百樂門宴會廳 (Closed)

今日weekday同朋友嚟咗呢度飲早茶，大約十點嚟到，咁大間酒樓都係得十零檯客🙈我地叫咗早晨孖寶叉燒腸配流沙奶皇包，拼盤蝦餃，紅棗糕，燒腩卷各一件同埋一個迷你鳳爪排骨飯～叉燒腸望落都幾剔透，皮唔算厚食落都算滑，係呢餐裡面算出色既野食了😅流沙奶皇包已經即刻食，但完全唔流沙囉！只係一個極普通兼冇蛋黃香嘅奶黃包👎👎 完全違反左商品說明條例😒🙄蝦餃嘅蝦肉都彈牙，蝦餃皮唔算厚，正常水準～紅棗糕賣相唔得，聞落ok，食落太多魚膠粉到口感偏硬，唔太掂👎燒腩卷都幾鬆軟，裡面既腩肉有層次，味道還好，夾埋一件薄薄既芋頭，懷舊既味道🆗鳳爪排骨飯既排骨太肥，無肉食，完全唔夠餸送飯，飯粒偏淋左啲，不過$9.8呢個價錢性價比還可以吧呢餐整體水準只屬於中下，另外要收茶芥，小食錢(花生/蕎頭無得唔要) 同加一，唔會再黎😐

又到星期日可以同屋企人一齊family day，今次去百樂門宴會廳， 我們到的時段大概係下午茶時間，好容易就有位了。看見餐牌下午茶的點心真是很抵吃，我們吃了很多點心，埋單大約400多元。 這裏環境舒服，位置寬闊同朋友或家人來到飲茶傾下偈又一個下午。點了太多點心不能一一盡錄， 點心的水準都是正常的，算是中規中矩吧！蝦餃 ~ 一籠四粒，蝦肉新鮮，大大粒唔錯。鮮蝦菜苗餃 ~ 這個我沒有吃，但家人話味道唔錯。魚肚比較肥膩， 多油但偏淡。這碟炒河雖然賣相不算美，但是食落口唔錯， 炒得幾乾身。我最喜愛的釀辣椒，魚肉彈牙。雪山叉燒包 ~ 到的時候唔夠熱 薑汁糕 ~ 香濃的薑汁味，口感煙韌。叉燒米粉 ~ 半肥瘦叉燒，正。鹵水鴨腳 ~ 鹵得入味夠林。整體來說，如果對點心沒有太高的要求，來這裏和家人或朋友聚餐，環境都算幾好的。

如果你3年前問我，邊間酒樓點心係好食又平？其中一間我會答你:"九龍灣megabox分店既百樂門"。當時呢間分店大部分既點心水準都係幾好，而且因為有五折，十幾蚊就食到好好食既蝦餃燒賣蝦腸...闊別左三年，再次嚟呢間分店，我認為點心質素尚算okay但已不及當年好。蝦餃(特點)蝦餃仍然做得唔錯，大大粒岩晒大食之人，皮方面仍然幾薄，蝦係被打成蝦膠但仍然幾爽口彈牙，配上荀絲，幾有口感，而且亦有豬油既香味。 蘿蔔白玉千絲酥(大點)蘿蔔白玉千絲酥，當年其實係做得好食，外層薄而鬆化，充滿牛油香，蘿蔔鮮甜兼爽口彈牙。不過而家，外層厚左唔少，雖然仍然鬆化，但入面既蘿蔔同冬瓜蓉太腍，無左當年既爽甜。翡翠鮮蝦腸(特點)翡翠鮮蝦腸，翡翠係指入面既翠玉瓜，幾爽口，亦可消除蝦既腥味。腸粉同以往無咩分別，仍然係較為厚身，但入面有兩隻鮮蝦，幾爽口而且彈牙，同時亦幾鮮甜，唔錯既。流心芝心球(大點)流心芝心球，芝心既芝士味唔夠濃，亦唔算太多芝士，芝心球煎過後都幾香脆既。燒賣(特點)燒賣，相信唔少人都會被燒賣上大大粒蝦吸引左眼球去望，當年嚟講其實好好食，不過而家呢個燒賣質素上下降左唔少。蝦依舊爽口彈牙，豬肉亦都幾結實唔會一