Orange Elephant Thai Restaurant (博文街) (Moved) New Location

我同朋友都係泰國菜愛好者，今晚就約左佢黎美食小區既大角咀食又平又靚既泰菜😋呢間餐廳燈光柔和環境舒適，重點係每日都有唔同款既一蚊菜式！今日輪到酸辣去骨鳳爪👏👏另外仲叫咗馬拉盞炒通菜，蛋網海鮮金邊粉，椰青同菠蘿冰特飲～鳳爪去左骨食落真係超爽😆 酸酸辣辣搭配埋啲爽口既車厘茄，生菜同甘筍絲夠晒開胃，而且無因為佢係$1而變到好細碟👍👍馬拉盞炒通菜都係辣辣地，帶濃濃既鹹香味，好怕出街食炒菜會好油膩，但呢度唔會，配飯麵食都好夾👍金邊粉賣相吸引，薄薄既蛋網包裹住金邊粉，海鮮種類好多😍 有幾粒大大隻兼爽口嘅蝦，滑身同炸過好香口既魚柳，唔韌既魷魚，同埋鮮味既蠔，仲有啲豆乾同芽菜，酸酸may may又係令人好鬼開胃🙈椰青超大個，好多肉，非常清甜！😋🍍冰幾清新，一開始飲比較淡，反而我中意佢到後尾溶溶地果陣啲🍍味更加出而且無咁凍😂滿足又抵食既一餐！一定會再幫襯😋😋

2020年都就黎完，出街食過既餐廳我諗10隻手指都數得哂...正正因為咁，更加要精挑細選！今晚7點都未到，就到左呢間餐廳。裝潢好Chill，好適合gathering不過疫情下就同老公二人撐枱腳先啦！蛋網海鮮金邊粉 ($88)超足料!  有原隻青口和魚柳。但較濕身既質感。另外加d辣粉更有層次。香蒜軟殼蟹 ($92)超香口！好適合撈飯！蒜香唔會蓋過蟹鮮味！咖哩海鮮脆包盅 ($148)特選椰青 ($42)椰汁冰 ($28)咖哩偏甜，包盅真係好爽脆，配汁一流！堅推！記得趁熱食題外話... 唔知係咪因為疫情，餐廳提供左一盤熱水俾我地清洗食用既餐具。衛生俾滿分埋單時候全場都未爆，希望飲食業可以好快過左呢個寒冬啦！

🐟#冬陰功湯底明爐烏頭魚🦐#蛋網海鮮金邊粉🥘#黃咖哩雞最近先知原來大角咀一帶好多嘢食去開奧海城嗰邊順便去覓食🙊呢間泰國餐廳啲裝修環境幾有泰國風味🇹🇭一睇餐牌 一至日都會有唔同嘅$1菜式😱我哋星期四去係黃咖哩雞🐣太抵了吧‼️ 依家仲有呢支歌仔唱😂食咖喱必定會叫埋份薄餅沾嚟食😋另外個冬陰功湯底明爐烏頭魚都幾有驚喜連個烤盤都係魚型🤣 打卡📸👍🏻我本身唔特別好冬陰公都覺得個湯底幾好飲😳唔會太辣或者太濃味 可以適合就咁飲埋啲湯🍜

因為禁堂食令嘅關係，都有間唔中用openrice外賣自取嘅功能，喺屋企揀定要啲咩嘢食再到時到候去餐廳攞！大大減少咗喺餐廳等候嘅時間之前都有用過幾次呢個自取功能，但第一次見到呢個環保袋👇🏻係幾貼心的！ 嘢食方面就叫咗椰子雞湯、半隻海南雞、炒金邊粉、蒜茸炒介蘭、同埋一杯泰奶一杯菠蘿冰。個椰子雞湯非常之大碗！好好飲，一開頭飲會帶微微嘅辣味，但係飲多啖會辣到喉嚨會痛嗰隻一飲就停唔到不過略嫌入面啲雞冇乜味同有啲嚡，另外有個貼心位就係外賣佢會加個保鮮紙包住成個湯，慎防拎嘅途中會倒瀉，整體個湯都會比好高分！海南雞就叫咗半隻，出到嚟個份量比我想像中少，以118呢個價錢，性價比唔算好高，不過食落去個味道都唔差的配佢附送嘅兩個醬汁食係唔錯！炒金邊粉個份量好多，成個盒咁滿入面啲花生碎比得好多，食得幾香口。不過個金邊粉嘅調味就有少少淡，有點兒遜色咗！而且入面嘅海鮮都唔太多本身就想叫蒜茸炒椰菜苗嘅，但又冇晒，唯有焗住轉介蘭啦！咁呢個同泰國嘅炒菜一樣就係一如既往嘅重口味！都幾好食嘅！飲品方面就係菠蘿冰同埋泰奶，兩杯嘅size都係大杯嘅，而且都正正常常，幾好飲嘅！整體嚟講，啲嘢食嘅包裝有細微位，唔會拎出嚟污糟邋遢或

