CHiLL-i (Closed)

之前喺觀塘食飯見到有人派呢間餐廳嘅傳單，睇落嘢食都幾吸引，所以今日就過嚟試下佢!每個餐跟沙律、餐包、湯同飲品～沙律菜夠新鮮，加埋柚子醋酸酸地幾開胃~入面仲要有新鮮無花果，好食～🥗粟米湯食到粟米蓉嘅口感但唔會好杰，餐包烘到脆卜卜！🌽🍞西班牙黑毛有骨豬扒🐷✨豬扒夠厚，煎到兩面焦香，入面肉質軟腍，仲要肥瘦均勻，食落有肉香又有油香，呢個有驚喜！🤩✨薯條似扭扭薯條，夠晒香口～伴菜新鮮好食～紐西蘭原條檸檬龍脷魚🐟✨龍脷魚好夠份量！佢煎到表面香脆，入面魚肉就嫩滑多汁同鮮甜～😍✨意粉軟硬剛好，加埋忌廉汁食一流～薄荷青檸梳打🍀薄荷味夠突出，加埋青檸嘅酸甜，飲得好爽～玫瑰鮮奶咖啡☕️🌹淡淡玫瑰嘅清香，同咖啡味好夾，而且無苦澀味，好易入口～.呢度除咗食物外，好多細心位都好加分👍🏻✨入座會有俾個籃我哋放袋～✨侍應服務態度好好～✨留意到佢哋抹枱之餘仲會抹埋櫈，好衛生～

觀塘駱駝漆食肆雲集，星期六去咗幫襯「CHiLL-i」。之前經過已經想食，但晚市收得早，所以未有機會一嚐😬。估唔到餐廳週末都有提供午市套餐，主菜介乎$68至$128不等，升級做豪華定食加$30🍱，包餐湯、小食兩款同甜品。套餐內容豐富，擺盤繽紛。泰式青咖喱·烤雞扒·牛油果·泰國香米白飯($98)，🥘青咖喱味道正宗，辣度顯著，幾惹味，撈飯食一流，但質感略嫌有啲滑潺潺。🥑伴旁搭配牛油果，組合特別，而且亦能中和辣味。🐔烤雞扒大大塊，煎至外脆肉嫩。香煎盲曹魚柳·意大利茄醬燴菜·薯仔沙律($98)，菜式賣相吸引，面頭插咗兩條墨魚麵作點綴。🐟盲曹魚柳大件兼厚身，肉質超滑又無骨。其他伴菜同樣出色，🥔薯仔沙律清涼好味道；茄醬燴瓜菜則好鮮甜，酸度適中🍅。是日餐湯係蘑菇湯🍄，味道好濃郁，飲得出係用咗好多菇菌打成。炸麥樂雞🍗，呢款小食雖則簡單，不過好香口，大人細路都啱食。碎蛋沙律🥚，蛋白彈牙，將蛋黃打蓉撈匀，好似食緊烚蛋咁。蟹柳沙律🦀，呢個係日式風味，食落幾開胃，如果加埋青瓜絲同蟹籽就正喇。薄荷青檸梳打(午餐價$28)，🍋梳打大大杯，冰涼解渴，啱晒夏天飲。薄荷同檸檬味一樣突出，而且唔會太甜。熱焦糖咖啡(午餐價$

這天來到觀塘，觀塘在工廈區域覓食Chill-i 這間cafe, 感覺不錯，午餐定食豐富我們點了兩個餐：韓式泡菜鮮菇炒飯香煎盲曹魚柳伴意大利茄醬燴菜及薯仔沙律定食套餐很豐富！蘑菇忌廉湯都好足料，菇味好香蕃茄蟹柳沙律清新口味。炸魚柳脆，點沙律醬更加好味。炒飯餡料豐富，用切碎的菇粒來炒飯增加口感，也食得健康呢個賣相好靚😊洋蔥粒薯仔沙律好好味，薯仔化成薯蓉好幼滑　而主角盲曹魚柳份量好多，啖啖肉😊喜歡朱古力咖啡嘅賣相，個雙層嘅玻璃杯隔熱之餘亦都好靚，咖啡上邊也有拉花午飯後，慢慢細味感覺濃郁嘅咖啡，心情輕鬆薄荷及青檸也味道清新，加上梳打水，很有初夏清爽感覺。芝士蛋糕口感細滑，味道都幾濃郁。我想新鮮生果令整冊清新。龍珠果比較小見，味道酸甜清新。😊我地都喜歡這間餐廳😊期待下次再去食

星期三約左part time舊同事聚一聚舊。我地叫左兩個午餐，都加左$30升級做豪華定食，配餐湯、兩款小食、甜品，再叫埋餐飲。餐湯係椰菜花湯，上枱夠熱辣辣，又creamy，好好飲。雞蛋沙律加左啲粟米粒，味道正常。豆腐冷餅呢個好好食，好似食緊魚腐甘，綿滑既口感。泰式辣醬忌廉汁繪蟹肉意大利飯好有泰國既風味，味道辣辣地，有泰式香料既味道，好似去左泰國甘，好食。香煎盲曹魚柳伴意大利茄醬燴雜菜及薯仔沙律份量十足，盲曹魚肉質非常嫩滑又無魚骨，煎得岩岩好。芝士蛋糕即使細細件，擺盤都落足心機，入口即化，作為飯後甜品幾好。玫瑰鮮奶咖啡有啲玫瑰花瓣係面頭好靚，飲落玫瑰花味都出，幾好飲。薄荷青檸梳打味道酸酸甜甜，好解膩。

今晚在觀塘吃飯，駱駝漆大廈勝在近地鐵站，位置便利。餐廳裝修簡單，座位不算多，全部都是雙人或多人座位，不設卡位。餐廳的選擇不少，有小食、前菜、意粉、扒類、甜品和飲品。⭐️輕燒香草吞拿魚伴無花果柚子香芒沙律$88擺盤有心思，配菜有柚子沙律、無花果、芒果、車厘茄和沙律等。清爽Q彈的吞拿魚配上香甜的芒果、酸甜交雜的柚子、口感獨特的無花果，口感非常搭。⭐️煙腩肉長尖通粉伴溫泉蛋$108將溫泉蛋戳破，通粉沾滿了醬汁，配上煙腩肉，通粉煙煙韌韌的，很惹味。⭐️慢煮脆皮豬腩配紫椰菜沙律及火燒菠蘿蓉$138脆皮豬腩的脆皮微脆，豬腩肉經過慢煮，切下來非常柔嫩，入口肥瘦夾雜，咬起來併發油脂，很香很嫩，是誠意之作。紫椰菜很健康，顏色搶眼。⭐️棉花糖可可$38可可加上棉花糖，朱古力味道濃淡適中，入口頗香甜。⭐️薄荷青檸梳打$38青檸梳打加了不少梳打，入口有青檸味道，很清爽。