Read full review
2021-06-03
112 views
其實今次係第二次幫襯,之前覺得燉湯、炸豬排都超水準,只係個冷氣過凍有啲惡頂,所以決定再幫襯,點知唔止個冷氣仲凍咗,連食物水準都覺得差咗,又冇燉湯彌補心靈損失,所以可能冇下次。🍓台式雞肉飯定食 HK$63就咁睇個價錢,係咪好抵先?嗱!論豐富度同多元度,個定食係可以嘅;但論味道就麻麻,汁唔夠味,雞肉有啲鞋同淡,個飯隨住個超強冷氣由好熱變咗凍,唯獨乾蔥嘅香味係惹味嘅。跟餐三配菜:茄子、青瓜、木耳,全部都幾好味,好有調劑作用跟餐紫菜魚丸湯:味道方面最正常亦最滿意跟餐蜂蜜綠茶:我發現呢款飲品真係好難會輸,正呀!🍓滷水豬手飯定食_升級魯肉飯 HK$74由於喺台灣食過萬巒豬手,自然對台灣嘅豬手會有啲要求,但結果呢度係令我哋失望咗,啲豬手唔夠骨膠原,唔係黏口,所以就算味道係啱嘅,但口感都唔啱。最慘係個魯肉飯,之前覺得好好味,但今次食覺得好「削」,唔吸引。🍓台式烤香腸 HK$28全餐飯最滿意,就係美味嘅台式香腸,雖然有點鹹😂PS 真心希望有店家嘅人睇到調高番個冷氣,否則真係會好趕客吓。
🍓台式雞肉飯定食 HK$63
就咁睇個價錢,係咪好抵先?嗱!論豐富度同多元度,個定食係可以嘅;但論味道就麻麻,汁唔夠味,雞肉有啲鞋同淡,個飯隨住個超強冷氣由好熱變咗凍,唯獨乾蔥嘅香味係惹味嘅。
跟餐三配菜:茄子、青瓜、木耳,全部都幾好味,好有調劑作用
跟餐紫菜魚丸湯:味道方面最正常亦最滿意
跟餐蜂蜜綠茶:我發現呢款飲品真係好難會輸,正呀!
🍓滷水豬手飯定食_升級魯肉飯 HK$74
由於喺台灣食過萬巒豬手,自然對台灣嘅豬手會有啲要求,但結果呢度係令我哋失望咗,啲豬手唔夠骨膠原,唔係黏口,所以就算味道係啱嘅,但口感都唔啱。最慘係個魯肉飯,之前覺得好好味,但今次食覺得好「削」,唔吸引。
🍓台式烤香腸 HK$28
全餐飯最滿意,就係美味嘅台式香腸,雖然有點鹹😂
PS 真心希望有店家嘅人睇到調高番個冷氣,否則真係會好趕客吓。
台式雞肉飯
9 views
0 likes
0 comments
滷水豬手魯肉飯
8 views
0 likes
0 comments
台式烤香腸
6 views
0 likes
0 comments
蜂蜜綠茶
8 views
0 likes
0 comments
Post