Seafood Stand (Closed)

紅磡多好嘢食大家都知，選擇雖然多但好多喺食飯時間都座無虛席。見呢間Seafood Stand評價唔錯，又咁啱喺附近就去試下。一去到見到門口冇人排隊，既開心又擔心。開心唔使等位，擔心冇人等會唔會唔好食。店面唔大，估計可以坐到25至30人，有部分係長枱部分係二人枱，坐得都逼逼地。店內裝修俾人溫馨放鬆嘅感覺，雖然逼但卻又冇壓迫感，可能同店內播住令人放鬆嘅音樂有關。食物種類選擇唔少，有burger，海鮮，各類小食仲有意粉類。價錢好合理，大約都係30-100蚊不等。揀好嘢食要自己去收銀處落單，食物會由侍應送到。香草牛油烤美國帶子($43): 一上枱就聞到好香嘅蒜蓉味，有好多炒磨菇，仲有唔少沙律菜! 一吉落去就搵到粒好大粒嘅帶子，43蚊一份有3大粒，呢個價錢好抵食呢！帶子烤得剛剛好，外面全熟，中間啱啱熟，推介。牛油同菇雖然用牛油整，可能因為伴有清爽嘅生菜，同埋用烤嘅方法整，所以唔會覺得十分油膩。薯格($28): 送到黎時見到咁大碟都好驚喜，店主出手唔小氣。薯格同坊間賣嘅一樣，但呢度嘅唔會炸過龍，感覺冇咁油同冇咁熱氣。值得一讚嘅係呢度嘅茄汁，首先成枝俾你慢慢落，而且茄汁混入左唔少香料，為本來普通嘅炸

好耐無同老友夏總及佢老婆一齊食飯，順便睇睇旅行相，所以，相約嚟到紅磡主打海鮮及漢堡嘅Seafood Stand，貪佢環境夠輕鬆隨意，感覺無拘束，一邊食住漢堡，就一邊睇相 。店內環境唔喺好大，屬小店格局，一室美式風情，牆上掛滿充滿美國味道嘅海報，配以柔和燈光，節奏輕快嘅音樂，雖然點餐運作喺半快餐模式（即喺晌櫃表點餐後，再有店將食物送上），但一樣甚有氣氛 。唯挑剔少少喺全店都喺高腳枱櫈，但枱底無設置一啲掛鈎，又或櫈底無放置一啲小籃以便客人擺放背囊或手袋之物 。以漢堡包店而言，食物嘅選項真喺唔少，起得個名有Seafood一字，當然亦有海鮮嘅選擇，如龍蝦、虎蝦、魷魚鬚、帶子、青口、珍寶蠔……等等 。兩大頁嘅餐牌，除海鮮類，仲有肉類、意粉、餐湯、小食、沙律，以及另一主打漢堡；飲品方面，除咖啡，汽水，仲有多款梳打 。 薯格 $28 依度嘅漢堡無伴薯條（只伴少少沙律菜），而薯仔小食有脆薯條、薯角、薯格，可惜無混合，所以點一客薯格試試，因為我哋都較少食。薯格炸得香脆，最得意喺支茄汁，仲以為喺「地捫」貨色，原來經調校過，酸香得嚟帶少少辣，原來加入咗黑椒，所以，較單單茄汁惹味 。 蝦兵