sips;;lban

Open Now

Now Closed

明太子帶子炒年糕 ($92)年糕整得好煙靭，成個碟都係明太子😍基本上每啖年糕都食到明太子汁嘅鮮同辣味🤣而且仲加咗三文魚子，令到整體鮮味更加突出🥰帶子亦都煎得好香，好夾呢一款炒年糕☺️半半炸雞 ($155)炸雞可以揀雙拼，分別揀咗初雪芝士炸雞同埋蒜蓉蜜糖炸雞😍每款有3-4件，份量唔算好多，不過幾有誠意☺️芝士炸雞鋪滿咗滿滿嘅芝士粉，而且上枱嘅時候仲好熱辣辣😍蒜蓉蜜糖炸雞味道好香，食得出係靚嘅蜜糖🤤而且每件雞外層都炸得好香脆，裏面嘅肉好Juicy多汁，兩款炸雞都唔錯🥰伯爵茶布甸牛角包窩夫 ($145)呢款甜品相當適合打卡🤣賣相唔錯🥰伯爵茶布甸茶味好濃，口感好順滑；牛角包窩夫配埋伯爵茶醬同cream一齊食，味道唔錯😆不過如果窩夫可以再鬆軟啲就Perfect🤣仙境藍莓之夢蛋糕 ($68)一款好igable嘅甜品😍藍莓海綿蛋糕配咗一啲藍莓醬同蝶豆花，蛋糕食落幾鬆軟，而且唔會太甜，配埋啲藍莓一齊食都幾fresh☺️櫻花棉花糖泡泡浴 ($62)好靚嘅一杯棉花糖白朱古力，甜度適中，打卡一流🥰面頭仲有啲朱古力脆脆增加口感，朱古力飲落口都好順滑☺️濟州柑橘梳打 ($52)

星期日晚約咗朋友去呢間餐廳，人少少，坐得好舒服。原本見間餐廳咁靚，有啲懷疑係咪又係啲呃錢cafe😅 但食物質素好好，樣樣嘢都覺得好食。韓式烤牛肉年糕🧆雖然其實個汁係咩味好難解釋🤣但係最吸引我嘅係年糕嘅口感！佢唔同一般年糕，口感煙韌不特止，仲好滑😍係唔會係超市買到嘅口感。牛肉都唔係hea牛🤣車打芝士紫菜包飯🌯如圖所見，好多好多紅蘿蔔🥕同青瓜🥒除咗覺得有啲多紅蘿蔔之外，唔特別覺有咩特別。個車打芝士係American cheese一塊幾蚊嗰啲。呢個kimbap$92，值唔值就…見仁見智了~蜜糖炸雞🍗原本以為呢個炸雞會普普通通，點知!!!! 佢無論喺味道上，或脆度上都做得剛剛好。首先蜜糖味好突出，食得出係靚蜜糖。然後就算啲蜜糖鋪哂喺面，個炸粉依然咁脆，入面肉嫩多汁，好有驚喜。伯爵茶布甸刨冰🍧呢個可以話係成餐最好食嗰樣。大大個布甸🍮喺面，又滑又有伯爵茶同奶味，就連擺面嘅脆脆都一樣咁有伯爵茶味，一啲都唔求其。喺刨冰上嘅cream同樣好夠奶味，加埋左邊嘅伯爵茶cream，一流👍🏻👍🏻👍🏻

cafe 主打蛋糕同埋雪花冰，另外仲有多款主菜同埋飲品可以選擇！/玫瑰醬八爪魚年糕 $98/玫瑰醬帶有少少辣味好香口，年糕比較幼長，好煙韌又掛汁🤩八爪魚好大隻，口感軟熟👌🏻/橡果黑毛豬卡邦尼意粉 $108/卡邦尼醬非常creamy濃郁，加埋黑毛豬嘅鹹香味一流！意粉彈牙好食👍🏻/蜜糖炸雞 $108/炸雞外脆內juicy，好多肉汁！蜜糖甜甜地中和炸雞油膩感，薯條都好好食🤭/北海道粟米蛋糕 $58/第一次食粟米蛋糕，賣相好吸引，食落口口感豐富，佢加左d 脆脆，蛋糕慕斯軟滑，食落有d 鹹鹹甜甜嘅味道🌽 /香濃花生夢幻沙冰 $95/沙冰超大份😳 佢係帶有少少牛奶味道，加埋花生cream 同埋黃豆粉味道唔錯！如果鍾意食甜d 就可以加埋煉奶同埋紅豆蓉！我最鍾意入面煙韌嘅黃豆粉糯米糍🤪/甜蜜桃桃伯爵茶 $38/ 怦然心動熱情果梳打 $42/蜜桃茶好清甜，入面仲有桃肉！熱情果梳打酸酸地好開胃👍🏻整體黎講，性價比幾高，食物質素幾好仲要份量好大！餐廳裝修有心思👍🏻