Espresso Alchemy

Open Now

Now Closed

去開荃灣見倒Espresso Alchemy好多人幫趁，之前都食過尖咀分店，唔洗加一計落都唔貴，所以又黎幫趁。荃灣店同尖咀店店面其實差唔多大，不過荃灣店有落地大玻璃，感覺更加relax。蛋糕有三款味道。平時嘅Lunch Set Menu只係星期一至五有供應，佢另外有一個係周末同假期嘅All Day Menu，價錢其實差唔多，不過就冇左飲品優惠。Flat White($43/Large) - 第一次飲Flat White，飲落有啲似Latte，不過佢奶味冇咁重，所以咖啡味會香少少，口感亦滑啲。火雞胸番茄三文治配希臘乳酪醬($79) - 三文治超大份，入面除左火雞胸，蔬菜量仲比平時嘅三文治/漢堡多好多，菜款都有幾款，感覺好健康。三文治有輕烤過，火雞胸好嫩腍，口感同平時鴨胸差唔多，帶少少鹹味，加埋微酸嘅希臘乳酪醬，令整體唔會好乾咁。蟹肉味噌扁意粉($119) - 扁意粉唔會太厚，上面有好多蟹肉同雜菌，味噌醬creamy得黎冇忌廉咁膩。香蕉蛋糕($30) - 蛋糕好軟熟唔會太乾或者太甜，好香香蕉味，中間仲夾雜左少少香蕉肉，都幾好食。總結，野食唔錯份量都好足，唔洗加一感覺抵好多，不過因為都幾多人

平日11點半至2點半供應的Lunch Set絕對是性質比之選，免加一服務費之餘，又跟配咖啡一款，更能以優惠價升級其他手沖飲品。蟹肉味噌扁意粉 - $119矜贵在於拆出大量鮮甜多汁的絲絲蟹肉，夾雜切碎的菇片和洋蔥粒，加上質地彈牙的扁意粉特別掛汁，惹味的芝士忌廉汁好順滑Creamy。牛油果蕃茄芝士意大利三文治 - $69健康的素飽，麵包用上外脆內軟的法包，口感好濕潤鬆軟，夾著酸甜多汁的蕃茄和軟糯的牛油果，半溶化的芝士更有少許拉芝效果。生酮宇治抹茶忌廉卷 - $58新出品的甜品款，生酮製法用上杏仁粉，是無麩質的。蛋糕的質感比一般的鬆散，幼滑的忌廉好鬆軟綿密。抹茶粉用上日本茶道級數，抹茶味自然濃郁，入口先輕微苦澀後回甘。Flat White (LGE) +$15咖啡含量比較高，咖啡口感更濃郁，同時有牛奶的柔滑感，少許泡沫更添細膩。Uji Ceremonial Matcha Latte (LGE) +$15同樣用上日本宇治茶道級的抹茶製作，入口時清甜微苦，香氣高雅，無咖啡因也讓人上癮。

可以透入自然光既餐廳成個感覺係特別平靜同舒服，好適合同朋友一齊坐下傾下計。今次呢間餐廳有充足既自然光☀️而且落地玻璃對出有個大空地，空間感好好。我地叫左兩個set lunch 加甜品，慢慢嘆😌《煙三文魚沙律配檸檬🍋醋醬》煙三文魚唔係薄薄一片，夠厚實好有口感，而且唔太咸，檸檬醋醬酸酸地，中和咗煙三文魚既膩，好開胃。配菜仲有黑橄欖、sun dried tomoto 同車厘茄，誠意十足😆《蟹肉味噌扁意粉》蟹肉份量好夠，食每一啖粉都可以食到蟹肉，意粉質地好好，少少煙靭。朋友叫左flat white，佢話唔錯，而我就叫左杯iced mocha，就算啲冰溶咗啲，咖啡仲好幼滑，而且仲好有朱古力味🍫最後當然要試埋甜品啦～《生酮宇治抹茶忌廉卷/ 生酮朱古力班朗尼忌廉卷》原本剩係想試一隻味，但揀來揀去都揀唔到叫咩好，最後兩個味都食🤣🤣🤣喺其他地方都試過抹茶卷🍵不過唔係生酮既，今次生酮抹茶忌廉卷食落嘅口感唔同，乾身啲，因為減少左糖份，所以抹茶味好出。而朱古力班朗尼裡面有一粒粒朱古力碎，而且朱古力味都好濃。

自從疫情後，已好耐沒有帶老爸去嘆咖啡，他已出了聲幾次，我真的再不能扮聽不到了….所以今早帶他到我的心水咖啡室嘆嗰brunch，扮吓乖乖囡。之前已來過，裝潢沒有改動。開放式的門口，加上大型落地玻璃窗，寬敞開揚，更加舒服。設有一張可坐十人的長枱，旁邊有三張圓枱，而泊牆就有一張長沙發座配二至四人枱，全部都落了隔板。找了張圓枱，可坐得鬆動啲。細閱menu，Weekend 供應「All Day」menu ，亦有a la carta。A la carts 分別有Feature Drinks、Coffee、Beer、Chocolate、Tea、Salad、Sandwich 、Toast、Dessert、Burger、Pasta和Panini。***********************我倆在「All Day」menu 揀了兩款食品，另點了兩杯飲品。老爸所選的蟹肉味噌扁意粉 Crab and Miso Fettuccine ($119)第一時間上枱，熱辣辣，散發着香氣。扁意粉略為腍身咗少少，但絕沒有黐埋一齊，加入不少爽口的菇菌，亦有大量的鮮味的蟹肉，跟味噌醬汁緊緊掛在每條意粉上，烹調入味，不會太鹹。

荃灣如心廣場翻新後加入了很多新開的餐廳，最近發現到一間全落地玻璃的Cafe【Espresso Alchemy】，采光超好，而且飲料跟食物的選擇也很多，便決定去試試。下單是自助形式，要先到收銀處點餐付錢，然後食物會再由店員奉上。-🥗青醬雞扒沙律強烈推薦的一道，雞排是以慢煮的方式烹廿，上桌時還是微微溫熱的，不會像平常吃的沙律都是冷的。另外蔬菜也有用心處理過，裡面有烤過的小蕃茄和生的小蕃茄，提供了不同的口感，也有加了欖欖跟火箭菜，不是只有生菜，而且調味處理得剛剛好，黑醋加上欖欖油，好吃沒負擔。重點是份量超足，男生吃也是夠的份量，女生可能吃不完。.🍝蟹肉味噌扁意粉本來抱著試試味噌意大利粉有多怪的心情去試的，豈料有驚喜，味噌味其實不是太突出，比較像咸味的忌廉意大利粉，很好吃，而且料很足，滿滿的蟹肉、雞髀菇跟蘑菇。份量也是比較多的一道菜，吃了三分二就飽到吃不下了。-🍵伯爵茶鮮奶朱古力第一次看到茶味的朱古力，喜歡喝茶的的試了一下，嗯，其實沒什麼茶味，但的確比一般的朱古力沒那麼膩，甜度較低，非常符合我的口味。.🍵手沖茶·果香紅茶由於是手沖茶，等待時間較長，但都是值得的。果香味很濃，喝下去味道純粹，非常