依間泰菜係大角咀開左分店，位置比較近奧運站，行過去大概五分鐘！個日去到見到舖頭做緊每日$1優惠價，星期一至日都有$1一個餸，星期三嘅泰式明爐烏頭魚係最抵食，本身要$169嫁，而我地星期五就用$1叫左一碟飛天通菜😍**********<咖哩海鮮脆包盅> $148平時見到咖哩農夫包都覺得好吸引，不過少人食嘅話就會有啲滯！依度用左泰式黃咖哩煮雜錦海鮮，個咖哩都幾出色，好香椰奶味，同埋因為加左蛋個汁就會變得濃稠，用麵包沾黎食真係一流！另外海鮮嘅分量都有好多，啲青口好大隻勁厚肉😍**********<蛋網海鮮金邊粉> $88個金邊粉唔單只個賣相掂，連味道都值得推介！好鍾意泰式金邊粉個味酸酸甜甜，依度嘅調味適中，而且炒得唔會好乾又唔會濕淰淰！同樣地入面嘅海鮮都好足料，加埋花生碎食真係無得彈🤩**********<飛天通菜> $1相信食泰國菜好多時都會叫碟飛天通菜，依度嘅通菜好翠綠，睇落夠新鮮！味道方面就唔算特別突出，同平時食開嘅差唔多😌

今日臨收工前幫公司去大角咀嘅銀行整啲嘢，整完男友過黎join我食晚飯，我哋不約而同都好想食久違了既泰國菜，竟然俾我哋搵到呢間超超超抵食！😁 話說呢間餐廳星期一至日都有唔同嘅一蚊菜式，由原價二十幾至百幾都有😮 今日星期二係酸辣泰式無骨鳳爪👏我地兩個人叫左個鹹肉椰菜苗，蛋網海鮮金邊粉，一蚊泰式鳳爪，一個椰青同埋一杯熱青檸蜜～鹹肉椰菜苗有鑊氣好惹味但唔會太油膩👍 啲鹹肉好香，應該炸過黎，有啲似細舊版燒肉，不過真係幾鹹😅 如果送飯應該唔錯，椰菜苗嫰口無渣👍蛋網海鮮金邊粉賣相精美，揭開個蛋網份量都幾多😮 海鮮有魷魚，大蝦，魚等等，金邊粉酸酸甜甜好開胃好適合呢幾日悶熱天氣食👍男友話個鳳爪都幾辣，不過真係好抵食😂😂椰青超大個！好清甜多椰肉👏店員好似都有啲泰國口音，感覺幾正宗，服務唔錯，仲超抵食👍👍👍👍

這間餐廳一直都想黎試，因為聽朋友講這裡每天都有不同的$1菜式，而今天晚上便跟友人來到這裡吃泰菜。剛剛在泰國回來只是數天，已經掛住泰國菜的味道!餐廳都幾光猛，座位都幾算多!看看餐牌點了幾款小菜!泰式滷水豬脾，豬脾炆得好冧好入味，豬皮有點粘的感覺，好有骨膠原感！而豬脾下面有芥蘭，芥蘭點了豬脾的醬汁更美味！蛋網海鮮金邊粉，蛋汁整了個網型，令外形美觀，金邊粉酸酸甜甜，拌有芽菜、蔥等夠香的蔬菜，海鮮方面有蝦肉、魷魚、魚肉等海鮮，口感豐富！泰式明爐烏頭魚，今天的$1菜式就是這尾烏頭魚，魚肉嫩滑，但不算很大條，湯底是酸湯，內裡有椰菜、肉碎、菇等，味道開胃！龍眼冰、椰青，龍眼冰味道不算太甜，幾清潤！而椰青夠凍而且椰青水好清甜，夠解渴！

