新香園

Open Now

Now Closed

新香園在深水埗已經開業多年，位於汝州街186號地舖，是一間提供平民美食的茶餐廳， 店內有卡位， 裝修比較懷舊。晚餐🥢 ～ 葡汁牛脷飯$56、 豬手麵$32、 蛋牛治$24、 香芒凍檸茶$28、 紅豆冰$14。 ▪️葡汁牛脷飯 ～ 葡汁味比較淡， 牛脷厚切但口感硬。 ▪️豬手麵 ～ 有兩舊豬手， 口感軟腍， 幼麵檔口。 ▪️蛋牛治 ～ 烘底蛋牛治，即叫即整， 味道可以。 ▪️香芒凍檸茶 ～ 有芒果蓉的凍檸茶，味道幾特別。 ▪️紅豆冰 ～ 我點少冰的，真是很少冰👍🏻， 因為好多時茶餐廳都做唔到。 味道方面紅豆唔夠腍。 我比較喜歡豬手麵， 個人感覺其他味道普通啦！ 🏷️溫馨提示～ 整個用餐體驗均屬個人分享意見， 只作參考😊。

路經深水埗來汝洲街這間新香園 (店内水吧位另有招牌是南香園 ) 行得有點攰和有點餓就進店內吃吃坐坐汝洲街店要比桂林街的店坐得舒服也整潔光猛得多來個鎮店之寶蛋牛治- 老實說真係一般水準幾失望蛋沒蛋香又炒得過熟入口有嚡的感覺牛肉就是普通的罐頭咸牛肉沒特別, 要是蛋不是炒到變老蛋, 我想這個有名氣的蛋牛治會比較好味卦 ! 只可說名過其實.牛筋腩飯 - 正常發揮, 牛筋腩夠淋又夠入味, 飯有飯香叫了凍檸茶和涷鴛鴦 - 茶味濃入口順滑, 舊有茶記的水準

今日特登去深水埗食蛋牛治， 拎住電話睇google map， 點知睇錯左新香園新店， 行到門口都再走返去舊鋪堅記但冇開門， 走返轉頭去新鋪既然過到黎試晒2樣唔同既蛋牛治， 原味同麻辣蛋牛治， 2份都烘底。我試左原味先， 果然係真。牛肉， 牛肉嫩多汁又脆底麵包。好食。麻辣蛋牛治同原味蛋牛治張相係一模一樣， 外面睇係分別唔到。麻辣蛋牛治多左一分四川辣香味但少左一分肉汁， 都係普通蛋牛治勝出。見到大家食評關於堅記奶茶都有好評， 到到新鋪都試左， 但就好普通

招牌菜仲保得住，其他就。。。上次去捌哥食早餐，見到隔離新香園坐滿人，今次特別來試下。以前試過桂林街果間，新香園（堅記）,但裝修食物服務都吾得，希望哩間OK啦 9點左右去到，好好彩居然有卡位，其實去到我地走我都見吾到有一張吉枱啊。裝修舊中帶新，好多圓木枱，位置夠寬，坐得舒服先叫4個餐，食到差不多再叫佢個招牌牛肉蛋三文治，等佢可以熱D。仲有女夥計好醒目，見我地4個人，主動問我地要吾要切4份。雞排炒蛋（2分）- 睇顏色都知道炸得太厲害太乾，雞肉都差不多乾曬，燒汁都算OK，雞蛋係滑的，三文治就只有小小牛油，牛排炒蛋（4分）-牛排幾好味道，仲有肉汁,有咬口，黑椒汁幾香,沙爹牛肉米（3分）- 沙爹甜甜地，吾辣，牛肉幾淋，奇怪由通粉轉米粉要加2蚊，扣分魚蛋米（2分）-魚蛋幾爽，米粉普通，湯太淡蛋牛治（5分）-真係名不虛傳，牛肉比蛋仲要多，有肉汁，滑滑地，多士剛剛好，黃黃地，脆脆地。咖啡（4分）- 帶D好特別的香味，吾錯鸳鸯（2分）-茶的比例太多，仲有茶吾香，無咖啡味，飲完仲脷鞋。

深水埗出名多美食，就算係茶記都有唔少，係朋友介紹下去左新香園我叫左柱侯牛腩麵，麻辣蛋牛治，加一杯香芒凍檸茶！而朋友叫左柱侯牛筋麵和蛋牛治！上圖嘅係牛腩麵，朋友送了我一塊牛筋我覺得牛筋炆得幾腍身，幾軟滑好味！而牛腩都ok唔會嚡口，唔洗$30就有呢個質素算唔錯！蛋牛治記得要叫烘底！會香好多 就咁睇相都知佢足料，超香口超好味! 個人覺得麻辣蛋牛治比普通蛋牛治更多了一份麻香！如果食到辣嘅朋友不妨試下至於香芒凍檸茶就味道麻麻啦，香芒味唔算好突出，要成$22一杯就唔多抵！總結，大推麻辣蛋牛治！記得要叫烘底呀！

