蝦豬餅

Open Now

Now Closed

琴日同fri去大澳玩 之前谷歌search 话呢个系其中一个必食噶小食 就去买左两个试下 其实就喺个饼 包住啲用虾酱炒噶肉末加生菜 路过噶时候已经离远闻到香味 整体我觉得系Ok嘅 除左咸左少少 個人覺得 钟意食虾酱噶 一定要试下

週末繼續出走，尋找不同地方美食，今天來到香港現存最著名的一條漁村 - 大澳。經大澳涌行人橋過到對岸，沿吉慶街一直走，就快便會找到張財記蝦豬餅。🔺 蝦豬餅 ($30)張財記是大澳蝦膏蝦醬的老字號，其蝦豬餅可說是大澳最有名氣的小吃之一，燒餅包著用蝦醬炒香的豬肉，十分惹味，而且極具地道特色。回頭率：🌕🌕🌕🌕🌕

每次黎到大澳必食既除左沙翁，就一定係蝦豬餅😍雖然睇落無咩特別，但食過一次就知真係超好食，非常之香😋至此之後已經變成左我大澳必食小食之一👍🏻其實蝦豬餅姐係用大澳自家出產既蝦醬炒豬肉碎，再用一執手抓餅包住，咁就成為左蝦豬餅啦😍蝦豬餅即叫即整，拎係手上面仲熱辣辣🥹蝦醬炒完豬肉碎黎令到豬肉碎有埋蝦醬個種咸香，未食聞到都流哂口水🤩咬落去亦都十分之咸香，但又唔會太咸，亦都估唔到咁既配搭係十分之夾😀下次黎一定要再試👍🏻

去過大澳好多次，都未試過呢間蝦豬餅!!因為呢間店係大澳必食，好多人推薦，所以每次經過都大排長龍~今次再去大澳經過時，難得見到冇人排隊就買來試吓(˶‾᷄ ⁻̫ ‾᷅˵)等咗8分鐘左右就有得食❤️分量比想像中細，用細嘅圓形手抓餅包住滿滿嘅豬肉同生菜~蝦醬味好濃郁!!!但食落會覺得鹹，要食生菜同埋手抓餅中和返🌿整體味道幾好 但冇食開蝦醬會覺得唔慣$30都值得推介試吓(⁎⁍̴̛ᴗ⁍̴̛⁎)建議多人排隊就買咗飛先，再去排完附近嘅大澳名物沙翁先返去拎🌟

一開始唔知蝦豬餅係咩黎，聽個名幾得意，而且都見到好多人買，所以試下，點知一試難忘，因為好好味呀！！而且唔洗慢慢排隊等買，俾錢後店家會俾張號碼飛，叫號碼就攞得了。蝦豬餅$30手抓餅皮煎得香香，夾左脆脆生菜絲同埋蝦醬豬肉碎，份量十足。蝦豬餅用左大澳好出名既蝦醬整，good taste！薄餅＋生菜＋肉碎一次過大大啖咬落去，口感同味道好有層次感。蝦豬餅係入大澳必吃美食，但除左大澳，唔知邊度仲可以食到蝦豬餅呢，好想再食呀！

睇好多人都有介紹呢間蝦豬餅，但試完之後，同友人都覺得只係一般般麻麻地。雖然係星期日，但沒有太多人排隊，就決定試下佢。用一塊偏細嘅手抓餅包住用蝦醬超嘅碎豬肉用生菜，充滿蝦醬味，十分足料，一邊食真係會一邊跌餡😂。口感唔算十分豐富，當日同友人share一個試下，食完之後都感覺偏鹹。

————————————————————————🐕 蝦豬餅（$30）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯性質好似手抓餅 不過default咗配料同細塊啲$30 呢個size 其實偏貴不過勝在夠特別 用上大澳有名自家蝦醬豬肉碎比得好滿 食嗰時係咁跌😂😂炒過嘅蝦醬可謂香氣十足加上有少少肥豬肉加持夠哂咸香惹味😋😋————————————————————————

·大澳美食蝦豬餅😋😋Husband😂😂惹味蝦醬豬肉餅🐖🧡🧡🧡🧡🧡～～～～～～～～·1️⃣蝦豬餅($30)🐖＊大澳除咗食沙翁，蝦豬餅都變咗其中一樣招牌小食👍🏽👍🏽蝦豬餅因為係由蝦醬炒豬肉做餡料而命名，外皮係鬆脆嘅手抓餅皮，餅樣入邊夾咗塊生菜，再包蝦醬豬肉，豬肉係半肥瘦，食落好香好惹味🤤🤤🤤份量算細份，但大澳咁多嘢食，細細份試吓都係可接受嘅😂😂＊蝦豬餅啲蝦醬就係來自張財記既蝦醬，所以其實算係張財記嘅舖頭，食完會唔會買佢啲蝦醬就隨大家喜歡😂😂(score: 4/5)•·其他：＊入到大澳都多人食蝦豬餅，所以都要預時間等，等嘅期間可以隔離食個沙翁先😂😂😂··-評分👑賣相：✨✨✨✨味道：👅👅👅👅價錢：💰💰💰💰推介：⭐️⭐️⭐⭐(5分滿分)~~~~~~~~~~

