呂錦記手撕雞專門店 (筲箕灣道)

Open Now

Now Closed

▶香辣手撕雞 ＄60 香辣口味的手撕雞很惹味，除了一絲絲手撕雞還有雞翼和雞爪，份量都不少可以買來送飯吃，但因為怕辣所以有特別讓店員別下太多辣，因為不辣又太清，加了點點辣更加開胃🤗  ▶蟲草花水晶雞 ＄88 這道水晶雞十分香，有滿滿的蟲草鋪在面，半隻雞十分大份，還伴有大量鮮甜雞汁，肉質超級嫩滑，買去加餸都十分適宜😋 專做雞的店出品果然較好吃，這家還有幾間分店，喜歡吃雞的可以試試😊😊  呂錦記手撕雞專門店 

呂錦記，位於西灣河既手撕雞專門店，就係太安樓附近，專做外賣，手撕雞款式都好多😃原味、麻油、五香花生、川辣、香辣、超多唔同既味道，仲有幾款古法水晶雞，選擇好多👍🏻原味手撕雞，包裝好靚，打開就即刻聞到好香，同埋份量好多，流口水😙手撕雞細細舊咁，口感好好，痴滿醬汁同芝麻，原味都好好味，雞味濃🥳原味都好正，愈食愈想食😋蟲草花水晶雞，錫紙包住，一打開有啲蒸氣，好原汁原味既雞味💨好多蟲草花，忍唔住即刻拎隻雞髀食，滑到一個點😮睇得出咁嫩滑既肉質，雞肉入面都好多肉汁，雞味超濃，好好味🩵胸肉同其他雞肉都好滑好食，雞肉點返啲雞汁食好爽🤤真材實料，份量多味道好又精緻🍀鍾意食雞既真係必食，必定返食👏🏻👏🏻

成日都見啲人介紹呢間手撕雞我本人對手撕雞就冇乜研究🤭平時都係食開大圍嗰間手撕雞腸粉🤣今日經過香港島嗰邊就順便買兩兜返屋企加餸啦🍗位置係勁方便西灣河地鐵站2分鐘就到🚝或者搭電車嘅話就落車過對面馬路就已經係喇🚃店面都幾乾淨企理🫧🧽🧼買嘅時候都不斷有街坊過嚟幫襯應該都幾受歡迎👩🏻🧑🏻👵🏼選擇就唔係話好多但係就係咁樣先至做到夠專注專業👍🏾今次第一次試就試咗半隻蟲草花水晶雞😍同埋五香花生手撕雞🥜蟲草花手撕雞用錫紙包住拎到返屋企仲係熱辣辣超級多雞汁望落去係好吸引五香花生手撕雞都好出色皮薄肉嫩🤤有雞皮但係無肥膏啲雞又夠甩肉食得好暢快仲要兩盒份量都幾多搞到我要留返第日帶飯繼續食🍱下次經一定要試埋其他味🥹其實佢呢啲係咪就係所謂嘅黃油雞🤔真係好好食🤣🤣🤣🤣🤣可唔可以喺九龍開返間唔使我下次要山長水遠走過嚟😆

又黎到呢間外賣手撕雞專門店，上次食過覺得好好味，而且款式有好多唔怕食厭🤣。🍴蟲草花水晶雞 $88半隻蒸雞用錫紙包住 出面仲有個膠盒好乾淨企理 要翻熱都好方便雞肉嫩滑多汁 蟲草花落得好足最難得係雞有雞味🐔！出面好多雪藏雞係冇雞味嘅😂 🍴香辣手撕雞 $60半隻今次挑戰下呢個2隻辣椒仔辣度嘅手撕雞又唔算好辣喎 睇黎下次可以挑戰3隻辣椒😏肉質爽滑彈牙 夠入味香辣味好惹味 撈飯一流 除左雞之外仲有好多小食涼拌菜，價錢親民，味道又好，見到好多街坊都落黎買。

