功夫點心

Open Now

Now Closed

男朋友約我去迪士尼玩足一天，由於我濕疹發作要戒口，所以晚餐揀左去"功夫點心"飲夜茶，夠正氣呀麻 ！聽聞"功夫點心"係一個成日演奸角既藝人"王俊棠"所開，有好几間分店，是晚我地去既係北角渣華道分店，北角MTR Exit A出, 係北角市政大樓對面。餐廳細細間，左右兩旁分別設有卡座，配合牆上既中國水墨畫及鳥籠型既吊燈，格調相當雅緻骨子 ！餐牌特別，好似武林秘笈咁，d點心仲係即叫即蒸，完全食得放心 ！另外，某d點心，可以點一籠兩粒，兩個人就唔使食哂4粒咁多了！1.功夫蝦餃皇 : 最少兩粒起，點左兩粒，男友食左話皮夠薄，蝦彈牙爽口。2.蟹粉小籠包 : 點左兩個，無咩蟹粉，但皮薄肉鮮甜。3.原汁蜜味叉燒包: 包軟熟，叉燒味美。4.葱花炸両腸: 腸粉夠滑，炸両香脆可口！5.豉汁排骨飯: 半肥瘦排骨，肉質腍熟。6.蟹子香菰燒賣皇: 點左兩粒，有爽口蝦，半肥豬肉，好味。7.馬來沙嗲蒸鳳爪: 辣得入味，鳳爪好口。8.香煎蘿蔔糕: 蘿蔔香甜。9.翡翠叉燒腸: 腸粉幼滑，叉燒大件好味。侍應生能心態度較散漫，掛住傾計，叫極無反應！聖誕節食中餐，同樣一樂也！

聖誕節同女朋友去完迪士尼玩了成日 晚上又係時候搵地方食野.她介紹了一間名叫功夫既地方,又話老闆係一位名人.. 她知道我係好喜歡飲茶食點心的 我倆就決定去試一試 7點左右去到目的地,看見餐廳有很多空桌子，根本不用等位 。服務員招呼我們進去卡位坐下，店內環境算很寧靜，卡位也夠寬敞舒適。

在網上看到可以用table map訂位有九折，所以乘機來試試看！果然好評居多，點心都是熱辣辣的，很新鮮的感覺。特別推薦的是鮮竹卷，湯好就一切很好吃。酥皮焗叉燒酥，很酥，小小一個，感覺不膩。鳳凰煎糯米雞，好特別，皮煎的很好，內陷也不肥膩，不錯！酥皮香麻蘿蔔餅，也是在其他的酒樓很難吃得到的點心，感覺特別，蘿蔔是新鮮的，很juicy! 好吃！還有燉湯都很好喝，很足量，才十幾元。下次再嘗試其他的點心，期待下一次！