標記樂園潮州粉麵菜館

Open Now

Now Closed

這天我們一行六人來到打冷（潮州食物），第一次來的，覺得他們座位安排夠闊落，不用吃得很擠擁，裝修是一般的打冷舖格局，枱及座位感覺到乾淨，餐具衛生。味道一般，打冷菜式來說的話不是很突出，潮式煎蠔餅及炸白飯魚都炸得很脆，但蠔餅蠔肉很少，炸粉居多。原本想點豉椒炒蜆，服務員推介時令的薄殼，第一次吃，沒什麼特別而且份量很少。滷水雙併叫了兩碟但味道很淡值得讚的是涼瓜炆鱔，涼瓜夠清爽鱔夠味。價錢：分兩種份量收費，例牌或大, 我們點的全是大的，但份量還是有點小，整體餸菜的份量較少，六人點八個小菜，四人吃飽了，另外兩人因為不想要朋友等就不另外加菜了，最後回家吃杯麵服務：服務員都好殷勤，亦會比建議客人，老闆請到這裏的員工真的很幸運，即使評價一般亦有賓至如歸的感覺，超贊

#01102022香港專食打冷既舖頭已經買少見少。同埋好多時係大排檔既形式，環境衛生都一般般。但標記既係室內環境，又有多款打冷菜式，已經吸引入去試。餐廳除左潮州菜，亦有好多中式鑊氣小菜。不過第一次諗住嚐嚐熱門打冷菜先。韭菜豬紅(例)：豬紅質地唔會散，調味濃而不鹹。韭菜味道反被掩蓋。但個人只食豬血，所以無影響🤣蠔仔粥(碗)：淨係睇相已經見到多蠔仔，粥底好清甜，正👍🏻滷水鵝片(例)：鵝片多肉，滷水味就不過不失。蠔餅(例)：非常酥脆粉漿好薄，但蠔既分布唔均勻，有一邊完全無蠔仔。同埋味道相對較淡，可能預你沾豆瓣醬/魚露。總結：整體菜式都好食會想再試。無其他食評講到咁差🙈

今日天氣凍左好多,想搵下有無乜暖粒粒野食,所以幾兄弟就諗住落旺角羊腩煲喇!!一諗就諗起標記!!標記羊腩煲出名好味夾大件, 份量足!!羊腩煲好大盤, 三個大男人都夠晒食!!味道唔駛講有晒保證!!最正佢係用紐西蘭羊, 好少酥味!!啱晒所有人食用, 不過當然有人鍾意羊夠酥啦!!同晒佢有好多枝竹, 同埋馬蹄, 食落好有層次!!馬蹄食落好爽, 仲可以降下火, 食得黎無咁燥熱!!蠔餅好酥脆, 完全係潮州款黎!!佢仲好細心有兩款醬俾你點!!任你點乜醬都得!!不過如果夾硬要彈, 就係蠔仔少左D!!但係都好好味!!鹵水雙腸, 佢有得任你揀點拼!!非常多選擇!! 呢兩樣野係我地鍾意食!!鹵得夠入味, 再加埋佢地個潮式辣椒油!!一流!! 無得輸!!最後想介紹下佢呢個小菜!!話梅骨, 真係好撚手!!味道甜甜酸酸, 又好有鑊氣!!就算佢沾左個汁, 排骨仲係脆卜卜!!個味道唔係度度食到!!真係要記一記佢呢味餸要黎試下!!整體黎講非常正, 三兄弟食到飽!!超級滿足!!

-{黃店💛旺角潮州打冷🫖}本身好鐘意食潮州野😋前排見到好多人post 兩個禮拜前打電話book咗食晚飯🥰🤤鵝片 例🤤 ($80)個份量唔多 滷水味夠同埋底嘅豆腐都浸得多滷水汁🥳👖褲評: 7.5/10🤤蜜椒薯仔牛柳粒🤤 ($110)得陣鹹味🥲牛肉冇用鬆肉粉 但牛味唔重 薯仔撈埋汁好重味精咁👖褲評: 2/10🤤蠔仔粥🤤 ($98)太重味精 好鹹🥲冇乜大地魚味 飯嘅質地亦好淋 唔似潮州粥嘅硬度 冇蠔殼 不過唔好食😢👖褲評: 3/10🤤嘟嘟通菜煲🤤 ($72)味道最惹味 個菜汁夠香 中上水準嘅菜😌👖褲評: 7.5/10🤤蠔餅🤤 ($85)幾鐘意個蠔餅香脆 蠔仔夠多🤩不過朋友覺得唔夠味~👖褲評: 7.8/10🤤椒鹽鮮魷🤤 ($78)個炸粉脆左 同埋魷魚唔夠爽👀不過味道唔差👖褲評: 5/10野食真係好一般 唔明點解咁多人排😗仲要一黎擺低嘅碗勁污糟🙁性價比: 4/10服務: 6.5/10環境: 4.5/10🚩標記樂園潮州粉麵菜館🚩地址: 旺角通菜街12-14號地下