飯丸屋 (D2 Place TWO) (Closed)

成日經過D2 Place都見到佢嘅日式外形設計，俾佢吸引住，今次就買個外賣試吓佢，又係咪真係咁正先🤩🤩😋提提大家Openrice 落單輸入「Rice$5」減$5呀！1️⃣明太子干貝酥飯糰（套餐$58）揀咗餐肉轉玉子燒，見到個玉子燒都好厚，食落去同明太子醬好夾！而明太子醬亦都有好有心機咁喺表面燒香咗，所以表面香香地，提升咗層次🙌🏻主角干貝酥，即係炸咗嘅帶子，裏面嘅肉都嫩嘅，唔會話炸到好乾👍🏻整體來講用紫菜包住薄薄嘅飯，再包住以上嘅食材，全部都夾都好食🤤而且雖然好似得一個包嘅份量，但已經好夠飽🤩2️⃣薯條（蜜糖芥末）（跟餐）薯條嘅顏色都幾白淨，證明啲油唔係用咗好耐😆啲薯條係粗薯，食落唔係特別脆🤔蜜糖芥末偏甜，而薯條上面無加鹽，所以食落有少少寡🫠📍總結：-比想像中夠飽🙌🏻而且有啲飽得濟🤣-個飯糰味道冇令我失望，有機會可以再食！-小食除咗配薯條仲可以用可樂餅同麻薯波波！

睇網上啲相個飯捲好靚好好食咁，就去試吓，款式唔算特別多但都好吸引，價錢就中等啦，加錢做套餐有小食同飲品。飯團係即叫即整，要等十分鐘左右，但食到新鮮熱辣嘅飯團。叫咗炸雞款，有埋午餐肉同蛋，仲有蜜糖芥末醬。個醬好好味，炸雞好脆，肉嫩，午餐肉同蛋都好香好味，飯團熱辣辣，紫菜唔脆但唔會淋晒咬唔開。加錢轉套餐揀咗蜜糖芥末醬薯條，個醬係分開比，可以自己點，薯條熱辣辣好脆，個醬好味，唔會太勁芥末味茶淡淡地幾清，幾香，不過細杯咗啲

黑松露炒菇 $38明太子干貝酥 $45（夏天限定）兩款嘅手握飯團🍙都有午餐肉，靚靚嘅煎蛋薄片配襯作為內餡。所以，唔使擔心唔夠飽，加埋白飯，熱量都足夠可以當正餐。我覺得黑松露炒蘑菇就好食啲，明太子干貝酥就比較似係急凍一包一包嘅炸物，感覺冇咁新鮮。反而係前者就比較似係自家製，即叫即炒嘅蘑菇。不過，後者都有足夠嘅明太子醬，可以補足返味道上面。不過，兩者嘅白飯，就真係白飯，味道較為淡薄，或者餐廳可以加埋少少飯素，咁樣就會更加好。飲品方面，抹茶豆漿同埋蜂蜜檸檬茶 兩樣都係好飲嘅，算係整得幾出色。同埋包裝係容易拎走，好適合外賣。小食方面，一，麻薯波波：感覺冇咩特別二，薯條，正常質素，唔會令你失望

好難食！叫左個炸蝦飯團+小食（薯條）+飲品（黑糖豆漿）首先個餡即係炸蝦係好食既 但係！飯團舊飯同紫菜係唔合格！講明先我係即食！D飯淋到食緊糊仔咁 所以搞到紫菜都淋哂 成個口感一pat野咁 講得衰d真係要學過煲飯 我唔知係咪咁岩失手煲衰左定點啦 喂！你整個了不出黎都feel到d飯咩質地狀態啦下話！真係接受唔到飯團做成咁！薯條就炸得好食既 但個醬就真係冇咩味囉