川味辣蟹·串燒·烤魚·雞煲·專門店 (Closed)

同朋友gathering，因為限眾令唔方便出街食，見到哩間餐廳嘅優惠吸引，所以入去睇下有咩食。一入餐廳已經聞到好濃烈嘅雞煲味！因為有朋友唔食辣，所以叫外賣，點左一份半隻嘅招牌香辣雞煲，同埋藥膳雞煲（半隻）。招牌香辣雞煲（半隻）都幾大份，唔會太辣，但好香！雞嘅份量都多，整熱就會愈食愈入味，雞肉唔會好老藥膳雞煲（半隻）藥膳雞煲反而令我有驚喜，因為之前食過好多都唔夠味，一係就太重味精，飲完啲湯好口渴。哩間嘅藥膳湯料超級濃，我同朋友都忍唔住飲哂，都冇覺得口渴，真材實料另外值得一讚，個外賣盒好密實，唔會漏到成個袋都係雖然今次叫外賣，但餐廳環境都不錯，下次可以約朋友試下串燒

返屋企前經過呢間鋪，見佢有雞煲和串燒好似幾吸引，時間尚早，一於就入去買埋外賣返屋企。舖頭分上下兩層，下面做堂食上面主要係落order和買串燒。我揀咗個藥膳雞煲（半隻$168 ），藥膳味好濃郁，湯底好正，份量都好足，見到有蟲草、當歸等材料，雞件以外還有菜、蓮藕、蘿蔔等等，攞到返屋企都仲熱辣辣，相當滋補好味。另外都好想試吓啲串燒，所以買咗串燒牛坑腩（ $30 ）以及一串燒鮮白鱔（厚切）（ $68 ），要讚一讚佢個外賣紙袋係有保溫功能嘅，相當細心。兩串串燒都好香，第一次食燒牛坑腩，孜然粉味濃郁，但肉質相對乾，唔知關唔關我拎到返屋企先食嘅事呢？另外個白鱔就好好味，雖然只有兩舊，不過都幾厚切，肉質厚實彈牙，值得一試。