Read full review
2021-10-09
1231 views
.📍老鳳冰室📍 #饅頭去深水埗 #饅頭的港味道呢間冰室嘅裝潢花咗些少心思,餐牌設計成舊式信封咁📮,復古feel一下出曬嚟,老闆服務態度亦好好,整體算係少有令我記得起嘅懷舊冰室。------------------------------黑松露炒蛋多士 ($38)多士厚厚一片,烘到微暖,小編略嫌唔夠香脆,但又未至於係嗰種索曬蛋汁入囗即溶嘅感覺;麵包香軟,塗上一大片牛油,再放上都幾足料嘅炒蛋😍,炒蛋香滑濃郁,黑松露份量唔吝嗇之餘亦冇搶過蛋香,整體食落香口而唔油膩🙈,係我記憶中嘅味道。------------------------------芝士豬扒撈一丁 ($48)佢哋嘅秘製芝士汁幾啱小編口味,鹹度適中,芝士濃郁帶有奶香🧀,大大一勺撈麵一流!可惜麵感覺淥淋咗,少咗彈牙感覺。至於豬扒炸到酥脆,肉質鮮嫩不失口感,食落啖啖脂香,配埋塊邪惡牛油多士,愛了愛了💕,不過食完係會少濟。------------------------------蝦多士 ($38)而家嘅冰室已經好少有蝦多士嗌,但呢個小編食完有少少失望,其實多士炸得幾香脆唔界口,可惜蝦膠厚度有啲薄,少緊啲鮮爽彈牙嘅口感,鮮蝦味有但唔濃郁,
📍老鳳冰室📍 #饅頭去深水埗 #饅頭的港味道
呢間冰室嘅裝潢花咗些少心思,餐牌設計成舊式信封咁📮,復古feel一下出曬嚟,老闆服務態度亦好好,整體算係少有令我記得起嘅懷舊冰室。
------------------------------
黑松露炒蛋多士 ($38)
多士厚厚一片,烘到微暖,小編略嫌唔夠香脆,但又未至於係嗰種索曬蛋汁入囗即溶嘅感覺;麵包香軟,塗上一大片牛油,再放上都幾足料嘅炒蛋😍,炒蛋香滑濃郁,黑松露份量唔吝嗇之餘亦冇搶過蛋香,整體食落香口而唔油膩🙈,係我記憶中嘅味道。
------------------------------
芝士豬扒撈一丁 ($48)
佢哋嘅秘製芝士汁幾啱小編口味,鹹度適中,芝士濃郁帶有奶香🧀,大大一勺撈麵一流!可惜麵感覺淥淋咗,少咗彈牙感覺。至於豬扒炸到酥脆,肉質鮮嫩不失口感,食落啖啖脂香,配埋塊邪惡牛油多士,愛了愛了💕,不過食完係會少濟。
------------------------------
蝦多士 ($38)
而家嘅冰室已經好少有蝦多士嗌,但呢個小編食完有少少失望,其實多士炸得幾香脆唔界口,可惜蝦膠厚度有啲薄,少緊啲鮮爽彈牙嘅口感,鮮蝦味有但唔濃郁,唔難食但唔建議抱太大期望。
------------------------------
整體評分:7.4/10 (主要係蝦多士有啲炒車)
小編回頭率:6.5/10
芝士豬扒撈一丁
$48
19 views
0 likes
0 comments
黑松露炒蛋多士
$38
13 views
0 likes
0 comments
蝦多士
$38
23 views
0 likes
0 comments
Post