竹 (Closed)

之前一直都好想試Omakase，但真係唔捨得用自己荷包食。咁啱生日月朋友話請我食喎，仲要係午市買一送一，以我比較過咁多間有做omakase嘅餐廳嘅經驗黎講，真心平到爛，於是我就抱住滿心期待咁去應約。朋友專登book左bar枱位，可以一路睇住師傅整一路食。位置仲要係餐廳最入面，相比起出面嘅位安靜得多。個日張bar枱都full左，大約有8個人左右，都冇咩話同師傅交流嘅環節，不過每上一道菜師傅都會簡單介紹下係咩黎。待應都有好貼心咁問下有冇啲咩特別唔食，可以避免。雖然係午市，但食材一樣豪華。首先頭盤上左個蠔同沙律，個蠔上面仲有啲啫喱，加倍左個滑滑嘅口感，一跣入個口入面，鮮甜感完全爆曬出黎，仲有淡淡海水鹹味，令我更期待之後上嘅菜。然後就係刺身同壽司，壽司有好多種類，有炙燒過嘅壽司，魚生壽司，蝦蟹貝殼類嘅都有。佢全部食材都好新鮮，完全唔會有腥味，反而仲保留住魚油香味同鮮味。中間佢有上左一道熱菜，就係蘿蔔炆牛腩，牛腩一啲都唔筋唔痴牙，幾乎係入口即融。仲有一個海膽手卷，脆脆嘅紫菜包住大大舊嘅鮮甜海膽，放喺脷上面享受，都唔捨得吞佢落去。最令我驚喜嘅係最後一道菜，就係玉子壽司卷啦。佢唔講係玉子我就咁睇真係

今日老友請我去食竹，期待已久，一直未有機會試！ 原來他是會員可以享有買一送一優惠！首先講環境五星級日本現代和式設計！今日被安排坐吧枱見著日本廚師嘅手藝整俾我哋食魚生壽司🍣款款都好新鮮！ 絕對不會將貨就價！非常新鮮精緻！好似我食蝦壽司佢除咗肉質彈牙之外，佢仲將蝦嘅蝦子放在上面！還有一款將蟹肉加蛋做成一壽司鮮味無窮👏🏻👏🏻另一推介係鮑魚飯，鮑魚除咗切片佢仲將鮑魚嘅膶打汁放在飯上，鮑魚味，非常濃郁👍🏻👍🏻今日廚師還準備了拖羅面珠位經過少少火燒之後，帶有煙熏味加紫菜一齊食，超正👏🏻👏🏻👏🏻未講海膽又是一絕，用紫菜包住海膽同埋飯一齊食，都係非常❤️❤️❤️最後最特別就係一個好似日本蛋糕師傅又話不是蛋糕因為沒有落麵粉去做純粹用蛋加入帶子汁焗！又一絕！今日真的非常感謝請我食飯嘅老友！可以食到咁物超所值嘅廚師發辦日本料理🙏🏻🙏🏻🙏🏻🙏🏻

「竹」TA-KE 於7月20號推出買一送一劈價優惠，原價每位$880的廚師發板、懷石料理及鐵板燒三款選擇，為期兩周，因為反應熱烈隨即延期至8月16日，幸好我坐言起行，優惠嘅嘢都係早啲去好！結果沒有令我失望，$440/位食到12道 Omakase，全程由日藉名廚小島浩郁壽親自準備，食材沒有將貨就價，雖然並非頂級但上乘，原價性價比合理，劈價後 CP 值高。刺身中最欣賞右口魚裙邊，肥美得有驚喜！日本赤醋米手握壽司手藝非常好，既不鬆散亦不過實，粒粒圓渾分明有咬口；蟹肉壽司，加了柚子汁，份外清新的口感；這日的馬糞海膽尤其甘甜，滿滿的、入口即化；池魚切成碎粒並加入芝麻及蔥的調味料，味道昇華！詳情如下：前菜 日本蠔．沙律以鹹香爽滑喚醒味蕾，巴馬火腿溫泉蛋沙律是稱職的前菜。日本蠔的特色在肥嘟嘟，以澎湃的口感取勝，相比蠔味淡，所以一般都會以酸汁調味及紫蘇花點綴，酸酸的味道果然成功帶出多一點蠔香，出奇地，今日我竟然嚐到一點海水鮮味！刺身 牡丹蝦、鮫鰈、右口魚邊、大吞拿魚腩四款刺身中的右口魚裙邊、肥美得最有驚喜！輕輕炙燒過，油份逼迫過份，滿嘴油香，美味！日本赤醋米手握壽司手藝非常好，既不鬆散亦不過實，粒