至友美點

Open Now

Now Closed

自己平日好少入元朗，難得行街行到去元朗，就叫熟元朗嘅帶路食好野。餐廳裝潢都係偏舊式，入面啲枱櫈有少少似大排檔個類。聽講呢間店係24小時營運，宵夜都有得食點心都幾過癮。-蜜味叉燒腸腸粉正常水準，叉燒蜜味頗香，食落都不錯。-至友蝦餃皇蝦餃幾大粒同彈牙，帶鮮蝦香甜。餃皮軟糯，味道懷舊。-鮮蝦韭菜餃由於我係好鍾意食韭菜餃，見到點心鋪有韭菜餃當然唔執輸要試下。但餃子同我預期中個樣都幾唔同下，無諗過係用包粉果嘅皮。雖然我都鍾意食粉果，但包韭菜有少少奇怪。食落味道不過不失，蝦肉幾大粒，韭菜再香啲會更好。-北菇滑雞飯盛載滑雞飯嘅碗令我啲童年回憶返晒嚟，有種食緊外婆煮嘅飯嘅感覺。北菇幾香，可惜唔係好多粒。雞件入口滑嫩，無乜雪藏味，整體唔錯。

同朋友出去食宵夜，好多時都揀呢間店，因為開得夠夜，又冇咁多人，同女友Share完一碗「勝利牛丸」，本身諗住去食雞粥，但實在太等人等位，又唔想等咁耐，於是就冇佢去食我同朋友們既宵夜飯堂「至友美點」。點心店咁岩果日做緊無線頒獎禮，同女友食住睇電視，比較晏少少既時間，差唔多9點先黎，所以都多空位。食物選擇真係唔算多，一張雙面餐牌睇哂，不過你想食既應該都會有，同埋呢到通常都整好放係熱爐熱住，所以一叫完野食就會有得食，茶位就$3/位。至友蝦餃皇(特點)　$20由於同一日早上我地兩個已經食左燒賣，所以冇點到點心友必食既燒賣而叫左蝦餃皇，有4粒，質素正正常常，蝦都算彈牙，唔會霉。香芋鴨腳扎(中點)  $17雞扎周圍都有得食，但係鴨腳扎就唔算太多地方有，入面仲放左芋頭同豬肉整成既肉塊，鴨腳兩隻都咁大隻咁靚仔，損腳都係損汁同個味為主而唔係多肉，呢個我覺得幾抵食。鳳爪排骨飯  $25幾乎每一次黎都會點盅飯，而眼見亦都每一枱都會點一盅，雖然價錢其實相對上好似貴左少少，$25但係好細盅，不過前排天氣凍，凍既天氣之下再食盅熱騰騰既飯真係好正，而味都係中規中矩，飯會比較稔左少少，硬身返會好咬口啲。蜜味叉燒腸  $