紫宸

Open Now

Now Closed

次次黎親葵芳多數都會去葵廣掃街，今次黎到隔離既一個商場食台灣菜，呢間紫宸應該都幾受附近街坊歡迎，平日夜晚黎到都係滿座，而且keep住見到佢地有外賣單。    1⃣️藥燉排骨（$108） 就咁睇單價佢係比起其他菜式貴，但係食落就知道真係抵食🤩有三小碟前菜，另外藥燉排骨成鍋咁上，份量仲好多！起碼有四五件多肉既排骨。湯底係好香藥材味，唔小心飲下飲下就飲曬🤭配既飯係滷肉飯！滷肉帶少少肥肉食落好夠味而且拌飯一流！推薦要食呢個！  2⃣️酥炸雞排三星蔥拌麵（$48） 雞排炸得好香脆，食落面頭係帶香料味既，而且成塊雞排都係冇骨的！啱曬我呢啲懶人。三星蔥拌麵份量頗多，食落好夠蔥油香👍  3⃣️九層塔蛋餅（$32） 九層塔絕對係台灣小食既靈魂之一！呢度竟然有九層塔蛋餅，出面其他台灣餐廳都好少有。九層塔係明顯食到果陣香味，配合埋拉絲芝士同粟米，掛住台灣既一定要黎食！  4⃣️炸杏鮑菇（$32） 椒鹽味道好香🤤記得一上台就儘快食，如果唔係會變淋。外皮脆加上內裏杏鮑菇多汁，好好食😋 5⃣️甜不辣（$36） 甜不辣煙煙韌韌，仲有啲菜同甜辣醬，個菜爽脆帶微酸，夾埋甜不辣一齊食好正。

舖頭新開不久，之前覺得裝修幾靚，餐牌定價超值，終於來到一試。店舖用傳統落單方式，有餐牌提供。蒜蓉茄子茄子炸過，加上蒜蓉醋醬汁，所以帶點酸味，是很好的開胃菜。藥燉排骨好似係全個餐牌最貴的菜式，價錢已包兩碟前菜（青瓜、醃菜）和一碗滷肉飯，滷肉飯調味不錯，飯量很多。排骨藥膳味道入味，配上辣椒醬，可以更惹味。湯底帶點藥材甘味。嘉義雞肉飯食過唔同地方的嘉義雞肉飯，呢度嘅醬汁帶點微辣，配上一隻煎蛋有脆邊，增加不少口感。雞絲較為大條，有啖啖肉嘅感覺。宇治豆漿葵芳特色餐廳唔多，可以繼續支持。