今朝去深水埗做野，出發之前，同拍檔食番個豐富的早餐，唔係邊有力做野呀！行開去到汝洲街的新香園，見佢新淨同環境舒適就入左去食。我地食左紅豆麥皮﹑蛋牛治同吞拿魚粟米多士，當然早餐要飲番杯熱奶茶啦。麥皮加左紅豆粒，感覺有多啲野咬，無咁齋。味道不錯。雖然個吞拿魚粟米多士個樣唔太好睇，但食落口感好豐富，好足料～仲有蛋牛治，烘底，飛邊。蛋都炒得好滑，咸牛肉好香，好滿足啊！最後，奶茶我覺得都有茶味，沖得夠滑夠香。

今日咁岩經過深水埗要去整嘢，所以就點都要順便去食個蛋牛治過吓癮啦！去到都係坐滿人，不過就唔洗排隊！不過我淨係想食份蛋牛治所以都係買外賣算啦叫咗份烘底22蚊，不過因為太耐無食唔知有無加價印象中好似以前唔洗22蚊。。。比完錢等咗大概5分鐘就有得食了！拎上手熱辣辣一食落口還是果種味道口感！我本人唔中意食蛋都好愛吃這個蛋牛治！味道真係好好食！間鋪仲要24小時！真係無得輸丫！烘左面包有d脆加上好味的蛋同牛肉真係好正！

一家去主題樂園玩之前，想食個飽飽的早餐於是近近地去新香園可能係平日早上既關係，唔洗等候，鋪內都係六、七成客滿，所以可以揀個座位舒舒服服咁坐同老公一人嗌一個沙嗲牛麵，再加$6有一份炒蛋烘麵包(這份加來是給兒子吃的)配杯熱奶茶，再加份蛋牛治跟老公share。店員親切有善，會再覆一次單。不消一回，熱奶茶已到，奶茶的茶奶比例很好，金黃色的，很滑。隨後，沙嗲牛麵都到，沙嗲濃郁香口，麵條軟硬適中，溝埋湯都唔會變得太啖，牛肉爽口。蛋牛治爆汁，烘底香口，好食!

搭巴士經過好多次，以為係舊店執左，今日見有時間多行入去試下。黎到一定要食蛋牛治，上次為左慳一蚊無試到烘底，今次就會一會呢個名物。試過佢嘅烘底真係返唔到轉頭，外脆內軟一啖咬落去，熱辣辣嘅蛋汁標出黎，非常美味。所以真係唔好慳個一蚊不過雖然蛋治好好食，佢其他產品我就覺得有啲貴，尤其係飲品我覺得唔值得呢個價，如果佢推出套餐咁有另外一個講法。我識嘅新香園最出名係蛋牛治，唔知係咪因為我嗰日食嘅時候已經下晝五點幾我見個個都愛粉面冇乜人捧場個蛋牛治。

今日同老友落鴨寮街買野經過呢到佢話呢間蛋牛治好好食我就抱住試一試既心態黎試下餐廳唔算多人相信因爲下午茶時間人流唔算太多見到呢個蛋牛治隔住屏幕既你係唔會感受到佢既香味多士哄得好夠脆重點係牛肉出面食蛋牛治多唔係免治牛肉或鮮牛肉呢一到既煮法係細塊既鮮牛肉肉質好之餘又好Juicy下回預告:麻辣蛋牛治

Weekend等洗車，實會黎深水埗揾野食。呢期最愛就係新香園既蛋牛治。 朝早11 點幾唔算多人，唔洗排隊就好快入座。 舊式茶記，唔好expect好好環境， 坐得逼，台細，但呢d先係香港以前既地道特式。蛋牛治($20) , 本人唔鍾意烘底，因為軟諗諗既麵包配合d蛋汁先係最好 . 呢度既蛋牛治出名，原因係佢用新鮮免牛，而唔係罐頭鹹牛，仲有d蛋汁好juicy. 另外叫左個沙嗲牛肉麵($22), 味道同出面果d好唔同 見到佢個麵有d 蔥， 味道都幾舊式麵檔。 都算多牛肉，但沙嗲味略嫌欠缺。 下次黎都係focus番蛋牛治。