SHY Dance Cafe (Closed)

下晝出去做野, 有時間又經過駱駝漆大廈， 就去咗shy dance cafe食啲嘢， 唞一唞！ 佢喺一樓，旁邊有樓梯行上去唔使等lift好方便.閒日下午茶時間唔多人，一到就有位。 散叫咗份蛋牛治烘底， 一落完單，幾分鐘就有啦， 即叫即整， 上到台仲熱辣辣，好嘢！望到份蛋牛治好開心， 因為好厚好足料， 牛肉滿到瀉咁濟， 拎上手嗰陣牛肉汁嘅香味，堅離地三尺都聞到。香！牛肉汁點滴地滴到碟上，好juicy ! 一口咬落去, 牛肉嗰份澎湃 多到由口兩邊瀉出嚟， 好欣賞多士及蛋能將牛肉嘅汁充分地吸收鎖住， 能夠食到牛肉之餘，多士及蛋都好有牛肉汁嘅味。 本身個炒蛋係冇乜味，但 吸收咗 牛肉汁嘅鹹味之後， 令到成隻蛋嘅層次豐富咗， 呢份蛋牛治都幾好食！

每天早上吃甚麼成了起床的動力！這家餐廳開在工廈中，位置比較隱蔽，要吃早餐就要花點時間找了。點了招牌蛋牛治烘底 ($26) 我個人覺得比新香園更好吃！鮮牛肉切得工整調味唔過咸而且嫩滑，牛落得足料，蛋中間半熟而邊位煎得焦香! 超好食! 如果蛋再多點會完美。麵包比新香園厚身烘完好香脆再塗上牛油。配埋香滑帶點澀的熱奶茶，呢個早餐好好好好好醒晨。

假日去駱駝漆閒逛，經過shy dance cafe。之前已經睇過其他食家既推介，一直想試下。望下時間，都已經5點，又唔想食太飽，就決定外賣一份最聞名既蛋牛治外賣包裝比一般外賣三文治美觀貼心，有一層厚厚牛油紙包住，唔會整到成手油，仲有靚靚logo貼紙。一打開香味撲鼻！最重要係即叫即整熱辣辣。蛋牛入口非常滑溜juicy, 牛肉唔un, 烘底既麵包夠脆又可以食到牛油香味，一個字，正！下次encore要坐低堂食(≧∇≦)

去開觀塘行駱駝漆大廈既outlet，有些少肚餓但又唔想食太多，咁見佢有唔少人講佢係師承新香園既蛋牛治！試下佢先，野食當然要試佢地既蛋牛治烘底，飲品點選兒童鴛鴦，總結係個蛋牛治烘底係幾得，可以再食，杯飲品就普普通通！下次試埋蛋包飯先。

午餐時間，無訂檯要等位是常識吧，門口有張紙，自己寫名同人數，然後等，其間，有個waitress 出黎問，填第四格既人係唔係到，填第五格有無？其實，大家唔會記得自己填第幾格既，點解唔直接叫名，一開始唔係有寫名咖咩?經過一輪混亂，終於入到去坐，繁忙時間，執唔切檯，明白既，執檯後叫落單，亦叫左好多聲先有人理會，其間，侍應們是不停係我地張檯經過，其實，講句等等，轉頭幫你，唔難，但你唔應我，我唔知你聽唔到，定唔得閒理我地。最後，order 左蛋牛治烘底 + 雞扒蛋包飯（配燒汁），蛋牛治，完全無問題，好食！但個蛋包飯，真係好咸，食左半碟都無，頂唔順走人。