Tardemah (K11 Musea) (Closed)

K11新開文化藝術館， 場內除咗有好多打卡位之外，更加引入左不同外地文化，融匯在此Tardeman，一家由韓國人開設的有機麵包鋪除咗有好多特色有機麵包之外， 客人仲可以坐低堂食，店員仲有微波爐加熱麵包，令麵包味道及香味更加出色👍🏻廚窗內有大量不同種類麵包，款款都新奇，與本土麵包有很大分別店主著重真材實料，所以每個麵包內的餡料都非常足係香港買既麵包，好難會以重來形容，因為多數入面都係藏著空氣，而呢到既麵包，真係好重，唔係講笑，堅重，就睇個重量已經知有幾足料👍🏻🌠椰子,蕃薯布莉歐方包 $89🌠椰子味源於上面金黃色的表層，其實為滿滿椰絲，椰香甜味重，有少少爽爽地嘅口感，而蕃薯亦都好甜好好味，最令我欣賞嘅係芝士，滑而香，濃度非常高，簡直係會令人食上癮👍🏻🤤麵包質感鬆軟，放入微波爐叮熱再食，烘至麵包微脆，簡直享受🌌 藍莓忌廉芝士包 $71🌌藍莓忌廉相當幼滑，藍莓味道突出，滿滿嘅藍莓忌廉內藏麵包內，細膩藍莓甜香味滲透出來，佳品👍🏻總括而言，難怪重量咁驚人，店主所用的都是真材實料，滿滿的餡料，絕對讚

夜晚係k11 musea食完飯，發現都開咗唔少麵包鋪，間間都幾香，好吸引haha。由於想買啲飽肚啲又可以比屋企人做早餐嘅麵包，見呢間主要好似係賣原條方包為主，最後決定試下。麵包店另設堂食區，下午茶時段可以坐低吹下水都不失為樂事。店員主要係韓國姨姨，佢地會好熱情咁用中文同英文詞彙介紹啲包，款式都幾特別。-辣雞方包方包顏色整體呈現咖喱黃色，而味道其實都同印度咖喱幾似。麵包口感帶點濕潤，雞肉頗冶味，入面加咗唔少洋蔥提香，不過我自己就唔太好洋蔥。-藍莓忌廉芝士方包基本上每啖都食到忌廉芝士，但又未至於膩口，份量算適中。亦食到清新藍莓味，淡淡果香幾適合朝早食。