반찬앤쿡 Banchan and Cook (時代廣場) (Closed)

近來人氣蛋包飯韓國餐廳，怕排隊所以一早定了位，去到等十分鐘就有位。餐廳唔算大但裝修得好有韓風，報滿花花，女仔打卡之選蜜糖炸雞(半份有骨): 在濟洲食過柑橘炸雞好好食，所以諗住重溫吓，但話不提供，好似冇人話食過，不只為何還印？唯有點蜜糖炸雞囉炸雞都係好香脆、有汁；炸年糕煙煙韌韌，好有咬口；薯條脆脆啱我；唯蜜糖真的太甜，不過又係我自己點蜜糖，無計😅燉牛肋骨蛋包飯：隻蛋賣相一流，看着滑滑、吹彈得破模樣，得👍🏻👍🏻，待應姐姐幫我們割開，蛋漿好似熔岩咁流出嚟，真係好治癒。牛肋骨燉得軟軟入味，一拮就離骨，好好味😋，另外仲有隻入哂味嘅東菇和兩件無味嘅蘿蔔。總結是必點項目👍🏻走時仲有抽獎，下次食送飲品一杯，咁下次試埋其他嘢先

呢間餐廳嘅韓文意指「飯饌」，即韓式小碟拌菜🇰🇷以現代韓式同西式Fusion輕食為主，包括各式飯類、意粉、甜點等🍴💗慢煮雞胸蛋包飯 ($105)雞蛋奄列由日本雞蛋同忌廉炒成，侍應輕輕切開蛋皮，湧出半熟蛋漿，連同加入牛肉粒同牛肉汁嘅炒飯一齊享用，口感滑溜香軟🍳配上低溫慢煮雞胸，以香草同辣椒粉醃製，肉質鮮嫩🐓再淋上菇菌忌廉汁🍄💗蜜糖炸雞 ($108/ 半份)無骨炸雞炸得金黃香脆，內裡雞肉嫩滑多汁🍗不過蜜糖落得過多，甜到有d封喉🍯另外有煙韌軟糯嘅年糕同炸薯條作襯托💗慢煮羊膝配薯條 ($165)慢煮羊膝肉厚鬆化，帶適量羊騷味，肉味濃郁🐑淋上微酸濃厚嘅蕃茄醬汁🍅配菜分別有薯條🍟、沙律菜🥗、蘿蔔🥕同烤蒜🧄💗烤朱古力棉花糖 ($78)棉花糖焗至表面焦脆，內裡軟綿拉絲，底下嘅牛油餅碎增加口感。最後加上朱古力醬同朱古力碎🍫配以麥芽消化餅中和甜膩🍪💗盛夏白桃梳打 ($42)選用山梨縣白桃，加入碳酸梳打，味道清甜芳香，仲有新鮮桃肉🍑💗凍紅豆鮮奶 ($42)鮮奶加入香甜嘅紅豆蓉 ，似淡味嘅紅豆冰🥛