蝦豬餅係我地入黎大澳其中一樣一早bookmark定ge小食，我地星期日1點前就黎到，等到店鋪開門，叫左當日第一份蝦豬餅🦐🐖🥙落單後店主會羅一塊類似烤餅的餅皮煎，同時係側邊會炒埋落左蝦醬的豬肉碎，一路炒一路會有好香的蝦醬味傳出~~~最後加埋豬肉碎同生菜就搞定！雖然細細份要$30 唔算CP值好高，但食落真係好好味！豬肉碎充滿鹹香，啱曬我呢個重口味人士😋豬肉碎的份量都唔會話好少，加埋d生菜一齊食會再fresh左~下次入大澳一定會再encore！

除咗沙翁之外 蝦豬餅都好多人推介✨店員keep住密密煎 但都要等幾耐吓🤫.📌蝦豬餅 $30原本睇相以為佢好大塊 但係塊手抓餅嘅size比普通嗰啲細🧐不過入面就塞滿晒餡 食嘅時候好容易就跌晒出嚟🤣入面個豬肉碎係撈咗大澳嘅蝦膏 令到個肉味提升咗 鹹香味十足😝啲肉碎都幾多肥膏 都可以叫係甘香啲同口感滑啲嘅🙈除咗肉碎仲有好多生菜碎🥬可以減低油膩感 食落清新啲🙌🏻如果想試吓大澳啲蝦膏又唔想買一樽嘅話 試吓食呢個都唔錯🥰

           一早就在openrice和其他網站上看過張財記蝦豬餅的介紹，這次專門入大澳試一試！           這間蝦豬餅可以說是遠近馳名，我和朋友一去度就發現有大約十幾二十人在排隊，但老闆的速度也不慢，等了大約十分鐘就已經把兩份熱騰騰的蝦豬餅拿到手。           蝦豬餅用油酥餅做外皮，用來包裹著里面由大澳特產——蝦醬炒香的豬肉碎和爽脆的生菜。一咬下去餅皮酥香可口，再里面的豬肉碎經蝦醬炒過別  有一番鹹香的感覺，同時又因為有生菜清淡爽口的味道配合著，所以不會覺得很鹹，反而會覺得配合得恰到好處！忍不住要舉起大拇指！           價錢有點小貴，＄２８一個但都是大澳的特色，可以接受！

平日去既時候就已經好想食，可惜只係星期六日先會開。難得週未得閒，去撞一撞，果然有開了。已經有幾個人係度排隊，我地有3個人叫左兩個。幾年前食過一次回味無窮，之後都有去但就只有平日先得閒，所以都撞唔正佢開。檔口都係一個人打理，豬肉碎都係一早炒好既，基本上只係煎塊餅炒返熱肉碎再包埋生菜就搞掂。雖然造法簡單，但呢幾樣野一齊食落口味道特別夾

蝦豬餅 $28·呢個我就有D失望啦 我記得之前黎食係超級惹味 我勁念念不忘😭但係今次黎食好似蝦醬味無咁出 而且D豬肉碎比較乾身少少🤔整體黎講都無我上次食咁好味🙊🙊·📍蝦豬餅(大澳吉慶街41號)

一開始對於蝦豬餅冇咩期待 仲驚會好鹹但係食落好大驚喜😳首先 個餅係油餅皮 因為即煎 所以拎上手熱辣辣 個餅都做到內脆外軟🤤仲要有充足嘅量 有好多用蝦醬炒嘅豬肉碎 食落好香 同埋生菜🥬所以當你每啖都咬到肉同菜嘅時候 就無咁油同埋鹹啦！也都唔駛驚太多菜而冇味，因為肉菜比例大慨2:1 不過佢每個即整 我覺得大家都可以問吓可唔可以多肉少菜或者少肉多菜😂即使平時少食蝦醬嘅我 都好鐘意食 因為個餅皮加上肉碎同埋新鮮生菜 口感好好 必食啊❣️

大澳有好多小食，聽聞蝦豬肉餅係大澳必食既街頭小食，難得同朋友放假黎大澳慢活，咁就一定吾可以錯過！想食蝦豬餅未行到埋去已經聞到陣陣蝦醬味，遠遠望去仲有一條長長人龍。佢地既蝦豬餅係即叫即整，餅底係印度薄餅，睇住佢將薄餅煎香，包實生菜絲同炒好既蝦醬豬肉碎，熱辣辣妹好味。原先以為蝦醬就一定好鹹啦，點知佢加左d生菜落去，令到成個蝦豬餅咬落去好有層次，食到啖啖豬肉碎，好滿足啊！一個蝦豬餅28蚊其實算貴，不過一場黎到真係值得一試!