無得彈👍🏻，仲有白玉，食落煙韌， 焙茶雪糕真係好高質😍，鍾意焙茶朋友就記得要試，真心好食！推薦🥰-蕨餅抹茶雪糕❤️（$56）而抹茶雪糕都不錯，仲有蕨餅，紅豆和栗子🌰，同樣都好好味😋，同之前水準差唔多，無論食到幾飽，點都要食埋個甜品😆-下次有機會可以試下刨冰😎-PS所有抹茶/牛奶抹茶mix可轉為焙茶 或焙茶Mix🥰-

拿破崙算係唔新嘅新品，好耐之前有出過。以前試唔到，點知今次一試就中伏🌚三層酥皮，夾住兩層抹茶同custard cream，舊版淨係得抹茶cream。一拎上嚟已經東倒西歪，點知個味道都🤢個酥皮又乾又硬，拮極都拮唔開🤦🏻‍♀️層次唔分明，一啲鬆化香脆嘅感覺都冇。食落又有啲燶味，完全遮蓋咗抹茶cream嘅味道。最濃嘅抹茶味係嚟自伴碟嘅抹茶醬😪雪糕又係歪嚟歪去，多客趕單都唔係咁掛🤷🏻‍♀️好彩水準依舊，伴以紅豆蓉、栗子、蕨餅，但蕨餅太甜，而且唔煙韌。鋪頭有日式嘅裝修格局，但冇日式嘅服務。夜晚好多人排隊，都見到入面有空位，但又唔盡快安排入座😐擠個雪糕又歪歪斜斜，真係再好味都令人好感大減🤷🏻‍♀️

係呢個炎炎夏天嘅夜晚，經過見到Via Tokyo，就諗起佢地嘅抹茶雪糕同埋期間限定嘅雪花冰😋😋❄️❄️，難得經過，當然要去食啦😆😆。我地20:30左右入到去座，呢度係有最低消費 ：每人最少要有一杯或者一份食物，20:30之後，只有45分鐘時間。一坐低，就俾呢個期間限定嘅芒果士多啤梨雪花冰吸引咗，見到隔離檯到有叫到，個樣好靚靚丫😍，就諗住叫一份啦，點知佢地話今日賣曬啦😭😭，好傷心吖😫😫，如果想食的話，最好早少少啦🙈🙈。冇得食期間限定，咁為有叫番士多啤梨雪花冰啦呢個之前都有食過，同上次差不多～，雪花冰上面淋滿士多啤梨醬，一放在台上，就聞到士多啤梨酸甜個香味，食落去個味道一啲都唔假，非常香甜😋😋，食到中間，會見到有啲米通在入面，脆卜卜，同啲冰應成咗明顯嘅分別，再食落啲，就見到吉士醬，食落就普普通通，再落啲，就見到士多啤梨，士多啤梨超超超酸，佢旁邊有練奶給你，但加埋練奶都遮唔到士多啤梨嘅酸味😕，正正係士多啤梨太酸嘅關係，令呢個雪花冰整體下降...食完個冰，我地再叫多個抹茶雪糕食，來到呢到，無理由唔食抹茶雪糕丫嘛😆😆。我地叫咗個蕨餅抹茶雪糕😋。先講下雪糕先～呢果一定係抹茶控最愛，一食落去，已經覺得濃

一直都冇機會試呢一間Via Tokyo ，今次咁岩朋友都喜歡食綠茶，晚飯過後就嚟咗食甜品。平日嘅夜晚都幾多人，等左5分鐘先有位。一睇個餐牌其實定價都幾高，最平都成＄40先有個雪糕，仲有每人最低消費一款甜品，而且有啲都幾大份，一個人又點食得晒呢本身想試埋培茶雪糕但係又要再加錢，所以就試咗牛肉同埋抹茶兩款啦。白玉雪糕($40):雪糕好挺身，牛奶味好香濃，同埋超級大杯，白玉都好煙un！蕨餅抹茶雪糕($53):呢杯又係超級大杯，而且都係好硬身，一入口覺得超級高質既抹茶，因為茶味好濃仲好甘香，又唔會好快溶，而蕨餅就普通，overall真係值呢個價錢，食完仲好飽添。

