Read full review
2016-03-08
1667 views
可可店呢個名,我細細個就聽過啦。屹立咗係西環n年,不嬲都知佢開得夜,係港大宵夜蒲點,同埋食物選擇多,不過其實都唔係嚟過好多次。今日做嘢夜咗返嚟,心血來潮想食可可店,所以一個人走咗入去。十點幾,成間嘢爆滿,不過一個人搵位都係冇問題,唔駛等。叫咗必點嘅煎腸粉加蛋,而家要成$17。另外揀咗個蠔豉豬骨粥 $19。講真,價錢真係唔平,叫咗嘢嘅時候我已經諗住俾個ok佢。點知,真係好好食!煎腸粉加蛋呢個名物,唔係齋腸,係蔥花蝦米腸,煎得非常香口,加埋豉油、麻醬、甜醬、芝麻,熱辣辣,香、脆、滑。宵夜食到如此水準腸粉,夫復何求。蠔豉豬骨粥,份量細過我諗(唔係平時食粥嗰種大碗),但係好足料。幾件豬骨、蠔豉之外,竟然仲有唔知係咪意外落咗嘅皮蛋。粥身當然唔係生記嗰種綿綿粥,不過啖啖都有料,啖啖都入味。都係水準之作。偏貴,不過值。抵佢生意咁好。p.s. 以佢嘅人流同食嘅嘢,我諗住正常地下會濕濕地唔太乾淨,但係佢keep到枱面地面都非常乾淨,呢點好抵讚。
今日做嘢夜咗返嚟,心血來潮想食可可店,所以一個人走咗入去。十點幾,成間嘢爆滿,不過一個人搵位都係冇問題,唔駛等。
叫咗必點嘅煎腸粉加蛋,而家要成$17。另外揀咗個蠔豉豬骨粥 $19。講真,價錢真係唔平,叫咗嘢嘅時候我已經諗住俾個ok佢。
點知,真係好好食!
煎腸粉加蛋呢個名物,唔係齋腸,係蔥花蝦米腸,煎得非常香口,加埋豉油、麻醬、甜醬、芝麻,熱辣辣,香、脆、滑。宵夜食到如此水準腸粉,夫復何求。
蠔豉豬骨粥,份量細過我諗(唔係平時食粥嗰種大碗),但係好足料。幾件豬骨、蠔豉之外,竟然仲有唔知係咪意外落咗嘅皮蛋。粥身當然唔係生記嗰種綿綿粥,不過啖啖都有料,啖啖都入味。都係水準之作。
偏貴,不過值。抵佢生意咁好。
p.s. 以佢嘅人流同食嘅嘢,我諗住正常地下會濕濕地唔太乾淨,但係佢keep到枱面地面都非常乾淨,呢點好抵讚。
煎腸粉加蛋
$17
222 views
0 likes
0 comments
蠔豉豬骨粥
$19
166 views
0 likes
0 comments
Post