合益泰小食

Open Now

Now Closed

因為米芝蓮，令不少人認識這店。亦因米芝蓮，令這店起了翻天覆地的變化。//今日因放假，當然去試吓這店啦，但有點「走運」，到時正值午飯時間，多人到插針都難，幸好大家香港人守望相助，食飽即走即讓位，令大家不用等得太辛苦。//但有位坐低，阿姐們實在太忙，我們都多等了一陣才可落單。不過大部分食客都明白，沒有大發雷霆。//我當然吃自己愛吃和出名的食物啦！//豬腸粉：真的夠滑，食落去又幾彈牙，加上卷得夠實淨，不會像有些腸粉會變回一張腸粉。加上醬油和芝麻醬有特別調配，不會太鹹，芝麻醬濃稠適中又夠香，配上甜醬和炒香過的芝麻，值得推介。//蘿蔔：蘿蔔煮得有點軟身，但白白的湯配上蘿蔔真的十分清甜，而蘿蔔都有選擇過，不會起渣，真的好味到連湯都飲埋。//糯米卷：只覺得外皮有點太厚，糯米煮得夠入味，相比之下沒有大驚喜。//整體來說不用30元食到那麼多高質的街頭小食是好事，但看到因為米芝蓮推介而令店員忙不過來，又怕加價，又怕質素未必能保持，對米芝蓮真的又愛又恨⋯⋯

久不久都會來幫襯.腸粉算滑,口感比以前差左,比較嚡同實,個混醬可以保持,芝麻醬,豉油,芝麻及甜醬.可以取回不小分數.豬皮+辣魚蛋:豬皮唔夠淋,味道還可.辣魚蛋,辣度適中,野味得來唔會死辣,魚蛋味新鮮,有口感.蘿蔔:香甜味美唔會有根.豆漿:香滑夠味.平民小食,要再加油呀!

好久冇來,仍舊吸引!腸粉好滑,配上芝麻醬,豉油,芝麻及甜醬.芝麻醬好香滑.對於喜歡多醬汁嘅人來講,簡直是一流!豬皮+辣魚蛋,豬皮好林又入味.辣魚蛋,辣度適中,野味得來唔會死辣,魚蛋味好新鮮,有口感.蘿蔔,香甜,味美,又唔會有根.必食之選!荳漿,好香滑!香港平民小食,返年買小見小,真不知幾時又會失去!