開心坊·親子餐廳 (Closed)

之前經過都好想試，琴晚終於同朋友試到喇夜晚有dinner set同單點既餐牌，我地選擇左兩個dinner set同三個小食老火湯係跟餐送既，啖啖真材實料，味道清淡，唔會太鹹，飲得出係無落味精😍跟餐加$18就有一杯特飲，感覺好健康既蘋果羽衣甘藍汁，好好飲！十分fresh！三個小食價錢都唔貴份量充足！秘制烤雞十分推薦有半隻雞既份量，兩個女仔share剛剛好雞肉又juicy又嫩滑，送飯一流！意粉好creamy，配上鮮蝦同蘆筍，感覺好清新，唔會太滯食左好多野，埋單都係$300左右，真係好抵食！！

本身住港島區，好少入何文田。今日，因為同個朋友約咗係何文田呢邊做gym，求奇入咗個商場到食，估唔到咁有驚喜。我地叫咗一個set同主菜，兩個人食真係好豐盛。Dinner Set平均都係一百幾，重點係可以用優惠價叫健康有益的蘋果羽衣甘藍(discount:$18 original:$35) 飲品用料新鮮，蔬果味好濃郁，一定放咗好多有機蔬果入去榨汁機，飲落甘甜味十足。比起飲汽水送飯更加有益，含豐富維他命和膳食纖維，仲可以為身體排毒美顏。Dinner Set就叫咗鐵板紐西蘭肉眼扒8oz($118) 本身諗住咁平，都無太大expectation。點知肉眼扒一黎到，香味撲鼻，急不及待試試。切開牛扒，牛扒滲出肉汁，食落口口感柔嫩，五成熟的生熟層次交匯，食得出廚師的用心，烹調時要精準地因應牛扒的厚度調節火力，quality直逼酒店的水準，重點係價錢經濟！

何文田廣場都有親子餐廳啦～餐廳環境闊落，佈置可愛，牆身更有彩色企鵝列隊歡迎你，重點是這裏還有兒童遊戲區，有一大塊Lego牆，真係好少餐廳會有一個位置專門為小朋友而設。而且遊戲區內更有洗手盆等衛生設備，認真貼心，仲有好多唔款式嘅公仔，小朋友可以一邊玩住等，當日我家小朋友玩得好開心。而呢間餐廳嘅主廚亦係前酒店會所西餐廳大廚，老闆更非常主動介紹餐廳是日招牌菜，完全無架子，態度very good！食物有套餐和單點選擇，套餐包括頭盤(可自選自家種植有機田園沙律/阿媽靚湯)。今日是日阿媽靚湯 -青紅蘿蔔牛骨湯湯入口清甜，無味精，果然係老火湯！主菜我哋揀咗紐西蘭肉眼扒（八安士）$118肉質鮮嫩，熟度拿捏得很好，男人手掌咁大塊，醬汁係平時食鵝肝上面個個醬，點肉眼扒好好味如果唔夠食可以加$5配飯或意粉！飲品絕對不能錯過蘋果羽衣甘藍見到有機 0添加物，我地2個都決定試下，果然同出面既唔同，飲到落底仲見到有渣甜品-法式焦糖燉蛋蛋味濃焦糖好正甜度岩岩好 夾埋藍莓同士多啤梨一齊食下次一定會再黎試埋個心太軟甜品~