スーパー丼 Express

Open Now

Now Closed

原來逸東樓下嘅Food Hall已經裝修完，多左好多新餐廳，今日就黎食屹立好耐嘅Superdon Express。角切魚生丼（$88）八爪魚、呑拿魚、三文魚、沙甘魚同玉子嘅角切魚生丼，跟餐配麵豉湯同中華沙律。新鮮魚肉大大粒，同份量超多嘅壽司飯，加埋醬油同wasabi，好快就清左成碗！肥牛壽喜燒（$138）佐敦店限定嘅壽喜燒總共有有和牛、肥牛、豚肉同雞扒4款，今次食左肥牛壽喜燒，無論肉量同配菜嘅份量都幾多，配菜就有娃娃菜、洋蔥、大蒜、香菇、金針菇、紅蘿蔔，非常豐富。壽喜燒湯底好香甜醬油味，半熟嘅肥牛蘸生蛋液，口感更滑更嫩，絕對係perfect match！另外加$10白飯就可以升級做稻庭烏冬，暖暖嘅烏冬可以加落湯變湯烏冬，又或者撈芝麻醬食都好正！係Eaton Food Hall食到性價比高又高質既魚生丼同壽喜燒，一定要推薦比朋友！

一直想試下依間，係銅鑼灣駱克道分店每次經過都見到滿晒座，都幾岀名下咖，今日唔知食乜好就落左佐敦個food court到睇下，我先知道原來開左間係到😱有得食又唔洗等位😆-💕 角切魚生丼 $88👅好味指數：7/10配料有玉子、三文魚、螺、八爪魚、劍魚腩同蟹籽，都好新鮮，丼飯份量都好多，但配料都多到足夠餸哂成碗飯😆-💕 鵝肝和牛丼 $108👅好味指數：8.8/10我比較中意和牛丼多過海鮮丼😳鵝肝厚肉煎得好香，入口即溶☺️。和牛大概有5大片，燒得剛好唔會太熟，仲有小小粉紅色💗又唔會太乾，肉質軟腍，油脂滲哂出黎🤤配埋個燒肉汁，甜甜地好正🥺💕-環境：8/10服務：8/10好味指數：8/10回頭率：8/10

好耐冇去過逸東酒店嘅food court，好多食店都轉咗手，今日就嚟睇吓有咩新嘢食，最後揀咗スーパー丼 Express。呢度有丼飯亦有鍋物。丼飯我哋就揀咗角切魚生丼，仲配埋麵豉湯同前菜中華沙律。雜錦魚生有三文魚、吞拿魚、劍魚腩、八爪魚、螺肉、蟹籽等食材，另外仲有玉子粒，材料非常豐富。加$12仲可以有唔同嘅小食，我哋就揀咗吞拿魚腩蓉。25g嘅吞拿魚腩蓉其實份量都唔少，上面仲灑上芝麻同香蔥絲，份外香口。另外我哋仲點咗肥牛壽喜燒，配埋一大碗白飯。壽喜燒除咗有大量牛肉，仲有娃娃菜、洋蔥、大葱、冬菇、金菇同甘筍，全部索晒壽喜燒汁，用嚟送飯就一流！