喜惶點心專門店

Open Now

Now Closed

有個朋友約我食飯，帶咗我嚟食呢間點心，食完之後覺得佢仲高質過酒樓點心。特別要推薦燒汁牛肉蝴蝶餅，必食！蝴蝶餅比較柔軟夾住大舊過佢嘅燒汁牛肉超級夾，一淡一濃，牛肉鮮嫩，個汁好濃郁，覺得好好彩有嗌到呢個黎食。再講下蟲草花魚肚雞，魚肚好大塊，好入味而且新鮮爽口，滑雞都算大舊，肉質都幾滑，仲有啲蟲草花調下味。芝士牛肉黃金包，相信係店鋪既特色點心，標明全港首創我都無見過其他點心有，而且晚上6點後先會供應，所以就叫左黎試下。個包既外皮整得好鬆軟，真係新奇又幾好食，個涵料都好足，充滿芝士同牛肉，牛肉嫩滑。醬皇金錢肚既醬汁整得好入味，金錢肚幾爽口，份量亦都偏多，不妨一試。呢度價錢同份量合理，食物質素又高，會繼續支持再黎食，仲要keep翻張單30日內再去食可享有9折。

成日都想早起去飲茶食下點心，不過就成日都早起唔到，咁就唯有夜晚去食點心啦，今日去開旺角就search下附近有無點心食啦，咁就比我search到呢間就去試下。第一道黎既點心係原隻鮮蝦滑腸粉，腸粉既質感真係非常滑，新鮮既鮮蝦配埋翠肉瓜，真係健康又好食。呢一道係牛肉點心世家推介嘅其中一道點心，叫燒汁牛肉蝴蝶餅。果然無推介錯，蝴蝶餅軟綿綿冇咩味但夾住濃郁嘅燒汁牛肉一齊食會覺得非常之夾，而且個汁好惹味，牛肉又鮮嫩，一個字正！個人覺得係必嗌既點心。然後到醬皇金錢肚，個醬汁整得好入味亦都好惹味，金錢肚唔會"韌"，真係唔係間間點心鋪都可以整得好食，而且份量亦都偏多。至於名醬蒸美國鳳爪既醬汁都好出色，同樣入味，鳳爪既肉都淋，有咬口，而且份量都幾多。由於朋友好鍾意食魚肚、滑雞，所以魚肚四寶滑雞扎同蟲草花魚肚雞都有叫，兩個魚肚同滑雞既味道基本上係差唔多，只係後者會多左啲蟲草味，而佢啲魚肚非常大片同新鮮爽口，滑雞又大舊又滑，而佢呢度個雞扎其中既材料係蟹柳，好岩唔食芋頭嘅人。尾二上既點心係鮮肉灌湯小籠包，個人認為如果可以多啲湯汁就更好，味道都ok可接受，皮算薄肉都鮮，係個湯汁爭少少。最後壓軸登場嘅係芝士牛肉黃金

唔使講都知今日梗係女友放假啦，唔係點會出旺角食飯呢😆收工喺旺角整完少少野，就搵到喺女人街依間喜惶飲茶，糸Openrice見到啲食評寫啲點心以鮮牛肉為主，所以帶女友依位牛魔女王去試吓🤭兩頁餐牌，點心應有盡有，當然點返幾款特色點心啦⋯⋯😍例湯絕對冇味精，一飲就會知道係自然嘅鮮味，唔信嘅話，飲一啖就知😋竹炭熔岩奶黃流沙包，食嗰時真係要小心，隨時辣親咀，奶黃流心唔太甜，竹炭包皮咬落去係比普通包皮偏實少少，即係話可能無用膨脹劑，比較健康😍炸兩同出面粥舖嘅炸兩係唔同，中間油炸鬼炸到好脆，咬嗰陣時要慢慢咬，因為中間非常脆好容易吉親咀😂蟲草花魚肚雞，啲雞非常滑，魚肚索晒啲雞汁非常野味👍🏻👍🏻鮮肉小籠包，肉汁非常多🤩鳳爪醬汁非常濃郁，基本上我食咗大半碟😂主角就係芝士牛肉黃金包，老闆親自同我講，個包係用牛嘅大髀罅肉去做餡，因為老闆屋企人係做牛肉批發，所以先可以拎到咁特別嘅部份去做依個黃金包，唔怪得啲牛肉勁彈牙啦😍😋紫薯南瓜小丸子，絕對冇油膩嘅感覺，外脆內軟，最緊要係唔太甜👏🏻👏🏻食埋個芒果布甸，圓滿的一餐😁

今晚和女朋友在旺角吃晚飯，即興想飲個夜茶吃點心，上網發現這家的喜惶點心專門店，就來試一試。茶錢只收$3實在是良心餐廳，同時更不收加一。各式傳統點心、蒸飯、粥品、甜點都有，更有不少店家自製的創意點心。花生蓮藕煲豬骨先來一碗例湯，$10一大碗的例湯實在是太超值，純粹天然真味，沒有味精。燒汁牛肉蝴蝶餅店家的主打是牛肉點心，所以來一客燒汁牛肉蝴蝶餅，以香軟的蝴蝶餅夾住煎香的牛肉餅同吃，質感鬆軟可口。竹炭溶岩奶黃包外表有趣，包皮蒸熟後軟滑剛好有嚼勁，而餡料蛋黃味香濃又不失奶黃的香甜，非一般工場式點心可相比。名醬蒸美國鳳爪鳳爪軟腍入味，柔而不爛，醬香馥郁，滲透骨肉。蜜汁叉燒腸粉外皮滑膩柔美，薄嫩有彈性，內裡的叉燒是靚位，不像其他地方用上頭頭尾尾的位置，所以特別滋味雋美。鳳尾蝦香辣鹹水角鹹水角皮脆而餡料口感豐盈，細嚼之下帶有鮮蝦爽脆、蝦米鮮香，鮮爽可口。芥末沙汁三文魚春卷創新的做法，以芥末沙律醬配上三文魚作為春卷的餡料，味道十分合拍。蟲草花魚肚雞十分養生的一個點心，雞件嫩滑有雞味，而魚肚份量驚人，滋味甚為鮮美。蟹肉菜苗燒賣燒賣特別加入蟹肉和菜苗，入口一咬美味可口，口感軟滑柔韌，有另一番滋味。芒果布甸