紅茶冰室 (Closed)

餐廳門口有新鮮麵包take away銷售點之前食過佢地既雞尾包，雖然面頭都幾油，個紙袋透透地但好多餡！ 食完一直念念不忘🤤🤤🤤但由於減肥係我嘅終身職業，所以要控制住自己，唔可以食得咁密......如是者，我成日經過，成日想再食個雞尾包，然後⋯我今日忍唔住⋯買左個蛋撻😆😆😆😆依個蛋撻超級好食！酥皮算幾實淨，外賣拎走行左10分鐘都冇散到～咬落去好鬆脆又唔會太甜好好味🤤🤤🤤我決定搵日唔外賣 直頭入去叫埋咖啡/奶茶，隊兩個蛋撻🔥🔥

係觀塘返工最近經過日昇成日見到好多人大排長龍。於是冒着遲到的風險去排隊試試。雖然好多人排隊，人龍排到去龍城餐廳，但都唔算等好耐5分鐘內入得。餐廳面積都算幾大難怪雖然多人排隊但都唔需要等好耐。都坐得幾舒服，裝修唔錯。佢每日都有唔同嘅午餐選擇， ＄50樓下包埋湯同嘢飲，我叫咗個焗豬扒飯試試。味道都唔錯，但就要等耐左少少。朋友叫咗個招牌菠蘿油，我試咗一啖，好耐都冇食過咁好味嘅菠蘿包。另外叫咗個蛋撻，送上嚟已經唔熱，但都算幾鬆脆。整體而言正評冇伏，值得推介