羅麥記 (Closed)

在3月份，跟兩位朋友上完攝影班，連教班的朋友一行4人及他美國的朋友一起去銅鑼灣希慎廣場 <羅麥記> 食宵夜！還記得5 年前，在屯門分店試食；不經不覺，原來現時執剩3間！分別是屯門、銅鑼灣及青衣分店！一貫以舊香港作為藍本，把餐廳設計成懷舊冰室，供應港式懷舊美食！讓大家回味七十年代的事物及味道！我們入座時，已經晚上約 9:15，食客稀少！店員們大致上招呼我們一枱！芝味牛肉蔥油餅卷 $48蔥油餅香氣洋溢！ 其質感好似印度薄餅柔軟又富香氣！加入芝士及牛肉，鹹香與鮮味共融！水牛芝士炸雲吞 (4 件) $46即叫即炸！金黃色的外層，既香脆又熱辣辣！一咬開，鮮味與肉汁爆出！ 蘸上甜酸醬增添風味！蝦多士 (5件) $60蝦多士比預期厚身，加上白芝麻，令整體更加香脆可口！豬羅包 (兩食) $40我選擇的鴛鴦豬扒包，特別在於用上煎豬扒及炸豬扒，實行一味兩食！ 一次過可嚐盡兩種口感，配上青瓜、蕃茄、生菜...，食得津津有味！磚頭焗豬扒飯 $85如此巨型的份量，恐怕連我自己一人也吃不消！  跟大家一起分享是最好的！以未切成方包及未去皮的方包磚，盛載豬扒及焗飯！ 外型的確吸引！而且有特色！頂層豬

星期日約了表姐去了銅鑼灣逛街，大熱天時緊係去商場裏面逛下啦。之後去了希慎的高級茶餐廳羅麥記食午餐。茶廳在14/F，景觀開揚，有很多懷舊小食，而價錢跟街邊茶記差不多，但坐得比較舒適。蝦多士一份五件望落去以為會很飽，其實麵包很鬆軟，厚切麵包不會太飽，表面釀上蝦膠，爽口彈牙，而且只煎過表面，沒有炸過，所以一點也不油膩。水牛芝士炸雲吞中或炸雲吞加上水牛芝士，裏面啖啖蝦肉，半溶芝士流出，香脆惹味。黑汁墨魚鬚墨魚鬚爽脆帶甜，有點似海鮮醬味道。芝士菠菜吞拿魚焗通粉表面舖上芝士，菠菜同吞拿魚味道很夾，芝士亦不會太膩，通粉爽口，比其實肉類焗飯更清新。紅豆冰粒粒奶茶&生薑蜂蜜水冰粒裏面全部都是紅豆，整杯有一半都是紅豆粒，奶茶香濃幼滑，茶味十足，是必試之一。

之前去過青衣嘅「羅麥記」，已經非常喜歡，印象最深就係佢嘅「全院滿座」霓虹光管，估唔到希慎廣場嘅「羅麥記」，更得我心，是香港少有懷舊情懷的餐廳，令人有時光倒流的感覺未講食物之前，先講下佢四周都是懷舊風情，涼茶舖的水吧、古董的電視📺、收音機📻、風扇、汽水盤⋯⋯等等，使人重拾那些年的感覺紅色吊燈、綠色掩窗、雞公碗，還有牆壁上刻意用「九龍城皇帝」的筆跡，原來是寫着「羅麥記」這餐廳名字的由來，原來老闆是有一個姓羅和一個姓麥的人合營，非常有趣Menu 也值得一讚，除了圖文並茂之外，特色的美食實在令人垂涎三尺，想吃的實在太多了，所以點餐的時候也費煞思量紅豆冰雪糕，炎炎夏日必然之選，懷舊的玻璃杯，絕對是六七十年代冰室所用，紅豆夠腍身，若然能用刨𣲙就更加完美另外一杯是北海道牛奶咖啡☕️，北海道牛奶特別香、滑，咖啡味香濃，好夾哈哈哈炒飯，淨係聽到個名都已經開心，原來係鮮蝦、蝦米、蝦醬為之三🦐，所以叫哈哈哈，未食已經贏咗一半，真心講，呢個炒飯真係好好味，蝦醬嘅香，蝦米嘅煙煙韌韌，仲有大大隻嘅鮮蝦，上面再鋪左一層肉鬆，呢個飯，我絕對要比滿分💯麥sir乳鴿仔，我估應該係老闆麥先生嘅傑作，來到銅鑼灣希慎廣場，食隻乳

