德朗甜品

Open Now

Now Closed

屋村甜品店嚟計，德朗依間的確難得有水準，食品多選擇多款式，有傳統中式糖水紅綠豆沙一定有，另外又有新派口味例如益力多爆珠，中式甜品棗泥糕、糖不甩…..西式甜品布甸、窩夫、心太軟…..打開餐牌的確係花多眼亂……😊冬天最愛蛋白杏仁茶😌近排天氣熱就揀凍野，涼粉西米露、台式仙草，而榴連小丸子雪糕就最鍾意，一球榴連蓉一球雪糕，入口軟滑陣陣榴連香🥰如果嗰日返工好忙好忙，就會特別想入去坐吓食啲甜嘢開心吓減減壓

同同事做野關係來到啟晴，做完哂野，點都想獎勵一下自己，剛巧又看到有一間糖水舖一於嚐嚐 - 德朗甜品。店內環境闊絡，坐得相當舒適，而且在店內四周畫滿了不少可愛圖案，有點像來到一個樂園般，心情都愉快點。糖水款式都不少：中式糖水：紅豆沙、合桃露、芝麻糊等等...西式糖水：楊枝金露、芋圓、仙草等等...想再豐富點，還有金磚吐司、綿綿冰、窩夫、拿破崙可選擇。馬來亞喳咋一來到已聞到香噴噴的椰汁味，喳咋中用上了幾種不同的豆，西米，芋頭及椰汁煮成(非常足料)，甜度適中，軟綿又爽口。蛋白杏仁茶杏仁茶中完全沒有渣，還加入了嫩滑的蛋白，吃起來綿滑濃稠，清甜潤喉。榴蓮班戟榴槤班戟的皮非常薄，更有點彈性，非常煙靱，上層的忌廉細滑鬆軟；而主角榴蓮質感綿滑，味道濃郁，怪不得會榴蓮忘返，一吃愛上。