茶茶GO (Closed)

之前係台灣飲過茶茶GO 宜家香港都有2間分店 今次我地同朋友經過就試左幾杯啦🤩 本身想試下佢地既麵包 可惜佢地麵包既廠房有問題 要9月先可以再食到佢地既麵包啦🙊今次我地就試左4杯飲品 分別係之前係台灣飲過既春滿金旺鳳梨🍍 蘇芳紅果芒芒 春摘不知春同草莓蜜沙冰🍓 水果味既飲品都比較甜 所以唔想太甜既朋友記得叫健康甜啦😉春滿金旺鳳梨同台北飲過既一樣 超足料 有好多鳳梨肉 配上四季春茶底好清新🍍 蘇芳紅果芒芒上層係紅肉火龍果 下層就係芒果 相對起其餘幾杯 呢杯會比較飽 不過好清甜👍🏻 春摘不知春我地加左黃金珍珠 烏龍茶同珍珠果然好夾 呢杯唔會好甜 夠冰涼解喝😆 最後就係草莓蜜沙冰 酸酸甜甜 每啖都食到草莓果肉 包裝仲好特別 係罐裝 夏天飲都係一個唔錯既選擇🌟

之前經過尖沙咀茶茶Go時見到佢啲自家製包都幾吸引，不過嗰次太飽無買到🤭網上面見到話佢係灣仔開左分店，呢日難得去開呢邊想去試下😛一入到去首先係比棵粉紅色樹吸引住我既眼球，環境比起尖沙咀店更為夢幻😳之後目光落左係全吉既麵包架上，咁啱有個工人同小朋友問點解個架無野，店員話已經無曬包賣啦😧▪️ 逮丸芋頭二號（6.5/10）💲45無曬我想食既包，唯有飲返杯野自我安慰一下😭見好多人話呢間既芋頭好飲，就一於叫呢杯🥤飲落鮮奶厚滑濃郁，而手工芋泥偏多係顆粒口感，個人會鍾意再粉糯綿密一點🤔小芋圓就真係比較細小同埋軟腍，味道亦都唔太突出，如果大粒返少少有咬口應該會正啲👉🏻👈🏻▪️蘇芳紅果芒芒 （6/10）💲36朋友要左杯水果既，係紅火龍果再加上芒果，質感比較稠身既關係，層次過於分明，兩者唔係好融合到埋一齊🤤以新鮮水果製成，各自味道頗為香濃，不過叫左半糖依然偏甜😣🔎 整體評分（6.5/10）