蟹家鉄板燒 (Closed)

星期六Lunch time 去，通常都有位，坐得舒服。lunch set 包咖啡茶。我叫咗個蟹炒飯定食同牛薄燒、蝦、三文魚及帆立貝定食。佢嘅蟹炒飯好香，蟹肉好多，葱粒好香。飯質彈牙有咬口，湯係蟹肉味增湯，入面有一隻蟹鉗，湯底清淡，味增味比蟹味重。牛薄燒、蝦、三文魚及帆立貝都好好，牛肉薄燒餡料好足，多蔥係重點，牛肉味香濃，燒得啱啱好，唔會太老。 蝦肉彈牙爽口，唔似一般雪蝦。三文魚就熟左少少，無咩魚汁。帆立貝比較細仔，食落一般，仲有啲椰菜，炒得好香，唔會太淋。咖啡就麻麻地。蟹炒飯定食 $98 +10%牛薄燒、蝦、三文魚及帆立貝定食 $168 +10%.

同同事食午餐，之前一直都未聽過食過呢間，見到食蟹以為係好貴既日本菜，原來午餐價錢還可以，由$85起~話明蟹家，當然要食蟹啦! 我同同事都叫咗個蟹燒雜炊湯飯定食~ 即係蟹粥，粥入面有多隻蟹腳，店舖準備了一支棒方便挑出蟹肉，另跟炸蠔2隻，雜菜沙律及三文魚刺身3片, 仲跟餐飲一杯! 蟹粥蟹肉原本都不少，但拆埋蟹腳入面嘅蟹肉，即時啖啖肉。雖然煲過粥比較淡，但蟹肉嘅味道已經落哂粥入面，粥底又夠棉夠清甜。另一位同事叫咗蟹炒飯定食，炒飯入面都有好多蟹肉，十分夠份量，上面仲放上蟹棒，足料，另配上蟹腳湯，不過只係麵豉湯底加上蟹腳，另煎三文魚一片，跟餐飲一杯!家下一般食個午餐都閒閒地主50, 間中食餐好既都係$100左右, 呢間係一個唔錯嘅選擇!

蟹炒飯定食 ($95): 蟹肉碎不多，飯炒得夠乾身，香味撲鼻，味道不俗。三文魚扒細塊，沙律菜伴碟。麵豉湯裡面也有蟹腳，但嫌不夠鮮味。蟹鍋定食 ($160):定食包括沙律，三片刺身，味噌湯，白飯及餐飲。蟹鍋有蟹腳，蟹鉗，小蟹蓋，豆腐及野菜。蟹肉較散，肉黏殼較難取出，看似是比較差的質素。湯喝不到蟹的鮮味，感到失望。