之前食過一次返尋味回味無窮，今次特登再去買外賣返屋企食!!!上次食完，屋企人好鍾意蟲草花水晶雞，所以今次都有買返!!仲有幾款辣味/孜然雞都好吸引，下次有機會再試!!☁️蟲草花水晶雞 半隻$88獨創古法蒸籠加入蟲草花枸杞雞湯蒸製，養生又養顏~好好嘅加餸之選!!返到屋企仲熱，好多蟲草花喺入面，吸晒雞汁同精華!!隻雞保持水準，又香又Juicy，肉汁四溢!!真係好嫩滑~戴上手套輕鬆一撕就開~☁️原味手撕雞 $58今次試咗原味手撕雞，手撕雞份量依然好多~食得好滿足!!!原味鹹鹹香香咁，唔需要太多調味料都好好食~比較健康又充滿蛋白質，送飯一流(⁎⁍̴̛ᴗ⁍̴̛⁎)

呂錦記好易搵係太安樓隔離😚呢間除左有手撕雞，仲有原隻水晶雞都好鬼正😋輕食鹹香去皮手撕雞$68半隻呢個岩晒keep fit人仕食🤭去埋皮少脂少油👍🏻連埋青瓜一齊食有唔同口感😋大人細路都岩食☺️份量仲好足呀😚好快就食晒🤪惹味西域孜然手撕雞🌶️$60半隻話明惹味又真係喎🤭佢有少少辣，又真係正好多喎😋雞又嫩滑，送啤酒一流🤤古法蟲草花水晶雞$88 半隻🌟呢個我最喜歡，店舖好細心用錫紙包住，返到屋但仲熱辣辣👍🏻比左兩包手套可以比我地自己撕黎食🤤上面鋪滿蟲草花，水晶雞啲雞肉好嫩滑，好夠味，撕出黎食大啖大啖咬好多汁流晒出黎🤤又平又好味😋

鹹香去皮手撕雞($68) + 蟲草花水晶雞($88/半隻) (外賣) 舖位喺西灣河太安樓隔離，除非連太安樓都唔識，否則地點唔難搵👈🏻餐牌上手撕雞有10款口味，水晶雞有3款🐔有辣有唔辣；落單後，半隻蟲草花水晶雞即叫即整，要等大約10分鐘至拎得，過咗隔離文記家品8折8折度涼住冷氣等😌鹹香去皮手撕雞，返到屋企放雪櫃雪凍慢慢食；話去皮都仲有啲有皮，數量可以接受👌🏻手撕雞肉少少鹹香，配青瓜絲一齊食夏天refreshing🧊懶煮餸時買嚟簡單加餸幾好，冇骨比小朋友同長者食唔錯✔️蟲草花水晶雞，呢款係熱食，用錫紙包實保持溫度，再放入實淨嘅外賣膠盒，拎返屋企時過程企理，另外跟即棄手套兩對，比你自己撕開嚟食🧤雞上面鋪滿蟲草花，底部好多汁料精華，半隻雞size中等，算多肉，味道OK；聽講蟲草花有提升免疫力功效，可降低膽固醇，幫助腸道蠕動排走宿便😗？

太安樓出左名多野食，係太安樓旁邊，過一條馬路，就有一間呂錦記手撕雞專門店。招牌寫住呂錦記手撕雞專門店（總店）🐣職員說鴨脷州同葵涌都有分店。門面非常簡單，明碼實價例如懷舊口味手撕雞$58 半隻🐥惹味手撕雞$60 半隻呢兩款係凍食古法炮製熱食蟲草花水晶雞$88 半隻花膠水晶雞$168 半隻輕食＜標明告別脂肪，越食越fit>意思係走雞皮🥒有辣既青瓜去皮手撕雞$68 半隻鹹香去皮手撕雞 半隻仲有一個保鮮櫃擺放著各款小食雞爪雞腎中華沙律每款$26左邊擺放薯唔同口味的魚皮都係$26今日我點左熱食的蟲草花水晶雞職員叫我行下先因為熱食，等待時間大約10分鐘左右輕食 青瓜去皮手撕雞味道同賣相蟲草花水晶雞用錫紙包裹打開即聞到好香的雞味滿舖蟲草花由於用錫紙焗所以肉質非常滑，而且非常多汁＜雞湯＞青瓜醬去皮手撕雞職員教我回家放雪櫃食前30分鐘攞出黎攤一攤青瓜刨絲雞肉用青瓜醬撈好微辣好開胃，同青瓜一齊食非常爽脆職員帶手套製作美食，非常衛生，乾淨😋