今早純粹想找一個早餐 等朋友 Openrice一下找到這一家 網上說是香港老味道 因比較早去 還可以選擇坐在窗邊 雖然外面只是一大堆高樓大樓價錢絕對不算便宜 加上沒有套餐 所以只是叫了個很久沒吃又聽說是招牌的蝦多士及一杯蜂蜜鮮奶等蝦多士炸好 等了大概二十分鐘 以新鮮做來說不算等很久 但我在想 如果人多 也可能真的要等耐一點 蝦多士 其實我是有點失望 當然不用想有一些小店或舊式冰室用一隻隻的蝦 只是蝦蓉 但選用的麵包 更令人失望 他們用了像小法包的麵包 可能是他們的心思 但改變了 就不是老味道了 沒有打正旗號是老味道 或許就能接受還好 環境真的不錯 坐得很舒服 而且見到店員細心照顧 剛好旁邊有媽媽帶著小朋友 店員主動拿了BB椅 可見用心

充滿懷舊感的羅麥記，平時茶記都間唔中食，但呢間裝潢特別有懷舊風格，連門口放的電視機也有我的童年回憶。餐廳內牆上還貼滿懷舊街招，真係有種時光倒流的感覺。紅豆冰小忌廉奶茶（左）$38，紅豆冰粒粒奶茶（右）$38。兩杯都是紅豆冰加奶茶，小忌廉個杯只係多左cream滑d。 紅豆粒好多，大粒香甜粉綿，奶茶味濃又夠茶香。蝦多士（5件）$58跟平時有所不同，不是用方包片，而用厚身法包，外層微微香脆，麵包超軟熟好好味，加上蝦膠好彈牙爽口，仲有鮮蝦味，好好食，冇得頂。羅麥雞翼（辣）5隻 $53，羅麥汁同瑞士汁差唔多，都係甜甜地帶咸味，仲有好香醬油味，煮得夠入味之餘，雞翼肉質又嫩滑，只係咸左少少，辛辣度都易接受又惹味，且辣味好快散去。羅麥汁牛河 $65食前先拌勻羅麥汁牛肉與河粉，跟平時炒好的牛河有點不同。羅麥汁跟雞翼的味一樣，都是甜中帶咸，大人細路都岩食既味道。不過估唔到食落都有鑊氣，河粉炒得幾好，冇痴實一舊舊。牛肉十分嫩淋又入味，冇筋的肉質好易食。美綠牛奶包 $35，最後叫多個麵包，雖然唔係menu甜品類，但我覺得已經算係甜品。麵包烘得脆卜卜夾著粒粒花生醬已經好正。仲有淋左好多已調開的香甜煉奶，灑上美綠

今晚Happy Friday收工約咗朋友去CWB行街，她說去希慎廣場食晚餐（我心想吓希慎唔係得個美食廣場咋咩？因為我通常行到誠品果層就走，所以唔知到原來樓上仲有餐廳😅）雖然這款蝦多士d蝦肉不是很厚，但反而唔會食到蝦還蝦，多士還多士分開晒！蝦肉上放了芝麻和蔥粒，味道好香。至於個多士我和朋友都十分喜歡，因為它不是烤到硬身既多士，口感鬆軟（食落感覺無咁熱氣）。避風塘鮮魷係我每次去親大排檔都會點既菜色！嚟到見到有當然要一試啦！外皮不算太脆，口感有點似穌炸既（又係果句啦，感覺無咁熱氣，都好味既），魷魚肉質彈牙結實，味道不是太濃所以點埋附設的醋汁，就剛剛好喇！

