Mood Coffee

Open Now

Now Closed

呢日係星期日 喺尖沙咀街頭想搵間輕食店食個tea飲杯啡 就嚟咗呢間純白小店 店面比較細 但係一樣有提供座位㗎😆火腿芝士三文治呢個係一款經典滋味🥪 麵包烘底做到外脆內軟嘅口感 入面嘅火腿同芝士餡料都幾夾 簡簡單單已經可以好滿足😊 店舖嘅三文治仲有多款餡料可以揀 下次想試吓煙三文魚或者慢煮雞胸🙈藍莓芝士鬆餅落order後 店員細心咁幫我地翻熱個鬆餅😋 好似新鮮焗出嚟一樣 有好香嘅牛油味 個鬆餅好軟熟 有少少藍莓嘅酸味 整體酸酸甜甜幾開胃 鬆餅中間仲有個芝士軟心🧀 比起坊間嘅blueberry muffin更有特色🧁脆皮巧克力巴伐利亞呢件朱古力蛋糕質感好特別 首先最鍾意佢面頭嗰層嘅朱古力mousse 真係好Creamy🍫 然後下面就有一層脆口嘅榛子朱古力 味道濃郁 加埋有啲脆米嘅口感 件蛋糕嘅size啱啱好同朋友分享都唔會覺得太膩🍰 飲品Flat White 咖啡同奶嘅味道平衡得啱啱好 坐喺餐廳嘅座位仲可以睇到咖啡師拉花㖭啊☕️ Hojicha Latte 焙茶味道香濃 飲完真係好有Mood🍵呢間輕食店咖啡嘅質素都幾好 幾適合大家嚟飲杯嘢 再食少少嘢㗎😎

今日黎到尖沙咀，呢一間迷你咖啡店！呢間Mood Coffee 主要係sell輕食，有唔同嘅三文治同cake，咖啡同鮮奶～-今次我哋嗌咗Mocha、抹茶鮮奶、脆皮朱古力蛋糕同藍莓芝士鬆餅，食物嘅包裝設計都好靚，啱晒打卡！🍽️Mocha好濃郁嘅咖啡味，唔會太甜，適合鍾意飲朱古力但又唔嗜甜嘅朋友！🍽️抹茶鮮奶奶味唔算好重，但抹茶味十足！唔會好甜，亦唔會好苦澀🍽️脆皮朱古力巴伐利亞呢個好好食，上面淋咗朱古力粉，有朱古力碎片，中間有整塊朱古力！🍽️藍莓芝士鬆餅呢個重點推介！店員會熱返成個鬆餅俾你，鬆餅好鬆軟，有藍莓粒，上面舖左芝士，正！

店名：Mood Coffee地點：尖沙咀漆咸道南菜式：咖啡店，三文治餐牌：多款咖啡，都有其他非咖啡類如茶，朱古力，檸檬梳打等等。食物有三文治，蛋糕，甜品。火腿芝士三文治 $42火腿芝士三文治係一片烘過既厚身白麵包包住兩片火腿同一片芝士，面頭灑上香草。三文治用紙盒裝好。白麵包擺耐左先食都仲好鬆軟，火腿配芝士好夾，好味道。煙三文魚青瓜三文治 $48煙三文魚青瓜三文治就係沙律雜菜上面加上幾片青瓜，豐富煙三文魚同大量千島醬，最後灑上香草。千島醬好豐富，令個三文治更好味！藍莓芝士鬆餅 $32藍莓芝士鬆餅大大個，面頭好多芝士粉。鬆餅質感好鬆軟，而藍莓味道好香，正！檸檬紅桑子鬆餅 $32檸檬紅桑子鬆餅面頭好多白色檸檬糖碎，仲有少少紅桑子醬。白色檸檬糖碎係脆脆地，而且分量多，口感好脆！蘋果批 $42蘋果批係從一底原個蘋果批切出黎，好大件，蘋果肉好多，冰冰凍凍咁，面頭個層脆脆好有apple crumble感覺，加上大量唔太甜既焦糖醬，食落口感味道都唔錯，唔會太甜。食品即叫即整，連鬆餅都會翻熱先比你。包裝簡潔乾淨。服務員好helpful，小店值得支持。