人氣高企的手撕雞外賣店，早幾日終於有機會去到西灣河外賣回家食!!呂錦記手撕雞近着太安樓，可以掃完街後再去買手撕雞(⁎⁍̴̛ᴗ⁍̴̛⁎)店舖簡潔乾淨，專做外賣生意，餐牌有多款不同的手撕雞，光是麻辣都有三種不同味道!!!手撕雞飯都只是$40，便宜實惠的經濟之選~☁️蟲草花手撕雞 半隻$88蟲草花感覺比較滋補，營養養生又養顏~所以要要了半隻蟲草花。從店員手中接過外賣時嚇親，包了兩層厚厚的錫紙，店員話三個鐘內食肉都仍然保持到暖暖的溫度!!手撕雞肉汁四溢，一打開錫紙，蟲草花香直撲入鼻!!!有驚喜~而且雞肉嫩滑，一撕就開，完全唔會鞋颯颯!!雞肉索哂蟲草花醬汁，食落好滿足☁️鹹香去皮手撕雞$68呢個係涼菜凍食~適合夏天!!手撕雞份量好多，本身調味鹹香十足，而且好貼心地去皮，連埋青瓜絲一齊食消暑解膩，感覺是個不錯的營養減肥餐~

西灣河出名多好嘢食， 今日試咗呂錦記手撕雞做lunch, 我自己就叫咗蟲草花水晶雞$88 半隻（ 即叫即整熱需時 六分鐘左右）， 感覺好養生🤣， 阿仔就叫咗 青瓜醬去皮手撕雞$68（ 兩隻辣椒 嘅辣度）， 佢個餐即刻叫即刻有， 但係佢都陪住我等， 佢自己都忍唔住偷食咗， 因為實在太香， 嗰度個姨姨仲問佢辣唔辣， 如果食得辣可以 下次 挑戰佢哋嘅 印度 魔鬼辣， 等嘅時候都不斷有人買唔同味道嘅雞， 仲有多款小食 雞爪，雞腎，魚皮花生 ，中華沙律等等（$26份）， 見佢喺雪櫃入面都幾大分， 我隻 蟲草雞 拎到返屋企仲熱辣辣，保溫真係做得好好 ， 撕開雞髀又滑又多汁 ， d肉係爽滑㗎 ， 所以都肯定唔係雪藏雞 ，鹹鹹香香真係超好食， 自己都食咗兩碗飯 阿仔 嗰份 青瓜 手撕雞 ， 又好惹味辣辣地 ， 青瓜夠爽脆 ，佢話下次一定要挑戰佢哋嘅印度魔鬼辣！我都要諗定下次 食邊款好🤔🤔 你哋有好介紹話我知， 不過我下次一定會 叫埋 雞腎， 雞爪， 因為今日返到屋企好後悔點解冇叫， 佢哋啲嘢真係有水準， 最好係食完冇口渴 ，唔會係味精雞果隻。讚！

附近既居民有口福了！佢既雞肉質素相當之高！✨西域孜然手撕雞（$60）孜然味夠曬香口，一打開盒已經聞到好香👃🏻，會令人忍唔住即刻想食一啖，味道剛剛好唔會太濃又唔會太淡，食完唔會覺得好口渴✨蟲草花水晶雞（$88）蟲草花份量十分多，雞既大小好足夠，水晶雞肉質嫩滑到不得了，食完心中當刻吐出咗一萬句「好滑呀！點解可以咁滑㗎！」咁大個仔都未食過咁滑口既雞肉，真係大開眼界🤩，味道淡而香。店員亦都好細心，有將一次性手套擺埋入去外賣盒度。仲提醒我蟲草花水晶雞要親熱食，而西域孜然手撕雞就凍食👍🏻

