一點心 (通菜街)

Open Now

Now Closed

禮拜六晏晝兩點去到，好好彩唔洗排大隊，只係等咗5分鐘店員就安排入座，喺等嘅期間店員俾咗落單點心紙我哋。點心紙嘅紙質有啲粗鞋再加上綠色字同埋紅色底板，感覺懷舊!間舖都幾大，被安排咗去房仔嗰邊，環境清潔，唔會坐得太迫。蝦餃燒賣係我每次飲茶必嗌嘅，今次當然唔會例外。點心全部都大大粒，兩個人食咗6個點心1碟菜，要捧住個肚走👫🏻▫️蝦餃係必食，蝦夠大粒又爽身。個皮整得好好，果然係薄身，唔會太粉太痴身 👍🏻▫️燒賣都係好食，肉夠實淨，唔會太多肥豬肉太油膩亦都唔會太粉 👍🏻▫️呢個都係我會再嗌嘅，個皮比蝦餃嘅厚身少少，蝦夠實淨彈牙唔會霉 👍🏻▫️正常發揮嘅素菜餃，可以一試☺️▫️魚湯味唔算太濃郁，鮮竹卷入邊係豬肉，好實在。可以一試☺️▫️蝦腸，腸粉皮夠滑唔會粉，蝦夠大隻。▫️點可以唔食菜。▫️墊枱用點心紙，有埋價錢。▫️懷舊落單點心紙😏

超級中意食點心嘅我 次次經過太子都見到呢間點心專門店成日排晒長隊難得星期五路經太子 下午一點半左右 午飯時段竟然唔洗等位！一入場依然係十分旺場 揀咗個角落位二人枱開始揀點心 我地二人同行共點了5籠點心1. 香煎馬蹄糕好耐冇食過煎糕 點咗好耐冇食過久違了的馬蹄糕煎得好香口 唔會太燶又好有咬感 糕之餘仲有好多一粒粒嘅馬蹄粒 甜得嚟又夠熱氣 我中意2. 蒜香蝦春卷食點心必食嘅炸春卷 一上枱就熱辣辣 炸得脆卜卜 餡又夠多料 size又適中 好滿足3. 蟹皇蒸燒賣食點心必點其一 蝦雖然唔算大隻 但都叫適中因為比較中意食蒸籠點心 所以對佢是十分滿意4.薑蔥牛栢葉呢一款蒸點心唔係間間點心專賣店或茶樓會賣一見有蒸牛栢葉就諗都冇諗就點了牛栢葉一到就十分興奮了 因為薑蔥同牛栢葉是絕配好味到想整多幾籠5. 精製馬拉糕馬拉糕又是我至愛的點心之一夠鬆軟 好好咬呀~~

下班後友人忽然來電說想吃點心，早就聽說在太子的一點心非常有名，不過一直沒有機會吃到，今天晚上正好一試。我們大概19h左右到達，門外已經有一條不短的人龍，因為餐廳不接受訂位，所以每天門外都站滿來自不同國家的遊客，就今晚來說遊客比本地人還多，證明餐廳已經成為遊客必吃的店，米芝蓮推薦的餐廳果然有夠厲害。小店的點心都是現叫現蒸，為了節省時間，我們在等待的時候已經選好等一下要吃的點心，方便廚房也方便自己。等了大概半個小時多，終於有位子了。由於之前我們已經點好了菜，所以過沒多久點心已經陸陸續續上桌。蟹皇蒸燒賣，燒賣有4大顆，豬肉嫩滑。薄皮鮮蝦餃，蝦餃皮真的夠薄，而且不黏紙，蝦肉足料。其實香港人吃點心必點蝦餃跟燒賣，已經成為指定動作，這個蝦餃真的不錯。潮州蒸粉果其實是友人愛吃，本人對粉果之類的東西興趣不大，肉眼看去裡面的餡也蠻多的，友人已經快速鯨吞一整籠。蜜汁叉燒包，剝開兩半，裡面是滿滿的叉燒，從深深的顏色已經能看得出來叉燒入味，肉質夠軟身。精製馬拉糕，一上桌我們是一陣驚呼，實在是太大籠了，熱騰騰的香氣滿桌，糕身夠鬆軟，馬拉糕一定要趁熱吃，冷掉的話味道跟質感會打折扣。薑蔥牛柏葉，一道非常港味的點心，

除咗添好運，一點心都係另一間米芝蓮點心，個人覺得整體水準可以話係添好運之上，難怪附近啲街坊都會排隊去食。最欣賞係個腸粉，雖然稱唔上薄，但真係好滑👍🏻豬骨菜乾粥入面有一舊豬骨，淡淡嘅菜乾味，而且唔太鹹。鮮蝦菜苗餃，有菜有肉，口感比肉餃清新😌燒賣同雞扎都正正常常，不過不失啦。最後悔係叫咗哩個魚湯鮮竹卷，無論個湯定係舊卷，充滿曬芫茜同西芹嘅「香氣」，唔食芫茜同西芹嘅人係好難接受🤮🤮🤮整體比添好運好食，但輸在冇一樣好似添好運個叉燒包咁嘅招牌點心🙈

