三：三

Open Now

Now Closed

難得嚟到長洲食好西，唔想食啲普通野，就搵咗本地人介紹喇，相信佢哋介紹得嘅餐廳都係物有所值呢間叫三：三 high Tea我最鍾意，但嚟到呢度嘅時候已經食飽咗🥺我叫咗呢杯薯不知晴，底係紫薯，中間似奶，上層藍色唔知係咩🤔仲有黑白珍珠，飲嘅時候店員提醒要食埋底啲紫薯，好多客人冇(筆)嚟食，我一早將紫薯攪散用飲管飲，我覺得咁最好飲老公就叫咗呢杯柑柑兔子酸酸甜甜嘅益力多味加梳打水我覺得試完呢兩杯下次都可以試其他，相信有驚喜聽講佢對面定時有xx食（唔記得咗）但下次一定要留肚食

一間野食又靚又好食嘅小店✨老板全家都好有禮貌，對每個客人都熱情款待。個紫薯芋泥爆珠吐司有滿滿嘅紫薯同珍珠，超足料！重有個芝士火腿肉鬆吐司🥪入面重加左沙律菜🥗佢地個店長爸爸菠蘿包~係店長嘅爸爸自己整㗎😍菠蘿包上面重要有個雪糕🍨真係不得了！佢地嘅飲品每杯都係好靚好啱我呢d鍾意打卡嘅人📸個杯士多啤梨沙冰，個底加左啫喱，個面加左cream同士多啤梨！超靚超吸引呀😋個奶油格子重正，搽滿牛油同蜜糖，最緊要係面頭個cream！！！

經常同男朋友去長洲食好西，今次想試吓新野，就同佢周圍行吓，點知行到去北帝廟足球場附近就見到間店舖環境舒適播放住柔和的音樂，就被吸引左入去，入到去店長同店員熱情的招待感覺有如貴賓一樣。跟住我點左個店長菠蘿包加咖啡而男朋友點左個特色雞翼、薯不知晴和芝士火腿吐司，嘩！吐司好有驚喜呀！吐司裏面用水耕種植方式的菜感覺有機又健康！個菠蘿包是店長爸爸親自製造口感鬆軟，飲品看似得個樣原來味道令人10分驚喜。整體而言現時無得去旅行之下感覺有如去了一趟韓國旅行一樣令人放鬆，舒適的長洲小店值得推介！

呢間新店開張三個星期左右，身邊朋友試過之後，都推介我過嚟呢度試試，本身我亦有睇佢地IG相覺得好吸引，因為咁啱「薯不知晴」係IG介紹「雲深不知處」，有追開劇嘅我，梗係好心急去試，所以趁今日Dayoff，就過嚟一試味道😂呢度環境好開揚，間中會有街坊經過會打招呼，如果有帶寵物又可以坐係餐廳外，餐廳格局採用黑白灰再加木色，打卡真係好靚！！！如果識圍棋嘅你，仲可以同老闆傾吓計🤣因為餓得滯有叫埋雞翼同芝腿沙律三文治，都係食完先記起未影相，係等「店長爸爸白雪菠蘿包」嘅時候，同老闆妹妹邊傾計邊感受小島嘅寧靜，真係好放鬆！！！有興趣嘅你地入去長洲記得試下❤️❤️❤️