今晚在尖沙咀吃完晚飯後到了viatokyo吃甜品 大約9:00左右 幸好不用排隊。我們點了一個抹茶雪糕和焙茶雪糕share吃蕨餅抹茶雪糕 $50抹茶雪糕依舊濃郁 耐溶度高 沒有苦澀而且帶回甘 但對比起chacha 這個會較甜配角的蕨餅不好吃!!!!像清水糕般軟patpat 沒有口感 只有甜度 不愛不愛紅豆甜度偏高 但配上抹茶雪糕一起吃味道剛好白玉焙茶雪糕 $44不得不承認 viatokyo的焙茶味雪糕是我吃過所有中最濃郁香醇的 甜度不高 苦中帶甘香 像烏龍茶般的味道! 但相對抹茶雪糕 焙茶味的較易溶掉 時間大概快一倍 所以我也吃得頗快速的 而且今天的焙茶味吃到少許碎冰!要注意一下品質白玉煙韌軟糯 比蕨餅出色~我也吃過他們的芝麻味 都是非常出眾的 像吃芝麻糊般 絕對值得一試！但尖沙咀分店接待客人的店員實在太少了吧，愈晚愈多人，我們吃完等很久才有人有空出來為我們結帳，外面還有很多人在等呢⋯⋯

抹茶店開到成行成市。要揀一間平。靚。正。嘅抹茶店真係唔容易。<Via Tokyo >係我第二❤️水抹茶店。蕨餅抹茶雪糕抹茶味道唔假。抹茶雪糕香濃。雪糕滑溜唔太甜。配搭紅豆蓉。甘栗。嶡餅。甘栗甜入心。嶡餅煙煙un un 。淡淡抹茶香。雪糕再加三款配料。啱曬多❤️嘅你同我

完美的抺茶雪糕又點少得出色的配料抺茶雪糕加埋抹茶蕨餅🍡抹茶控又係時候出動啦！🏃🏻蕨餅抹茶雪糕 ($50)蕨餅好柔軟👏🏼煙韌得黎又有咬口！😁表面沾上抺茶粉✨食落充滿淡淡抹茶香～🍵抹茶軟雪糕一如以往細滑👍🏼抺茶味香濃回甘☘加埋微甜的紅豆蓉🍬簡直係perfect match！💃🏻真係Oishi~😋😋😋

首次來到尖沙咀的這間分店，吃過無數次Via Tokyo，它在我心中的第一雪糕店地位從未動搖。熟悉我的朋友都知道，本來我就偏愛煙煙韌韌的食物，例如糯米糍、麻糬及綿花糖，故每次到Via Tokyo大多都會點白玉紅豆、糯米糍紅豆或蕨餅紅豆三款配料的抹茶雪糕，是次亦不例外。蕨餅抹茶雪糕 ($50)雪糕一如既往非常順滑、質地挺身，抹茶味道濃郁，絕非坊間其他抹茶雪糕能所媲美。配上糖漬栗子，以及我最喜歡的抹茶蕨餅，煙煙韌韌，外層沾滿的抹茶粉令抹茶味道更加濃厚，兩件蕨餅絕對不足以滿足呢人氣食店每年都有很多，噱頭可以有很多、一時吸引的人潮亦有很多；然而能夠歷久不衰的，往往就只有能夠保持高質素的餐廳，從來不會令人失望，縱使再吃數百次，仍然回味無窮。

Via Tokyo 剛在尖沙咀開了分店不久，便不斷在 instagram 被洗版，攪到我心思思又想去食下。加上不久前去了京都，那裡的抹茶蛋糕實在太好味，於是趁週末得閒便來尖沙咀 Via Tokyo 再尋抹茶味。尖沙咀的分店比銅鑼灣店大一點，本身舖位不大，但都幾有日式空間感，光線充足明亮，感覺不會很狹窄，座位都幾舒適，而店內的擺設更帶來更多日本味道。另外不時聽到店員用正宗的日語招呼及多謝客人，再令我有種置身於日本的感覺。這日我約 1 點半便來了這裡，menu 裡清一色都是蛋糕、雪糕等甜品，今次便一於把甜品當午餐吧~蕨餅抹茶雪糕，抹茶軟雪糕香濃甘澀，好綿滑，而且連同軟淋淋的紅豆一起入口，又可令抺茶甘澀味加多點甜。還有沾滿抺茶粉的蕨餅，類似糯米糍好煙靭，好味道。我個人對白玉還是一般，咬下去是有點粉糯，和蕨餅的口感形成強烈的對比。然而，雪糕都頗快溶掉，所以還是先吃這個，然後才吃其他甜品。雖然眼前呢個宇治抹茶芝士蛋糕，都係食唔番當時在京都吃到的味道，不過件蛋糕做得好挺身，而質感都幾軟綿綿，芝士令抹茶香減少苦澀，而抹茶亦令芝士無咁膩，而是保留抹茶的甘香及芝士的細滑，可謂雙劍合壁，令彼此的優點加分！