Hugo Le Resto Grill (Closed)

之前都喺其他地方試過樓上扒房， 發覺 食物質素和環境 絕不會差， 而且往往會發現驚喜。這是光顧的這間樓上吧房位於銅鑼灣， 距離地鐵站約莫五分鐘路程。餐廳佈置和一般扒房無大差別， 整體環境氣氛輕鬆， 播著流行英語歌曲。這裏附設沙律自助吧， 沙律的材料也很多很豐富。餐前的龍蝦湯味道非常濃郁👍美國頂級紐約客牛扒五成熟， 牛扒口感比較煙韌， 很有咬口。 肉味很香濃， 食落亦有很肥美的油香！😍羅勒葉醬海鮮扁意粉， 羅勒葉的香味由侍應上菜的那一刻已經散發出來。海鮮非常捉料， 有海蝦， 墨魚， 三文魚等等。

經常蒲老銅，都唔知有呢間樓上扒房，今次一於試下入面環境都好靚好寧靜，係有高級餐廳的感覺！有一個沙律吧，是自助地揀選自己喜歡的口味、食物除左沙律外，冷盤例如凍蝦、凍青口、Parma Ham都有！食完沙律之後仲有烤麵包，望住佢地入烤爐，令麵包即時加熱，又脆脆地，唔會乾到硬！好味得濟叫佢refill，驚喜第二次有其他款的包（隨機）食完沙律、前菜、麵包，就飲湯啦！🔶干邑龍蝦濃湯，入面仲有蝦肉架！Main course 🔶美國頂級紐約客牛扒（五成熟）$308有少少熟得濟，變左好似6、7成熟、硬左少少但都有牛既鮮味，比較少肥膏，旁邊有薯菜配搭仲有薯條配黑松露醬跟，熱辣辣好好味！🔶煎鵝肝鮮露荀炒飯 $268唔好睇落去平平無奇，就係咁先有驚喜個炒飯好香，因為佢用左牛油去炒，所以回味無窮不過如果鵝肝唔係切粒炒，係一塊過會更好俾大家睇下個餐牌參考下

朋友最近話好鐘意來呢間餐廳，覺得呢度地方闊落，坐得舒服，野食唔錯之餘，仲有個好唔錯既沙律吧! 所以當我約佢食飯個時，佢就帶左我來呢間係銅鑼灣鬧市上樓既Hugo。 以上樓餐廳來講，其實唔算好大，但勝在桌椅擺放格局令人有空間感，而且坐得舒服，係高級餐廳既感覺，好岩飲下酒、鋸下扒、傾下小秘密既地方。 係門口位附近就見到朋友好欣賞既自助沙律吧，有十幾款唔同嘅沙律配料，都算多。放眼望落好新鮮，而醬汁都有四、五款。呢度叫一個主食就可以配埋沙律、飲品同甜品。沙律吧可以自助無限添食只要食得落點好餐，朋友就一支箭咁衝出去，初時我驚佢拎得太多，會食唔曬……]佢每樣食物都有拎的: 哈密瓜、菠蘿、唔同嘅沙律菜、蕃茄、粟米粒… 仲有秋葵等等…等等。每樣野食物食落口都係索索聲，超級新鮮，夠水份又甜又多汁。一霎間，就食哂成盆…… 我地仲有去添食隔左一陣就上龍蝦番茄餐湯同餐包，食完冷盤來個暖笠笠既湯暖暖胃，非常好，都酸酸地好開胃。主食點左美國肉眼扒(5成熟)估唔到鐵板上枱之餘，鐵板下面仲有火烘著，一直保持住溫度，肉眼扒已經切開4、5份，食落口軟硬適中，又嫩又多汁。份扒配左薯條，仲係黑松露醬，好香好味另一個餐點了香草醬