提起麥記呢個名，相信大家都聽過無數次，似乎講起麥記已經等於麥當勞。但今晚我對麥記有另一番體會。收工去左行希慎，順便繼續捉下小精靈。行到攰，捉到攰都想搵個地方一路食一路捉。但身處希慎，似乎係希慎搵間平民茶記有得食又可以慢慢hea下真係有難度。越上越高去到14樓見到有間"羅麥記"。餐廳裝修好有茶記味道，夠晒特色，估唔到希慎同茶記都可以拉上關係，希慎呢度真係臥虎藏龍。餐牌既食物都以茶記為主。蝦多士 (5件) $58大大件既蝦多士十分厚身，而且多士又脆口。蝦多士本身味道已經香濃，再加埋沙律醬提升味道。蔥油豬排撈丁 $50上面見到豬排份量都幾多，入口香脆又腍身。麵夠爽口，而且本身做左調味，避免淨麵入口味道太寡。最後加埋蔥油同豬排一齊食，邪惡指數爆燈！無骨海南雞飯 $65茶記食到呢個飯好有驚喜。飯真係值得一讚，夠熱夠腍又有雞油香，真係好少地方既飯可以同時做到。雞肉完全無骨，食得舒服，配埋三種醬料，可以食得更有變化。唯一差少少既係雞切得太細件，口感有所影響。紅豆冰粒粒奶茶 +$28跟餐加$28就可以轉紅豆冰粒粒奶茶，紅豆冰加港式奶茶配搭都幾新鮮。但原來紅豆冰粒粒奶茶係將紅豆整成冰粒再加入奶茶。食落紅

於假期前夕繁忙晚飯時間，係銅記搵食都有d難度。稍為出名必要排長龍。同埋想飯後去shopping, 我跟朋友都係表示食個quick dinner就趕去濕平，如果唔想去快餐店/粉麵店既話，選擇就難上加難！我醒起之前bookmark左一間位於希慎商場內既茶記。就走去博一博。店內都坐滿人，幸好排了2張就有位了！黑汁墨魚鬚帶點甜的黑汁，帶點瑞士汁既味道，墨魚爽口，不會un. 加上白芝麻來吃更香口。瑞士汁雞翼通瑞士汁雞翼呢個配搭基本上無得輸。特別之處在於配通粉，撈通粉索左瑞士汁味，比平常吃得惹味！蝦多士：推介！多士面有層都幾厚既蝦肉，蝦肉好爽口。烘完熱辣辣特別香，多士烘到外脆內軟，一件件方便易吃。咖哩軟殻蟹麵包磚：賣相剎食又有霸氣，原隻軟殻蟹啊，炸得非常香脆，咖哩汁滿滿，味道帶點點椰香，唔辣。仲有磚頭裹挖空，放滿哂飯，白飯沾滿咖哩汁。這個大堆頭，食到一半已頂住肚真係大件夾抵食！在捧腹情況下，都要試下外層焗到脆脆既麵包磚。咖哩汁配呢個脆包，又脆又軟熟，如果只係叫呢樣 我一個人係會食得哂地點方便，又有些特色既茶記，值得一試。Re姐推介指數：

潮流興懷舊，新派茶餐廳文化興起，記得兩年前首次光顧羅麥記，地點在太古站康山廣場，在街坊雜貨店中竟然有一家裝潢鮮艷搶鏡的另類茶餐廳，感覺好玩，食物不過不失，也許是她試點。近日再遇，在租金昂貴的銅鑼灣地段及中高檔的名商場內，也許更配合目標客戶群，又原來已是第三家分店，想不到，生意真有可為。周六中午一時，生意興隆，要等位，幸好流轉快，二人枱，十多分鐘有位。等待期間，留意到門口的接待處，有一部六十年代的舊款收音機，據食伴之檢測後，認為仿真度甚高，我想，只要店主有心，張羅一卻壞了的舊家具應該做得到的，是真的也不奇，不能收音而已。進入店子，有心人塑造出來的懷舊風情，塗鴉、六十年代的舖面、報章廣告及電器用品，鐡枝窗花等等，顏色卻是鮮艷奪目，排列得有條不紊。餐牌亦不例外，經典推介，一目了然。我們的午餐，先來招牌熱奶茶。紅茶色澤深色，加了奶亦可見到，奶用煉奶，茶餐室之本色，口感濃郁而幼滑，熱而不熨，未有加糖，我亦刻意如此，更能嚐到真味。豬排包（兩吃）雙拼吃法，疑似現代吃法多於懷舊！一吃是煎香的豬排，另一吃是炸的。提及豬排包，自然想到澳門的大利來，好吃之處在豬仔包新鮮出爐，包身烤至微焦，配以煎香熱騰豬排，