呂錦記手撕雞是我喜歡的手撕雞品牌之一,他們使用新鮮食材和獨家配方調味料,炮製出惹味十足的手撕雞。店內環境乾淨,服務態度親切友善,深受食客歡迎。我點的半隻手撕雞,雞肉新鮮多汁,肉汁鮮嫩,充滿鮮甜味道。調味料的味道鹹香但不過度刺激,很成功地突出了雞肉的鮮味。另外再追加的蟲草花水晶雞亦香滑美味，齒頰留香呀。除了手撕雞,呂錦記還供應片皮雞肉卷等,選擇繁多。價位合理,一份半隻手撕雞大約六十多元,CP值很高。呂錦記值得一試,尤其是對手撕雞情有獨鍾的食客,定愛上他們的手撕雞。味美價廉,是大眾正能量小吃好選擇。

位於西灣河既手撕雞專門店，呂錦記，舖面簡潔，專做外賣，手撕雞既款式勁多🙉原味、麻油、五香花生、川辣、香辣、印度魔鬼…🐤，仲有水晶雞，超多選擇👍🏻蟲草花水晶雞，半隻，原裝錫紙包住保溫又保留香味同雞汁，一打開就好香✨個人好鍾意食雞胸，胸肉出奇地嫩，拍得住慢煮雞胸😗高質，雞髀就更加唔使講，滑到一個點，唔知講咩好，味道都好好，唔係味精咸，食得出雞味、肉汁等原汁原味，推介！🥳主角：原味手撕雞，包裝整齊，真係好香，手撕細細舊咁，一口size，份量勁多，原味手撕雞個人覺得好重雞味，正🤤無油膩感而口感質地好好，肉質都相當嫩，愈食愈想食💗真係好原汁原味真材實料既手撕雞👍🏻食到最多既係雞味而唔係調味料，鍾意食雞既真係要試，下次食過第二隻味😝

最近經常經過呢間西灣河手撕雞外賣店，今晚表姐帶埋侄女過黎我屋企食飯，我一於買呢間手撕雞店返去加餸。店內有多款雞選擇，有辣有唔辣，任君選擇。由於有以小朋友口味作為考慮，辣就不是這餐的選擇。原味手撕雞（$60），一絲絲去哂骨的手絲雞，易夾方便，是以新鮮雞泡製，雞的肉質鮮嫰，帶有嚼頭，雞味濃郁。蟲草花水晶雞（$80），以錫紙包住蒸，黎返屋企打開，熱熱的煙仍然會冒出，半隻的份量好大隻，很多的蟲草花舖滿去水晶雞的表面。水晶雞皮滑、肉嫰、骨香，口味鮮甜，味道非常出色。小朋友都大贊好食😋👍🏼

【東區】【呂錦記手撕雞專門店】西灣河嗰頭從來都係東區美食搖籃，首推太安樓，係香港一個好著名嘅「掃街」勝地。咁喺佢附近呢，其實都有啲美食，例如呢間「呂錦記手撕雞專門店」。一去到見到佢哋舖面都光猛整潔，企企理理，令人好放心咁嘅。一場嚟到梗係想試佢哋嘅手撕雞，不過我食辣好廢，好多時都望而卻步。但係呢款 $60 半隻嘅「西域孜然手撕雞」就一啲都唔辣，而且好香孜然味，我第一次食孜然味嘅手撕雞，估唔到都好夾，我覺得就算唔中意孜然味都啱食。唔止我一個人食嘅，仲有一位叫東海棠嘅朋友一齊食，所以叫多半隻 $88 嘅「蟲草花水晶雞」，佢係原隻用錫紙包住咁嘅，所以啲雞汁保留晒喺裡面。夠晒濕度，夠晒嫩滑，加埋一齊好好 feel。味道上鹹度適中，更加惹味。總括而言，呢度個餐牌就真係「全部都係雞」，所以我都係主力試佢哋有關「雞」嘅產品。今次嘅手撕雞同水晶雞可以話係各有特色，份量上唔算少，我哋兩個人食呢兩款都覺得飽。佢哋冇堂食，不過呢啲外賣唔會爭太遠。。。（地址：西灣河筲箕灣道33-55號麗灣大廈地下J1號舖）@lvguodong668#1amfoodie #hkig #foodie #hk #hongkong #