金利來

Open Now

Now Closed

有乜野可以令你一再幫襯？係愛呀❗💕💞愛乜野❓咁梗係愛呢度嘅優良出品啦，鯉魚門 金利來餐廳 我又來了 😆可以喺咁多對手競爭之下，仍保持 屹立不倒 絕非易事 🧐呢度賣嘅除佐係優質海鮮之外，亦係一份堅持 ..... 👍大多數 海鮮餐廳，售賣方式大多數以斤両計算，如果食客人數多圍大數還可以 ......但好似我呢啲通常只有倆口子用餐，想試多幾款海鮮，簡直就係天方夜譚 😞但正正因為 金利來 嘅堅持，堅持以人頭方式計算，套餐價格有高有底，貪心想多試幾款嘅我，真係啱哂 😄今次我們 2 人選擇了人均 $380 嘅海鮮套餐 ( 不須加一 )由於本人對 蟹 不大喜好，訂位時通知餐廳，他們亦很樂意給我更改為 豉汁蟶子皇，抵讚 😘全個套餐共有十款食物，事不宜遲，去 [ 相 ] 🤣1) 清蒸鮑魚鮑魚味濃，肉質結實2) 蒜蓉粉絲蒸元貝蒜蓉特多，元貝鮮甜3) 清蒸海班肉質細滑，火喉一流4) 豉汁蒸蟶子皇香氣撲鼻，一試難忘5) 椒鹽瀨尿蝦炸蒜香口，蝦肉彈牙6) 上湯龍蝦伊麵底龍蝦鮮美，伊麵汁濃7) 蠔油生菜正常發揮，解膩首選8) 秘製海鮮湯湯頭清甜，精華所在9) 生炒臘味糯米飯糯米乾身，口感一流10) 精美水果超甜西

我和家人今次第一次來食，雖然門面不是豪華，但樓上二樓雅座很不錯，同埋大人小孩都坐得舒舒服服，老闆招待客人非常好！🤗🤗🤗師傅煮的海鮮掌握時間非常恰當，保持了海鮮的味道，🤤🤤🤤非常鮮甜嫩滑，最重要的是價錢非常公道！如果要簡單來形容就是平！靚！正！我下次一定會再來！***同埋可以早點訂位，叫老闆介紹一下有什麼時令海鮮抵食同新鮮，預留訂靚靚海鮮，記得要食埋馳名SK11生炒糯米飯，老闆話這個糯米飯真的用了很多功夫同時間炒出來，果然真的口感不同非常好

主角母親大人指明要食海鮮餐，見到團購好似幾抵食，甘就買左4位啦。之後按指示係whatsapp度預約啦，其中我指明要龍躉，但老闆話要睇供應，未必有得俾我。我表示希望留到條龍躉俾我啦，因母親大人對青斑麻麻地。之後上open rice睇睇呢間野，嘩，d人對團購餐惡評如潮，心諗大檸樂，要中伏啦，但仔細一看，都係上年同前年既評語，心諗海鮮都要睇時節同貨源供應既，可能甘岩個期d海鮮唔靚啦 (自我安慰 >.<" )。今日去食飯，見阿媽慢吞吞遲到，又見之前d人評價話唔齊人唔俾入座，心想不妙，點知今日店員並無野講，唔齊人照俾位，服務態度殷勤，並不似之前d人評價甘差！今日既海鮮極新鮮，味道一流，父母出名嘴刁都今日由第一道菜讚到尾。我自己都經常食海鮮，昨天更去完南丫島食，但都無今日呢餐甘好味，今日呢餐真係超水準之作！食材新鮮，份量足，煮好即上枱夠熱(海鮮係要夠熱先好食，不然會腥的)！一字既之曰:"正"！老闆亦非常上心，特登留左龍躉俾我地，實在不得不讚！十個餸真係好飽，但味道真係難得的好味，所以全家都食清光，脹著肚皮離去！