鼎點 1968 (Moved) New Location

今日想去soho某間寸咀麵店，但原來真係好寸星期日唔開既XD，不過soho多野食，根本唔驚搵唔到食。原本都expect係食西餐，但竟然俾我發現左有得食點心！呢度細細地，但都唔算太逼。五月一日已經擴張隔離鋪，我坐的就係新鋪，掛左一幅香港帆船畫。鵝肝鮮蝦角似乎唔多覺有鵝肝，但幾好食，外表鬆脆，口感好，又香口。裡面多蝦，多汁。鼎點焗叉燒包同方間的分別不大，外表香脆，內裡酥軟。餡料好似少左啲，叉燒的汁都有鎖緊，不會太乾。香煎蘿蔔糕外表是幾好睇，煎得剛好，很香口，但係真的是丁點餡料都冇...有點失望鮮竹牛肉球不錯，爽滑彈牙，合符水準蟹子燒賣皇都不錯，豬肉有少少筋，還好，都咬得落，唔算彈牙，但幾足料同大粒，抵食之選。服務好一般，請了好多暑期工，佢地只會好緊張完成個task，無視客人的需要，不過初出茅蘆的年青人比經的階段，我覺得還好。但是老闆娘(好似係)的眼光卻是最大的壓力，食野最怕比人係咁望住，可能緊張客人感受係正常，但真係要改善下。價錢相宜(喺soho來講)，茶位只係3蚊，每枱都有沖好的茶，我覺得較淡，但男朋友話好飲，唔會太濃又有茶味喎

鼎點焗叉燒飽：酥脆外皮，與飽底都好香口，餡料足而且叉燒淋，熱騰騰時吃尤其驚艷。蟹子燒賣皇：燒賣好大粒，大大隻蝦，唔會好似淨係食緊豬肉咁，而且食落無肥肉! 但一籠只有3粒!!鳳爪排骨飯：份量足，味道幾好，排骨幾淋，鳳爪入味。1個人食3樣食物都已經好飽，而且只係$67：）