The Cool Cousins Cafe & Noodle Bar

Open Now

Now Closed

今日平日上到黎官塘駱駝漆大廈覓食，上到黎先發現有好多小店，大部份有貼有memo紙同文宣，唔少人排隊。依間餐廳都唔例外，每幅牆都有文宣。餐廳主打burger，有成9款咁多，所以我同朋友都分別叫左72小時安格期牛小排漢堡同烤大啡菇黑松露醬牛肉漢堡，一款配薯條一款配蕃薯條，兩樣都試下。味道方面，兩個漢堡都有烤過非常香脆，有啲接近餅乾果種脆，唔係行鬆軟路線。漢堡入邊夾有多款配菜，包括酸瓜，洋蔥，蕃茄同生菜，中和到牛肉嘅肥膩又增加層次感。兩款牛肉burger都夾有厚厚嘅牛，牛味香濃，亦好多汁，個人認為完勝shake shack! 薯條正常冇咩特別，不過粗身值得一讚。反而蕃薯條幾有特色，比較少見，食落有淡淡嘅甜味，感覺比薯條健康！？

特意前來幫襯黃店，建立黃色經濟圈。店內放置一些文宣，店外也張貼一些小貼紙。午飯時間並不多人，我點了一份「烤大啡菇黑松露芝士醬美國牛肉漢堡」配薯條連汽水，份量十分，相當美味。由於最初薯條尚未炸好，店員先給予我炸薯仔代替。我覺得我可以再等等，因為食兩份炸物，有點熱氣