Video
Read full review
2018-03-14
1288 views
今日同朋友行荃灣，見到有間餐廳門口大大個牌寫住有特價生蠔＄10隻，見到咁吸引咁就行左入去食晚餐。入到去睇菜單，原來斧頭扒先係佢哋招牌菜。之前喺討論區睇到人哋食斧頭扒一路都想試但係都冇乜機會，今日難得見到有得食，緊係要試緊下啦。同朋友兩個人唔係好大食，叫咗四隻生蠔同一份斧頭扒再加多一個焗飯。最先到既係晚餐既餐湯同蒜蓉包，要左西湯，個湯同其他餐廳比係出奇地甜既，都幾鐘意飲，而蒜蓉包都正常好食。之後上菜既係生蠔，雖然＄10隻，但比我想像中大隻好多而且都幾新鮮，仲有檸檬同生豪汁做佐料，特價黎講係滿意的。之後就到主菜斧頭扒，叫左五成熟。肉眼斧頭扒肉味濃郁，配上洋蔥汁令斧頭扒更加好食，所以配汁都好重要。至於啲肉口感唔錯，仲要好大塊兩個人食啱啱好。不過切開黎都有一兩舊比較韌，但整體黎講係食得過既，下次有機會會試下三成熟，因為覺得五成熟都好似唔夠生。最後到藍青口海鮮飯青口，青口有4個好足料，有兩隻口感唔錯但有兩隻就軟林林咁，如果可以全部都好食就好。其餘既海鮮有蜆、蟹柳，唔記得有無魷魚條，都好有味道，有焗既味道。而飯，好熱辣辣，幾乾身，所以總括黎講值得食。環境都可以，雖然地方唔算好大，但枱櫈都好多，基本
入到去睇菜單，原來斧頭扒先係佢哋招牌菜。之前喺討論區睇到人哋食斧頭扒一路都想試但係都冇乜機會，今日難得見到有得食，緊係要試緊下啦。同朋友兩個人唔係好大食，叫咗四隻生蠔同一份斧頭扒再加多一個焗飯。
最先到既係晚餐既餐湯同蒜蓉包，要左西湯，個湯同其他餐廳比係出奇地甜既，都幾鐘意飲，而蒜蓉包都正常好食。
忌廉湯、蒜蓉包
13 views
0 likes
0 comments
之後上菜既係生蠔，雖然＄10隻，但比我想像中大隻好多而且都幾新鮮，仲有檸檬同生豪汁做佐料，特價黎講係滿意的。
特價生豪
$10
24 views
0 likes
0 comments
之後就到主菜斧頭扒，叫左五成熟。肉眼斧頭扒肉味濃郁，配上洋蔥汁令斧頭扒更加好食，所以配汁都好重要。至於啲肉口感唔錯，仲要好大塊兩個人食啱啱好。不過切開黎都有一兩舊比較韌，但整體黎講係食得過既，下次有機會會試下三成熟，因為覺得五成熟都好似唔夠生。
美國頂級連骨肉眼斧頭扒
$288
35 views
0 likes
0 comments
最後到藍青口海鮮飯青口，青口有4個好足料，有兩隻口感唔錯但有兩隻就軟林林咁，如果可以全部都好食就好。其餘既海鮮有蜆、蟹柳，唔記得有無魷魚條，都好有味道，有焗既味道。而飯，好熱辣辣，幾乾身，所以總括黎講值得食。
藍青口海鮮焗飯
$78
17 views
0 likes
0 comments
環境都可以，雖然地方唔算好大，但枱櫈都好多，基本上善用左成間店。
Post
