新香園

Open Now

Now Closed

肚餓但plan好咗之後有幾間餐廳想試，唯有簡單食件麻辣蛋牛治烘底$26 麻辣味唔算好辣，只係輕輕吊下味咁，蛋居然仲有蛋汁，鮮牛份量算多，非常有咬口果種碎牛，多士烘得好均勻！同老公果件完全唔同😂再散叫一杯香芒檸檬茶🥭🍋$28見咁特別忍唔住試吓！芒果蓉（似糖水舖啲芒果醬但真有芒果味嘅）攪拌後，味道又香甜清新咗！同檸檬茶酸甜度好夾喎🥰不過芒果份量其實唔係好多嫁咋 $28 貴咗少少，如果跟飯餐$14 還可以接受嘅，因為唔大杯又多冰（好彩係碎冰），真係有啲貴老公果杯凍奶茶佢就好滿意話係正宗嘅茶記奶茶味！留意返呢間同老店價錢差1-2蚊，但座位比較舒服，所以我都會去呢間食！

下晝三四點同女朋友行行下深水埗，有少少想食嘢但又唔想食太豐富，就睇下附近有咩好嘢小食食下咁岩行過見到呢間新香園，見好似幾出名又多人幫襯，一於就試試佢其實我之前都食過本店（堅記），都幾鐘意食佢個蛋牛治同飲佢杯茶走，所以今次隔左一段時間，希望佢仍然keep到水準！坐低第一件事就係叫左個蛋牛治烘底，而女朋友重口味啲就叫左個麻辣蛋牛治烘底等左五分鐘都唔夠就已經有得食，而質素方面我覺得都唔錯，唔錯在於我欣賞佢嘅蛋牛治做到乾濕分明 - 外面麵包烘得香脆鬆軟，而餡料則是充滿鮮牛肉汁及蛋汁嘅碎牛炒蛋，果然無令人失望而女友叫嘅麻辣蛋牛治同樣唔錯，而且我覺得更為香口，不過就真係幾辣，唔食得辣嘅朋友要諗清楚啦另外我地仲嗌左杯紅豆冰，紅豆煲得都算軟綿，但紅豆冰本身就唔夠奶香，不過不失啦

深水埗老字號多的是, 哩間都要介紹ㄧ吓！ 因為老舖實在太多人，而家過嚟新舖，試下佢有冇唔同先。呢度出名就係牛肉蛋治啦! 佢哋係用免治鮮牛肉加甜甜地蛋汁來做，加上烘脆嘅多士， 絕配! 我哋當然要嚟一份啦!豬手麵亦係另外一款美食， 豬手炆得入味，有南乳香，軟硬適中，充滿骨膠原。只是賣$25ㄧ碗，真係抵食到不得了。牛腩飯就信息咗少少，雖然牛腩炆得淋，但係醬汁比較鹹，唔係好合我口味，餐飲配上ㄧ杯凍檸茶，可以沖淡口中鹹味。