蛋藝工房 (Closed)

天水圍新北江商場比我嘅感覺係好似葵廣咁，有好多小食同餐廳小店，價錢亦都唔貴。今次同朋友再去時，見到有間裝修簡約有文清feel，叫蛋藝工房嘅餐廳，同成個商場比較舊嘅感覺唔一樣。餐廳係專注做蛋嘅🍳餐牌上大部份嘅菜式都🈶️蛋🥚包括炒滑蛋、煎雙蛋、63度溫泉蛋，同埋比較特別嘅蝦濃湯滑蛋汁。食林嘅份量都真係非常足料，幾大份下😆西京燒黃油雞炒滑蛋飯係雞肶扒，外面煎得香口肉質嫩滑多汁。見到餐牌有寫住餐廳係選用頂級農場雞蛋，確實蛋味幾香，質感實得嚟夠滑。見到餐廳都幾用心，連白飯都係選用日本珍珠米，但係價錢相對實惠。蝦濃湯滑蛋汁海蝦飯個汁真係幾鮮，店家話佢哋自己用新鮮海蝦煮嘅，就算連海蝦都係每日朝早買新鮮嘅，食🉐️出肉質唔會好似冰鮮咁爽口但係彈牙嘅😋諗住食得健康啲，就加$10升級做椰菜花偽炒飯，以滑蛋汁送更易入口👍🏼套餐有跟汽水，不過我哋又加價錢upgrade咗轉做齊茶。英女王伯爵奶茶茶味香濃，奶香十足，口感順滑，鍾意飲奶茶嘅我真係覺得好好味呀😍

作為天水圍人, 一向都會去新北江搵食, 貪嗰度食嘢夠平民化, 唔駛太拘謹. 發現呢間蛋藝工房新開張, 好奇心軀使之下前來一試. 睇到個菜單全部以蛋為主(廢話) , 一開始唔覺得有咩特別, 不過留意到可以加幾蚊有椰菜花偽炒飯, 就真係幾有新意. 香港地依家估計100間餐廳都未必有1間會用椰菜花當飯俾客人食,(有錯請更正), 其實近年都有唔少朋友話少/走澱粉質, 呢個炒飯底真係幾適合. 蝦濃湯滑蛋汁海蝦飯$50最近去咗兩次, 第一次太遲去(其實都只係20:00), 得番蝦濃湯滑蛋汁海蝦飯, 睇落就冇咩特別. 不過一食落口就知, 海蝦真係海蝦, 真係新鮮蝦而非陳年雪藏蝦, 真係冇俾人昆, 雖然未說得上好彈牙爽口, 但完全食得出海蝦嘅鮮味, 就連海蝦生前嘅一動一靜, 都可以感覺得到. 呢一份誠意, 以呢個價錢嚟講, 真係算得上庶渣嘅價錢, 燒鵝嘅味道. 而滑蛋汁亦都係濃稠度剛剛好, 有掛汁效果. 椰菜花偽炒飯（跟餐+$5）呢個真係要激讚, 大小適中, 濕度適中, 咬落非常有口感, 只作適量調味, 再加上小小三色椒作為點綴. "炒飯"底並唔油膩, 配合番呢個炒飯原意係健康嘅宗旨. 嘢飲方面可以