媽不在家

Open Now

Now Closed

由四季煲仔飯行去電影中心嘅路上，有間隱身唐樓嘅小店，上次嚟咁啱撞正禮拜二休息，同友人再訪終於一償所願。店員好親切，但得兩人係店內打點，所以多人個陣好忙，大家要畀啲耐性。靚靚嘅餐牌畫咗有咩嘢飲同蛋糕，全部40蚊，凍飲先有銀色杯裝(其實係個碗嚟)，熱飲則用玻璃杯。嗌咗兩款蝶豆花嘅嘢飲同蛋糕，凍花茶有淡淡蜜糖嘅香味，放入青檸後由藍色變成紫色，蝶豆花本身冇乜味道，配以新鮮薄荷葉，相當清新。用料紮實嘅homemade cheese cake 味道亦不俗。成間店嘅裝潢好有特色，食物賣相都好啱呃like，但味道一般。店內亦有賣店主設計嘅postcard 同一啲民族風嘅小物。總括而言，係個好啱hea 嘅地方。👍

早幾日，在自己 Facebook 貼了張小文青相，朋友間反應熱烈，想知這間小文青Cafe究竟在那！當我說是它在上海街唐三樓時，人人也不信。明明上海街就是老區，那會有靚Cafe呢！其實，遇上它是緣份～早在年多前在Instagram已見過它的蛋糕，撞晒色的蝶豆藍芝士餅一見難忘。我不特別喜歡紫色，但我喜歡特別有創意的，所以說好了一定要來探訪！＃媽不在家  油麻地上海街302號唐一樓(入口在則街熙龍里)Kawai 一早已做了家課，知道Cafe在唐樓，要行樓梯，另外入口不在上海街，所以好快找到。一來就是鐵皮信箱，小時候未搬到公屋前我是住唐樓的，好有親切感～～雖然有親切感，但始終很多年沒有行樓梯上，燈光暗暗的，而且不知要轉幾個彎才到，感到心跳加快，好似探險咁～轉了兩個圈，終於到了。點解可以佈置得咁靚？近窗台位置放了很多植物，好有秘密花園的感覺，店主係兩個大男孩，不用招呼客人時就會o係度畫畫，成個氛圍令人好relax 好放鬆！大大個餐牌是他們自製的，Cafe只有數款自家製蛋糕及飲品供應，仲會介紹下有咩特別。想知每日供應的蛋糕款式，可留意他們的ig及facebook 公佈！（心如止水呢個名不得了）理所