古早味休閒台灣 (Closed)

店舖位於通菜街兩旁，街道給人較暗，不乾淨的感覺。行過樓梯進入店內，梯間和牆壁上的圖案充滿台灣氣味，地方讓人感覺乾淨企理。仙草奶茶加珍珠（少甜） - 不甜，但奶茶味不夠。蒜味鹽酥雞 - 最推介的一道菜。熱熱的放進口裡，濃厚的肉汁非常可口，味道不會過咸，香口。蚵仔煎 - 蛋醬綿滑，蠔仔的數量算多，略嫌帶腥。乾煸四季豆 - 較有味道的一道菜。豆角爽口，配上紅椒帶出微辣的口感。三杯雞 - 味道不足，雞肉質地嫩滑，肉汁不入味。干貝櫻花蝦荷葉飯 - 有櫻花蝦、小蝦乾、冬菇、乾瑤柱（一顆），淡淡的荷葉香。賣相較真實味道吸引，是一頓很清淡的台灣菜。

這是一間位於旺角一間位於二樓的台灣麵食餐廳比起其他餐廳，這裡是一間比較適合一至兩人用餐的餐廳餐廳裡的環境是比較靜，比較適合邊吃飯邊傾談的。而到這餐廳，＜古早味牛肉麵＞絕對是必點菜式，煮得軟腍的牛肉跟濃而不膩的牛骨湯絕對令這菜式大加分。不過令人意想不到的是除了這種經典的台灣牛肉麵外，還有一款＜台式涼麵＞都十分之美味，在天氣悶熱沒有胃口的時候，這涼麵絕對會令你胃口大開，再配上台灣菜必吃菜式，熱騰騰的＜蚵仔煎＞絕對能夠滿足你的口腹之慾！

晚上約７點已經要搭枱。紅燒豬軟骨麵($65)湯底係香濃既牛骨湯，豬軟骨有3件(2大1小)，豬軟骨肉夠腍，骨幾爽口，幾入味，幾好食。(個人口味: 3.6/5)酥炸雞扒湯麵($60)雞扒夠脆，夠惹味。麵湯好清淡，麵質似刀削麵，有趙口。(個人口味: 4.3/5)蚵仔煎($52)上菜時唔熱，薄，蠔少，無味，麻麻。(個人口味: 3.2/5)

同朋友在通菜街覓食，一行入巷仔就見到呢間台灣野，望上去樓梯見到有好靚既壁畫，忍唔住停低影左幾張相。既然在人地店門前影左咁耐，我地就入埋去試下佢既野食如何餐廳唔算大，但坐得都舒服，當日我地大概夜晚七點，都唔駛等位，但我地食食下，發現差不多七點半就開始full哂，平日夜晚生意都幾好。呢個滷肉飯，我地都覺得份量好足，呢個價錢有咁大碗飯同埋都足料滷肉入味同夠淋，比好多台式餐廳既滷肉飯好食同抵食蚵仔煎份量正常，煎得岩岩好，個味道都好，但略嫌蚵仔唔夠多，因為我係蚵仔控呢個麻辣拼盤有豬肚、豬耳同腎片。豬耳好爽好正，豬肚都夠淋、腎片一樣爽口，麻辣味唔算辣，我覺得少少辣咁，麻多過辣，份量好足，送啤酒一流，可惜我是日不宜飲酒總括呢間古早味台式餐廳地點方便，而且野食份量足，味道都唔錯，同朋友如果旺角行行下街想食台式野都可以黎食返餐

今天和朋友到旺角逛街，經過女人街就給這一間台灣餐廳吸引了，因為我的牛肉麵癮起😆座位要上一層樓梯，被安排坐在梳化位，枱與枱之間空間十足，不會很迫餐牌內食物的選擇都算多，我和朋友點了一個牛三寶麵和三個小食古早味牛三寶麵 - 牛三寶即是牛展，牛肚和牛筋。只看賣相就知道湯底很濃，牛三寶都炆得非常入味也很焾，十分高質宜蘭蔥餡餅 - 熱辣辣的小餡餅，內有韭菜和豬肉碎，十分香口蚵仔煎 - 台灣菜必點的食物，新鮮的蚵仔沒有沙，配上薯粉炒蛋十分煙韌炸地瓜丸 - 炸得十分香脆，內裡如糯米糍一樣煙韌，真是外脆內軟這間台式餐廳食物質素非常好，而且價錢合理，下次可以再光顧！