朋友在附近一帶上班，這晚放工一同吃飯，選了泰國菜。餐廳十分光猛、闊落，空間感足，客人不用坐得太擠逼。餐牌的選擇挺多的，最後點了咖喱海鮮脆包盅、蛋網海鮮金邊粉及是日$1優惠--泰式鳳爪沙律。上菜速度挺快的，泰式鳳爪沙律很惹味，帶點辣勁；咖喱海鮮脆包盅如其名，上檯時仍保持其脆度；蛋網海鮮金邊粉的蛋網煎得金黃色，裡面的海鮮份量豐富，酸甜度適中，很不錯！飲品方面則點了椰汁三色冰及青檸冰，友人的椰汁三色冰很足料，椰味濃；自己點的青檸冰也很不錯呢。

好耐無食泰國嘢啦，今日嚟到大角咀做開嘢，見到有間餐廳門口寫住每日優惠價$1，深深被吸引住。每日都會有唔同$1菜色，今日係星期三，精選菜色係泰式明爐烏頭魚。🐟啲侍應都好多都係泰國人，感覺好似去左泰國咁！入到去，當然第一時間就點個$1菜色啦，雖然我唔係太好魚，不過$1一碟，你唔係唔嗌呀嘛！😝🤑基本上檯檯都嗌！條魚會用個爐熱住，食落去熱辣辣，爐火鎖住鮮甜味，條魚都好滑，有啲酸菜、冬菇同埋大量香蔥調下味。蛋網海鮮金邊粉，有一層蛋網包住成個金邊粉，賣相好靚，材料好豐富，有蝦🦐、青口、魚🐟，魷魚🐙，撈埋啲花生🥜一齊食又香口，金邊粉唔會太濕，又唔會太乾，炒得啱啱好，味道酸酸哋，食落幾醒胃。而且食得出係好正宗嘅泰國菜味道，唔錯唔錯！👍炭燒牛肋骨炭燒香味好濃，有煙燻嘅感覺，但肉汁依然keep到，肉質嫩滑，不過個汁都幾辣，唔食得辣嘅朋友就唔好點個汁啦！😝嘆番個清甜椰青，爽呀！朋友揀咗杯芒果冰凍飲🍹，超冰涼，絕對係消暑佳品！

每日都有一款 $1優惠菜式，試問有邊個見到唔會心心眼，雖然係優惠，但食物質素一d都唔馬虎。蛋網海鮮金邊粉($88)，蛋包飯就食得多，蛋包金邊粉第一次食，一切開入面即噴煙，熱辣辣，夏天食返d酸酸尾尾即美食好開胃，攪拌埋花生碎一齊口感更好。泰式滷水豬脾焗粉絲煲($106)，粉絲唔會太乾太濕，掛滿住豬脾既肉汁，至於豬脾亦煲得好腍，而且去晒骨。黃咖喱雞($1)，哩個就係優惠菜式，雞肉都有好多，絕不馬虎，咖喱味香濃。特選椰青($42)，大大個椰青，滿滿既椰水，好飲，椰肉容易刮起，好方便。

衝著一蚊飛天通菜去食「橙色大象」。熱愛泰菜的我早有幾間口袋餐廳，難得朋友推薦，就跟佢試一試，果真沒令人失望。青檸梳打 / 椰汁冰泰式拼盤$139有蝦餅、春卷、魚餅和香葉包雞。魚餅很香檸檬葉味，十分惹味！香葉包雞難得地不會過老，很多鋪頭的香葉包雞都炸得很差，這裡還算驚喜！蛋網海鮮金邊粉　$82蛋皮薄薄的，金邊粉炒得很乾爽，味道酸甜，辣勁較少，海鮮有蝦、魷魚、炸魚等，不會蟹柳扮海鮮，出色！全場也點的是日一蚊「飛天通菜」，份量很足，大蒜和辣椒炒得很香，極具鑊氣，沒有將貨就價，出色！