Siam 28

Open Now

Now Closed

旺店成日俾人話啲嘢唔好食呢間黃得黎又好食就梗係要去幫襯下～都成9點用app訂枱有8折～入面full house要喺門口等一陣~三個女仔叫六樣～其實仲想食不過我地晏去唔阻人收工燒豬頸肉吹口香口最正係佢跟咗幾個汁一齊上有任你點～（包括泰式雞醬、泰式辣醬、泰式乾辣椒粉、酸辣汁、青檸辣魚汁、魚露）青咖喱雞配薄餅～我哋另外叫多咗份薄餅嘅。其實我地係想食青咖喱泰國圓茄子menu無嘛，青咖喱配茄子其實絕配冇得頂～我哋食晒啲茄子留低晒啲雞粒🤣雞都係襯黃咖喱多啲其實因為我喉嚨痛好多辣野我都冇叫到，叫咗個好Mild嘅炒雜菜好足料好大碟！泰式炒金邊粉配埋個蛋網～正宗味道賣相靚仔呢個好食既蝦醬炒飯其實我平時好鍾意食，但係啲朋友成日話我重口味～佢嗰隻泰式蝦醬其實唔係中國蝦醬個種咸架～佢配埋醬油撈埋一齊炒真係好惹味好好味架～仲有兩粒豬手同平時會有既臘腸薄脆同蛋～蛋煎糯米飯配芒果～～即係芒果糯米飯啦～飯同椰汁係咸嘅先係正宗架！佢咸架～不過甜品我都想要返蒸飯唔想煎哈哈侍應好招呼，地方細細可能我地夜去都唔覺好嘈，仲有window seat haaaa ~~出門仲見有口罩唔怕你食完無口罩用

老公接收工，陪佢去銅鑼灣拎眼鏡，咁就係附近覓食，突然想食泰國菜，就搵到呢間，睇落賣相都靚，又乾淨企理。老公最愛，炸蝦餅，配左好多款醬汁，上菜時侍應會介紹每款醬汁既特性，幾細心。我係一定要食菜既，就叫左呢個椰菜苗，一開頭食覺得有少少苦，但食落又無野喎，成碟清哂蝦醬炒飯，我覺得好好食旁邊仲有肉鬆、腰果、臘腸等配料，飯炒得好香好惹味！我好鍾意食仲叫左個鮮蝦金邊粉，賣相都好精緻，味道係酸酸甜甜既，好啱我口味值得一讚既係果3隻蝦，都好新鮮，彈牙！埋單兩個人$467，食到超飽！會再返黎食！

我地同兩個朋友早兩日已訂枱去試呢度泰菜，但太失望，唯一好的就是服務好好。訂了20：30，但最后差唔多9點才能入座。。。。。一坐低已立刻ORDER，先黎生蝦刺身， 蝦不夠新鮮，肉質有點點的霉，配的醬料就不錯，挺特別的PRESENTATION，辣度也不一樣，有點肉用的，有點其他食物用的。再來就是炸蝦餅同蝦醬炒飯，兩者都不外如是，沒什麽驚喜。。。點知。。。。。。。。 蝦醬炒飯之後，等左好耐都未有下道菜。。。。。。。 其他客都等好耐。。。。問下WAITER，話厨房好多單，煮唔切。。。。。。。 終於乾炒牛肉河到，味道真的一般，河粉並不是正宗泰國河粉，泰國河粉口感是煙‘UN’的，但這裏不是，而且分量很少 加埋一要$100。。。。。。杜黎咖喱。。。味道好失望。。。。。。。同芒果糯米飯同時到，等到天昏地暗整體來説，同區泰簡單更好，屯門的小曼谷性價比更高！

上個月媽咪同朋友黎過呢間食過後, 對呢度既野食同服務都讚口不絕~ 今晚媽咪建議再黎呢度,一家人食晚飯。傍晚時段入座, 店內未有食客, 一坐低, 待應先送上五色泰式同越式汁醬, 還先跟我地仔細介紹邊款食物配上哪一款醬汁味道最佳。我地點左幾款野食, 店員為我地調好上菜節奏, 免得一次過上菜, 令食物凍左而錯失最佳味道。【珍多冰】HK$48椰汁味幾重, 甜度剛剛好【炸蝦餅】HK$88即叫即炸, 熱辣辣上檯, 炸得金黃香脆, 蝦餅很鮮甜, 而且帶點彈牙【冬陰公】HK$108冬陰公本身已經夠熱就立即上檯, 還跟一個小火爐慢慢興住, 慢慢食唔會灘凍。味道酸酸辣辣, 愈食愈開胃, 入面更有四隻已脫殼既蝦同埋幾隻秀珍菇。隻蝦超級爽口...【炒鮮蝦金邊粉】HK$118本身自己唔太中意食金邊粉, 因為出面大多既金邊粉都被炒至一pat pat。但妹妹堅持要試一下, 所以都有order。薄薄既蛋網住金邊粉, 除左表層, 入面都有較多既蛋絲, 金邊粉粉質軟硬程度剛剛好, 整體蛋味幾濃。【蝦醬炒飯】HK$118炒飯為濕炒, 唔會太乾身, 炒飯粒粒分明。炒飯中有臘腸粒、蔥粒, 陣陣既蝦醬味慢慢散發, 幾香口。【沙爹

期待已久既美食聚會，今次地點由嘉雯姐提議試一試泰北風情，但何為泰北菜呢？我跟幾位朋友仔首批到達，探一探路、視察環境，飲返兩杯啤酒熱熱身先。早前已上網備足貨，對食物有一定既慨念，都略略知道餐廳有咩美食提供，今晚難得 9 位朋友抽到空出席，可以點更多菜，可以試多一點。到等左一段時間，但朋友們還未到齊，因為實在太肚餓，大家投票決定 order 小食頂住肚先，我當然讚成啦。Order 幾款前菜後，侍應隨即端上泰式醬料，器冊精緻，整齊地一字排開。5 款泰式調味料，魚露、酸辣汁、甜酸醬、薄荷醬、青瓜醬油，其具特色，因應個人喜好隨便享用。食越南菜飲越啤、食日本菜飲 saka、食韓國菜飲真露、食西班牙菜飲 sangria、食泰菜當然飲泰啤啦 ﹗泰國 Siha 啤酒，第一次試，好飲過泰象啤喎，冰凍清爽重啤酒味。泰式生蝦刺生，明顯不是生劏即做，欠缺鮮味、欠缺黏黏濕潤質感呢。只爽但不彈，大路穩陣派。傅統正宗配料，夾上辣椒苦瓜沾埋大量酸汁同吃，甘香微辣，醒神醒腦，味道還可以。炸蝦頭就麻麻地，完全無味既？感覺不到香脆又無蝦膏，麻麻地。炸女婿蛋，睇埋英文 Fried son in law eggs 都想像唔到係什