Burger Joys (第一街)

Open Now

Now Closed

成日食麥記都食到好悶，今日試吓新野，去咗西營盤呢間Burger Joys，地方都幾隱蔽，要喺橫街落樓梯，搵咗一陣先見到。驟眼睇價錢好似偏高，但係其實個餐分量十足，絕對值回票價。首先要講吓飲品，因為真係太驚喜。本身唔係特別鍾意飲汽水，諗住如果係樽裝水會好唔抵，點知佢哋俾咗支斐濟水我哋。然後嚟咗沙律，雖然係跟餐嘅，但係都唔馬虎，有番茄有青瓜，酸酸地嘅醬汁，非常開胃。朋友叫咗芝士牛肉漢堡，一睇就知同平時麥記好唔同。除咗牛肉明顯地厚身之外，包亦都比較鬆軟，唔會好乾，當然牛肉味亦都非常濃厚啦。薯條方面，簡直可以用出色嚟形容。雖然外型同麥記相似，但係比較硬身，食落去比較脆比較香口，同時亦都鹹度適中，原本揀咗沙律嘅朋友都食到停唔到口。我自己就叫咗個雜菌蘑菇漢堡，本來想像係烤大啡菇，但其實佢哋係用炸嘅，但係感覺都好新鮮，炸菇好juicy，亦都唔覺得油膩。最後叫咗個水牛雞翼，酸酸辣辣咁，雖然好食但係有少少重口味，好彩有西芹同甘筍做配菜平衡返。

經常在網上看到有人到西營盤打卡，D壁畫好靚；於是兩姊妹襯今日不用返學就來湊湊熱鬧，影番D靚相攞 like。之後就到附近找食醫肚。阿妹提議食 Burger, 因幾個月前在灣仔幫襯過一間 Burger Joys ，的食物質素唔錯；而在這裏亦有分店。不過食肆位置隱蔽，要問下附近舖頭D人才可找到。Cheese Burger芝士牛肉漢堡  $109件漢堡排好大塊，牛肉味濃咬落juicy。配菜豐富有紫洋蔥、生菜、蕃茄全部都很新鮮，買相色彩繽紛；再配上芝士簡直是完美配搭。原本只需加$41套餐價就可選飲品和薯條。薯條剛炸完外脆內軟，香噴噴。飲品就揀了Coconut Water, 但我朋友想飲Float雪糕特飲，所以要另加$21。價錢好似貴左D，但看見有三球雪糕都算合埋。Crispy Garlic Wings蒜香雞翼 (6pcs)  $59蒜茸炸後已很香口，混入又濃又甜的醬汁把雞翼包裹住；咬落juicy惹味，食完一隻又一隻。

今日坐地鐵到西營盤站四處行下,行到咁上下搵野食,就去左Burger Joys 入左去坐低左就睇下有咩食先環境都OK既睇完餐牌就每人叫一個餐牛肉漢堡,雜菌蘑菇芝士漢堡(素食)+30蚊就有薯條加野飲,一個跟可樂另一個跟生力啤酒牛肉漢堡--好香牛肉味仲有好多汁,咬落去好有牛香,口感一流雜菌蘑菇芝士漢堡(素食)--入面都幾足料,好香蘑菇味,仲配合埋芝士蕃茄同埋沙律醬.咬落都幾有層次感個口感薯條--好乾身唔會好油膩,有少少鹽在上面帶出了薯條既香生力啤酒--夠凍,飲住啤酒食住漢堡都係一個唔錯既選擇可樂---夠晒凍,一路食薯條一路飲凍可樂真係好正兩個餐幾咁豐富