阿媽成日想試一點心, 但常常都好多人排隊, 趕時間時真的無緣吃。 難得一個下午, 我地食得好開心, 因為食左五樣食物, 計埋茶錢都只係百幾蚊。食物質素唔差, 我份外喜歡它的魚湯鮮竹卷及蟹皇燒賣。鮮竹卷脹脹的, 餡很足夠, 吃下啖啖肉, 比起平時平平空空的, 它真的用料十足, 如果魚湯再鮮d 就好, 但這價錢是很值的。 同樣的啖啖肉, 蟹皇燒賣好實在, 吃時不但能吃到鮮肉味, 其肉沒有肥豬肉, 很爽的口感! 愛吃炸物的我們, 吃到酸甜炸雲吞時, 我更理解為何這店領過獎, 就是連雲吞中的蝦, 它絕不馬虎, 都是大大粒蝦肉, 外皮脆但絕不油膩, 配合酸甜十足的醬汁, 太好吃了! 還有是家鄉咸水角, 我俾十個讚! 它的外皮脆, 咬下脆後再軟身, 餡料豐富, 最重要是它脹卜卜, 食完想再吃。最後是古法炸蛋散, 是我第二次吃, 以前吃時感覺很差, 今次推翻了。 它不油但鬆化, 而且充滿口感, 它上面加了沙糖, 花生, 椰絲和糖膠。 雖然偏甜, 但新穎且好吃。收埋張單, 滿意度再提升。直得一試!

呢家食點心已經唔一定要去酒樓，去小店都係一個好好既選擇，新式點心店系呢家都愈黎愈多，每樣都系十幾蚊至廿幾蚊，叫好多款 $100都吾洗。次次食點心識食都一定會食春卷，蝦春卷好脆卜卜，食落去蝦味超新鮮，果然冇令我失望呀燒賣就每一粒都幾大粒，入面系蝦，啲蝦咬落去幾爽口，油既數量亦適當，既令燒賣有口感亦吾會油膩。叉燒包系新式既，自從數年前出左酥皮叉燒包後似乎好多人都會特登叫黎試，咬落酥皮唔太脆，不過連埋啲叉燒好match。

要數香港最出名的點心店，非添好運莫屬，因為它是香港第一間獲米芝蓮的點心店(不計中式茶樓)，因為它的成功，香港出現越來越多點心店。一點心，一個或許不太多香港人知道的名字，但在外國遊客耳中，它的名號卻絕不下於添好運，連Tripadvisor也有近千人在討論它，如果不是星仔這個遊客，我也不知道這點心店的大名。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊點心店位於太子運動場道，與太子港鐵站僅一分鐘路程。運動場道原本行人就不多，但偏偏一點心門外輪候的人就比整條街上的行人還要多。點心店雖然說是11:00開門，但見11:00抵達，店內已坐滿食客。 幸店外亦備有多張圓凳讓等待的食客邊坐邊等，最後等了20分鐘，終於可以入座。在等候期間，侍應先給了我們點心紙看看，點心有四十多款選擇，一般常見的點心也能在這裡找到。要想知道點心的賣相和價錢，可在餐牌看到。而從餐牌上的九個不同國家譯名，就可估計食客真的是來自全世界。 香煎馬蹄糕($15)馬蹄糕一碟有三塊，每塊呈琥珀色，能隱約見到一粒粒的馬蹄粒。馬蹄糕入口微彈，入面的馬蹄粒非常爽口，甜度也適中，非常好吃。 蟹皇蒸燒賣($24)

與好友相約聚聚, 互相交換旅行手信!不想去油尖旺一帶, 太子也是一個好選擇!突然想食點心, 上網找資料!六時半已有人排隊中...名茶每位 $3豬肉蒸得好嫩滑!蝦彈牙, 好味!魷魚偏乾身, 多少少咖喱汁就好!皮好薄而蝦鮮甜!雞腳有沙薑咸味!一點心 總結: 值得一試!

二月二十四日 (星期四)是晚在旺角看黑天鵝的特別場我靈機一觸,想到太子的一點心因看九點九,我們有的是時間,決定去碰一碰運氣有點驚訝,不日坐車經過必看到大堆的食客在門外等待豈料今日卻並不多人,我們等了約十五分鐘便有位貴為米芝蓮店,我們抱着頗大的期望沒有豪華的裝潢,與添好運差不多,譚點更比它體面呢不過,我們主要都着重食物質素多於外在環境的....先來煎蛋牛肉餅蒸飯很普通的,煎蛋其實與牛肉餅格格不入而且牛肉餅只得其名,沒有什麼的牛肉味飯本身尚可...鮮蝦肉腸...腸粉皮很厚,口感極為不好蝦肉欠新鮮,而且不爽口開始感到有點不對勁幸好燒賣將功補過很香很滑的豬肉,每粒都脹卜卜的,材料十足馬拉糕應是全日最好味的很香很甜,而且呈圓狀一片一片的吃,既特別,又享受接着的棉花雞也不錯雞肉蒸得剛好,很嫩滑而且魚肚吸收了雞肉的精華,雖有點膩,但很香口,肥一點是值得的是晚最值一彈的一定是蝦餃蝦餃皮極稔,未吃已爛透了蝦肉不太新鮮,而且肉質不爽貴因為米芝蓮店,着實有點失望與另一同類米芝蓮店添好運相差甚遠就算與譚點和聚點坊相比,也略為遜色值得慶幸的,是我們不用等太久呢...