心夜來潮 (Closed)

約左幾個朋友食夜飯,難得其中一個介紹依度,咁就要試下佢既品味喇.坐落其實有啲唔舒服,一來因為座位設計啦,加上椅擺得幾密,我同後面既食客幾乎背貼背.每逄起身,插褲袋,如果唔打側身都會撞到人.依度環境比較嘈吵,要幾大聲先聽得清楚對面講乜.難得既係我地由7點幾開始坐左幾個鐘都無人趕我地走,吹水一流!食得潮汕野,梗係要叫鹵水鵝,好可惜賣晒.第2選擇當然係蠔餅啦,煎到好乾身,邊位仲有少少脆,抵讚,最怕肥冧冧既蠔餅.最重要係足料,蠔非常多.餐牌話係鴨蛋,我條脷好遲鈍,唔太食得出.手打牛丸麻麻地啫,痴牙又多渣,無乜肉味,反而手打魚旦好味好好多喎.我幾中意食獅子頭,但依個整得一般,乾淨淨,又無乜味,隨便夾舊就算.小米餜同餐牌上面個樣唔太一樣,好黏筷子,鹹,如果俾我揀,我會選擇食潮州粉果.潮洲炒米粉,炒得乾身唔油膩,最緊要佢多臘肉同埋蝦米,我最鍾意 .胡椒豬肚湯,比我平時飲既更深色,唔知係咪足料既證明. 湯裡面好多白果,豬肚無煮到完全林晒,仲有咬口, 胡椒味非常濃,飲完之後興烚烚,要猛飲水,冬天食更啱.花甲係用鹹魚炒,好惹味但係份量少.可能廚師好力得滯,炒甩晒啲肉,每次夾個空殼上來感覺得好空虛.全餐最滿

OT放工後搵中間點集合，旺角係1個好地方行過無意中見到--心夜來潮上去，2個人叫左蠔餅：香口，但我略嫌炸得滯，唔juicy,呢個係個人喜好問題小米餃: openrice多推薦就試下啦，平平地絕對可以一試砂鍋粥: 黎到無理由唔食，幾乎檯檯都有。小鍋要$180起，自己揀料配搭。我地要細膏蟹（$120），元貝（$40）和蟶子（$40）。元貝蟶子都係得1隻，雖然大大隻，但有d貴。粥好鮮甜，膏蟹好多膏，小鍋都可分到6-8碗。點可以唔叫啤酒呢，仲要係用碗飲既，爽呀👍

其實好幾次去完新之城行街都見到好大個心夜來潮既招牌！不過無咩腳，所以無入去食。今日難得約得成腳，大家食樓上cafe食到悶，所以我就提議食呢到。黎得潮州菜館，食嘅梗係唔少得有潮州嘅鹵水鵝同埋鹵水拼盤！ 其實如果佢一個拼盤有埋鹵水鵝就好喇！不過好多潮州菜館都係要咁樣分開叫嘅！鹵水拼盤上面有紅腸、肥豬肉、豬大腸、豬脷同埋豆腐。除咗豬脷之外，其他其實都好common！好多地方都係咁樣做拼盤。不過平時好多都會用豬耳，好少用豬脷。。。 鹵水都鹵得幾入味，大部分野都好好食！(我唔食豬脷XP) 個人最喜愛係個肥豬肉！肥得嚟唔會好溜！肥膏同埋肉嘅層次好分明！而且中間有點醋可以點，好有潮州風味！鵝肉真係啖啖肉！有啲friend會走鵝皮，但我個人就覺得鵝肉同埋鵝皮加埋一齊食先係最唔會太咸！調味調得好唔錯！潮州另外一樣好出名嘅就係手打牛肉丸！呢到既牛丸同出面街外買既牛丸好唔同。真係feel到好似漢堡咁樣好多肉mix埋一齊！係手打嘅感覺，唔算話好彈，但就好有牛肉嘅味道。 湯底好配牛肉丸！係用生菜同埋芫荽煮嘅湯底，清清地，幾好味佢呢度因為又好出名嘅沙鍋粥，所以黎呢度就唔可以唔試！叫咗隻膏蟹嘅砂鍋粥，感覺佢好足料