Little Tipsy Restaurant & Bar (Closed)

觀塘之友應該明白要係工廈同商場之中搵到稱得上好食既餐廳係有幾難，已經將幾十頁由頭掃到落尾再掃返上頭，終於俾我搵到間疑似新開又唔錯既西餐，可以同朋友黎試下。焗北海道帶子配蟹肉 ($108)新鮮焗起傳來陣陣香氣，忌廉菠菜覆蓋既賣相未算吸引，亦感覺唔到蟹肉，但食左幾啖軟滑配菜之後就顯露出香煎至金黃既帶子，開始聞到海產鮮味。 一切開完全係喜出望外，刺身級大大粒帶子內裡仲係半透明，熟度岩岩好，夠哂嫩滑鮮甜，十分滿意。西班牙烤雞配烤薯仔 ($188) (半隻)半隻烤雞比想像中大份，亦已經分成雞脾同雞胸兩件方便食。 烤雞表面鋪滿左西班牙香草醬料，雞肉唔算好入味，對我黎講有點清淡。 意想不到烤薯仔居然係重點，連皮焗完仲係好水潤幼滑，薯仔甜香正到唔洗點醬都食唔停。海膽意大利飯伴忌廉芝士 ($208)意大利飯如想像般香濃creamy、夠煙韌，忌廉芝士味就唔太覺，個人認為似龍蝦湯味多d，當中有翠肉瓜同蕃茄粒，帶一絲清新。 海膽尚算鮮甜，係有輕微腥味，不過都收貨啦。水牛城雞翼 ($78)雞皮焗至微脆，入口聞到濃烈既tabasco味，整體味道對辦，肉質再滑少少就完美喇。餐廳尚算寬敞，雖然位置唔太高調都全場滿座。

觀塘既高質餐廳愈來愈多，今次呢間靚裝修，好摩登時尚，岩曬打卡既姐妹們，最緊要係野食都一流！黑松露意粉拌靈芝菇及溫泉蛋$168主菜我重點推薦佢，白汁配靈芝菇仲有黑松露無得輸！仲要個白汁佢煮得好，配方無肥膩感，溫泉蛋係有畫龍點睛之效，蛋汁溝埋一齊食，成碟清空左😋西班牙烤雞配烤薯仔$188個醬汁係bb辣，惹味得黎雞肉又夠曬滑！法式炒薯仔及西班牙辣肉腸$58勁岩配酒一齊享用，仲有炒到淋左既甜甜辣辣的辣椒好入味🌶️意大利芝士蛋糕$48擺盤好靚，48係超值！個🍰一次過體驗到香滑濃～Brooklyn chocolate stout$68比較濃味,成支係面前開俾你飲，包無溝水真材實料～

這天又來到了觀塘吃飯，是預先預訂了的餐廳，觀塘向來有很多工業大廈，不少工業大廈裏都有西式Cafe，雖然地區本身並不是很富裕的地區，但給我的印象就是，很多Cafe的價錢都比較昂貴，真是很多居民和在那區的打工仔都有能力吃嗎？🤔王子大廈在觀塘區應該算是有名的大廈，至少我是聽過的，看得出來大廈花了很多金錢去做裝潢，那麼多年的歷史，仍然保養得很好，上去時感覺也舒服。大廈的裝潢令人舒服，餐廳的裝潢更是，一進去便混合了粉紅色和灰色，卡位以灰色為主，看來很舒服。另外牆壁上有一些像化妝品品牌的射燈，還有些有著燈圍繞著牆身的鏡子，整體的感覺很有格調。早就說了觀塘的西餐廳普遍來說都不便宜，這裡的主菜也是我意料之中的價錢，由$160-$300不等，還有一些小食和伴碟。餐廳的飲品以啤酒為主，不太嗜酒的人只可以選擇booster。現今的西餐廳開始流行「有營」，沙律的款式愈出愈多，連小食類也開始趨向健康，雖然蕃薯條也是炸的，但至少比炸薯條多了一份營養。炸蕃薯條並不是很脆的質感，但裡面真的有很多蕃薯就連本身不太喜歡蕃薯的我也對它生了興趣。酸忌廉即是輕忌廉，相比起一般的忌廉，會令人感覺沒那麼膩，配上酸忌廉是很適合的開始

觀塘大商場，長期多人，餐廳長期爆滿。 隔離大廈有好東西？WHT NOT？榨椰菜花火腿薯仔條火腿鹹香、碎椰菜花口感、炸薯蓉…配合玫瑰 Mayonnaise, 整體非常配搭。西班牙烤雞配烤薯仔皮香肉滑，啖啖肉。燒雞三大要素: 一要香脆，二要入味，三要多汁。呢度完全符合以上三個條件，而且醃製拿捏得剛剛好。慢煮西班牙黑毛豬產自西班牙伊比利亞，食橡果長大，豬肉清晰呈現大理石紋般嘅油花，唔需要特別醃製，烹調時只需要以海鹽、黑椒作簡單調味，食原汁原味最好。除主角黑毛豬外，配菜中東米做得相當出色。生熟度恰到好處，口感一流。朱古力心太軟伴雪糕以薄荷碎朱古力雪糕代替雲呢拿雪糕… 點解會知道我最喜歡嘅味道㗎？

自從公司搬咗嚟觀塘之後，先至發現原來觀塘都有很多餐廳！ 而我就經常可以享下午時間或者晚飯時間去發掘一啲又好味又抵食嘅餐廳。今次到王子大廈嘅Little Tipsy食晚餐，餐廳裝修以現代風格為主調，畀客人有溫暖舒適的感覺！看見餐牌上的菜式都很多選擇，本身想叫生蠔的但是餐廳還未攞牌所以要下一次了！今次我們點了凱撒沙律配海蝦$98，法式炒薯仔配辣肉腸及火箭菜$98，廚師推介意大利飯$138，西班牙烤雞配烤薯仔$188，意大利芝士蛋糕$48。法式炒薯仔配辣肉腸及火箭菜 ~ 有一隻溫泉蛋可以撈埋薯仔和辣肉腸及火箭菜一起吃， 味道控制得很好，有少少辣又惹味。凱撒沙律配海蝦 ~ 海蝦爽口又新鮮，除了新鮮的沙律菜之外還有炸麵包和炸煙肉，如果沙律醬可以再多一點就更加好。廚師推介意大利飯 ~ 喜歡意大利飯的原因是因為口感煙韌，這一道菜又香又creamy，還有爽口大蝦值得推介！西班牙烤雞配烤薯仔 ~ 用香草烤的雞特別香， 雞髀肉相當嫩滑，但是雞胸位置比較鞋口。 但很欣賞烤薯仔感覺健康又好味。意大利芝士蛋糕 ~ 就算食到幾飽都一定要吃甜品，這件蛋糕的甜度適中，味道不錯吧!Little Tipsy的菜式味道不錯