潮館 (創紀之城五期(apm)) (Closed)

夜晚9點去到apm搵食，唔係無位就係仲排緊隊，無得揀既情況下就食呢間。去到原來係宵夜優惠，9點開始，但9:15就截單，10點就要走，所以快速叫左幾款，上菜速度都快既。黎到眼見份量都唔算少，同晚餐差唔多，價錢又平啲啲咁囉🥲鹵水併盤 ($66.5) 咩都有啲既潮式風味，都幾入味。粒粒梅糕骨 ($80) 有蕃薯  但蕃薯既甜同排骨既酸好似有啲唔夾，就咁食排骨都OK既蠔仔肉碎粥 ($35) 好大碗，蠔仔都唔少，不過好似唔係好新鮮，好彩無咩腥味，所以都係一般酥炸魷魚鬚 ($33.6) 唔會有過多炸粉，唔係放左好耐就咁上枱，起碼都熱同脆！七味椒鹽嫩豆腐 ($35) 熱辣辣既，唔錯雖然平，但係服務就好麻麻，成日都搵唔到人。茶芥每位$13，唔好expect食完慢慢坐，因為宵夜時段其實最多都係得1個鐘食，好彩上菜快，唔係夠鐘要走都未食完。係平既，不過又唔係好好食，有得揀都唔想再揀呢間🥴

今期潮樓又有推介,於是去試試.叫左:海底椰川貝燉雞,潮蝦大碗,自家醬蒸翡翠皇,鴛鴦雙棗,蠔仔肉碎粥海底椰川貝燉雞:幾個字可以形容,平靚正,湯底清甜潤喉,好好味.潮蝦大碗:有豬耳,大蝦,雞腎,滷蛋,腸仔,蘿蔔,牙菜.味道可以,並非一般嘅潮式拼盤,材料比較粗.自家醬蒸翡翠皇:好幾肉幾滑,個麵醬香中帶辣.鴛鴦雙棗:仍然好味,用料十足,蝦蟹肉彈牙,香口味美.蠔仔肉碎粥:今次失手,蠔仔都OK,冇咩方魚味,肉碎粥煲得太稀唔太淡.整體:可以嘅.

工作後開餐,想起潮樓剛入六月睇下有冇新野先.叫左:潮汕三味無骨雞,銀蘿披黃花,蠔仔肉碎粥潮汕三味無骨雞:有蘿蔔,酸椰菜同無骨雞,雞係鹹雞所以好夠味,肉質幾滑唔肥.蘿蔔酸辣野味,酸椰菜好爽,酸甜開胃.醬汁有三款,係柑桔油,甜豉油,魚露黑麻油.我比較喜歡柑桔油.銀蘿披黃花:炸黃花魚,應該唔係新鮮魚,炸左都有D腥,肉質仍可起碼唔會梅,銀蘿其實係蘿蔔絲加冬菇絲,個湯有小小過鹹,普通啦!蠔仔肉碎粥:蠔仔新鮮大大粒,方魚香脆可口,肉碎粥煲得剛剛好又夠味.平平地食一餐都可以嘅.

工作過後已經係開餐嘅時候.想起今期潮樓有推介,於是去試試.叫左:潮汕大碗,多寶魚,芋茸香酥鴨,蠔仔肉碎粥潮汕大碗:有豬耳,豬頭肉,雞腎,滷蛋,腸仔,蘿蔔,牙菜.味道一般,並非一般食到嘅潮式拼盤,材料比較粗糙.多寶魚:魚都多肉,但汁比較淡,令魚唔夠鮮味.芋茸香酥鴨:炸得香脆唔油,芋茸好甜,酥鴨野味,做得好正.蠔仔肉碎粥:蠔仔新鮮大大粒,方魚香脆可口,肉碎粥煲得剛剛好又夠味.晚晚潮食就一般啦,平平地食下都可以嘅.

今日有事做, 差不多9時才來到apm...眼見其他餐廳的"宵夜"時刻都在9:30pm後, 上到潮館....太好了!!! 9時開始就有特價 是日2人晚餐如下之後再加多一個蒜蓉炒西蘭花)1. 卥水鵝片 - 上次叫卥水鵝片用了豆腐舖底, 所以今次唔叫豆腐, 點知今次佢用蘿蔔舖底哈哈不過個卥水同鵝片都ok, 不過不失2. 卥水蛋 - 純粹個人喜好想吃蛋, 哈哈都係正正常常。3. 蠔仔肉碎粥 - 呢個野未特價都係三十幾蚊大大碗, 而且味道不錯, 蠔仔也不算少, 材料幾足, 好多時我都會叫佢地既蠔仔/方魚肉碎粥4. []蒜蓉炒西蘭花 : 只係想叫個菜食下, 冇咩要求, 個人喜歡西蘭花炒得好軟林林, 可惜呢個都係比較硬身。2個人埋單好似一百蚊鬆d (免茶芥免加一)....又飽又抵食。